1 Yowannisi 2:10 - Kafa Linguistics Project

¹⁰ Bi manoon shunniibeeto bekkoochiye bi beeto; bi waan tephi dichemmi mooyo beetaachemmone.

1 Yowannisi 2:10 ပူးပေါင်းရင်းမြစ်များ

Shoddo 119:165

Ne sheeroon shunnii beetinaꞌoyich ooge diggoo beetone; boonoshin tephemmi amee mooyolla aalloone.

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Maatiyoosi 13:21

Tunetaa cammon yeshaaneenaꞌo boonoshi tunetoyich yagaachemminaꞌone; Yeerichi qaaree naboona iritoo woyee duꞌo waahooba bekkech giinnii dihechinaꞌone.

Maatiyoosi 18:7

Ashich xugo tunemmi mooyo woyemmo bi tunetoyich hini showee toommeexi asheenaꞌoyich woowo! Xugo tunemmi mooyo womo echeyaani mooyone; tunebaani are uroon xugo tuneꞌi dichimmi uroyich woowo!

Yowannisi 11:9

Yesuusiyoo wochiꞌi, “Ikke heeyo aaraa gutte saato toone? Areddoona shaꞌeebeeto koniyoona bi beegaata, hini alemeexi bekkoon beeggemmone; ebich tepheyaachemmone.

Yowannisi 12:35

Yesuusiyoo “Batt giisheche aabee wottoon bekko ittoshina tookki beeyemmone. Manderoona shaꞌeebeeto amooch bi hammiibeeto gaata ariyaanoone; ebich ittoshich bi mandereyaachemmoyich, bekke beetaa shaꞌebote.

Yowannisi 8:31

Yesuusiyoo boonoshi mulloon bi toommooch tooꞌiiti Ayihudeenaꞌon “Ta qaaroona ittoshi beegaata, iberoon ta dabboo ittoshine;

Roomi 14:13

Illa hanaachina ikka getiree noonnaa noonna ikkoo baroo toommooch nalloon qaye. Ebiyeenoo wotta kittinnoo tuneti ikke bi manoon axaaxooch yexi dichemmi mooyon gedoochee no qelloon quyebone.

2 Pheexiroosi 1:10

Ebich ta maneenaꞌote! Ittoshi ceekkoonaa kaachoonon manjiyoyich, aafichoyee beshoon kupphebote. Ebi mooyinaꞌon ittoshi tuniigaata, ittoshin tephi dichemmi mooyo ciroona aalloone.

1 Yowannisi 2:11

Tunebaani bi manoon shixxiibeeto bi beeto manderoochiye; manderoona shaꞌee beetone; manderoo bi aafoon bi dookkitoyich amooch bi hammiibeeto gaata ariyaache.

1 Yowannisi 3:14

No, no maneenaꞌon shunnaabeeto no tunetoyich, qitoochee kashee wodooch no kimon ariibeeto noone; bi manoon shunaano bi beeto, batt qitoochiye.