1 Yowannisi 2:1 - Kafa Linguistics Project

¹ Ta shuni bushiisheenaꞌote! Hinin ittoshich ta kooraabeeto, axaaxoon ittoshi shuuneyaachemmoyichiye; tunetaa no daggoochee koniyoona axaaxoon bi shuunegaata, no keroyich shoobbecho Nihoo Yeeri aafooch beetone; biyoo cadiqe Yesuus Kiristoosine.

1 Yowannisi 2:1 ပူးပေါင်းရင်းမြစ်များ

Shoddo 4:4

Ittoshi kaare gaatoona axaaxoon shuuneyaahote; ittoshi qemi beeroochaa cikkiree ittoshi mulloon huushibote.

Hiziqeeli 3:21

Tunebaani cadiqe ashoon axaaxoon bi shuuneyaachemmoyich ne meeqqeqqiitaa biyoo axaaxoon shuuno bi qayigaata, ne meeqqeqqiyoon bi waayetoyich iberoochaa kashoona beeyemmone; newoo ne kashoon wodiyemmo neene” iye.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Luqaasi 10:22

Aree hillooch “Ta Nihoo bulli mooyon taach immitone; Nihoo Yeeriyee damba Yeerichi Bushoo taan koni ta gaata ariibeeto aalloone. Yeerichi Bushoo tayee beshetaa, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeeri koni bi gaata biin ariibeeto aalloone” iye.

Yowannisi 13:33

“Ta bushiisheenaꞌote, batt giisheche saatoon ittoshina tookkaa beeto taane. Taan qaawemmo ittoshine; Ayihudee ukkireenaꞌoyich ‘Ta hammaa beetooch womon hakkaachote’ ta itoommon, andoo ittoshich wotta gettoye.

Yowannisi 14:16

Tawoo Nihoo Yeerin qollemmo taane; bulli yemeenoon ittoshina tookki bi beeyemmoyich, bare Kupphiyechon ittoshich deejjemmone.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Yowannisi 21:5

Yesuusi “Ta bushiisheenaꞌote, haashoo ittoshich beete?” iꞌi echehe. Boonoshiyoo “Amolla aalloone” iꞌi wochiyeete.

Yowannisi 5:14

Ebiyee gubb, Yesuusi uroon yaafee kexoochaa daneꞌi, “And wodito neene; ebiyee beshe mooyo ne toommooch bi waataachemmoyich, ebiyee bekk axaaxoon shuuneyaahine” iye.

Yowannisi 5:36

“Tunetaa Yowannisi miixetoyee beshoon miixeebeeto taach beetone. Ebi ta tuniyaabeeti, Nihoo Yeeri shuune ta ciichemmoyich bi immiti shuunoo, Nihoo Yeeri taan bi deejjoon taachon miixee beetone.

Yowannisi 6:27

Bulli yemeenee kashoon immemmi maayoyich shuunebotalli, aallemmi maayoyich shuuneyaahote. Hini besheyaani koshon ittoshich immemmo Ashi Bushoone. Ebiyoo Nihoo Yeeri taanna bi emiroon bi miixetoyichiye” iye.

Yowannisi 8:11

Ureyoo “Ta doonocho, koniyoona aalloone” iyan. Yesuusiyoo “Tawoo wotta ne toommooch nallaache. Hambe; ebiyee damba guttinnoon axaaxoon shuuneyaahine” iye.]

Mishiraachechinaꞌo 7:52

Keemechinaꞌo daggoochee ittoshi qaabbechinaꞌo duꞌiyaano koniniye? ‘Cadiqo woyemmone’ iꞌi shiichii gettitinaꞌon wuxiyeete. Bi waatenoo, ittoshi and biin beshiiꞌi immiyote, wuxiihote.

Roomi 5:10

Yeerichi shixecho tunaꞌa no beetaa, bi bushoochi qitoona Yeerina tookkaa shuneto noone; illa and no shunetoyee gubb, Kiristoosi kashecho bi tunetoyich, wodemmo no tuno manjoone.

Roomi 6:15

Illa amo tuneba? Yeerichi wojjoyich hajjeebeeto noani, sheeroyich hajjeebeeto tuno no qajjetoyich, axaaxoon shuunebona? Ciroona tuneyaache!

Roomi 8:34

Boonoshi toommooch nallemmo konine? Qitito, ebiyeenoo qitoochee tiyito, Yeerichi qanne badd koteꞌi beeti Kiristoos Yesuusi no qoodoon Yeerin nooch qollee beetone.

1 Qorontoosi 15:34

Ittoshi mulloon kaachibote. Axaaxoon shuuneyaahote. Ittoshi daggooch Yeerin ariyaani ikkikkeenaꞌo beetinaꞌone. Ta ishichaabeeto, ittoshi yeellemmoyichiye.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Galaati 4:19

Ta shuni bushiisheenaꞌote! Ibere Kiristoosichi dabboon ittoshi tunemmi wottoon wochinnoon ittoshich maaxoo manjaabeeti ureyoommon tuneto taane.

Efesooni 2:18

No bulli bi gommona Nihoo Yeer waan ikke Ayaanoona gimon hakkito noone.

Efesooni 4:26

Ittoshi kaare gaatoona, ebi ittoshi kaaro axaaxooch ittoshin bechiibeeto tunaaye; ittoshi kaaree daggooch aabo giyaaye.

1 Ximootiyoosi 2:5

Ikke Yeeriyee damba bare nuggishoo aalloone; wotta Yeerinaa ashoonochi gutte daggooch beeti ikke shoobbechoyee damba bare shoobbecho aalloone; biyoo asho tuneti Kiristoos Yesuusine.

1 Ximootiyoosi 3:14

Kaateree ne waan woya gibenaabeeto taane; tunebaani yagemmo ta tunegaata, asheenaꞌo Yeerichi kexooch aabichiree boonoshi beeyemmo gaata ne ariyemmoyich, hini mooyon neech kooraabeeto taane. Giimboonaa cangiyoona kexon tuuggiꞌi bi neechoommon, Yeerichi kechi asheenaꞌo iberee ariyoon tuuggiꞌi neechii beetinaꞌone; boonoshiyoo beeyechi Yeeri ceeggiti kittinnee guuphi asheenaꞌone.

Hibireena'o 9:24

Kiristoosi ashi kishoona shuuneeti Yaafe Xaaꞌooch, ebiyoo ibere yaafe xaaꞌeexi shaahiyoona tuneti xaaꞌooch giyaanoone; tunebaani shimaayooch giyiichii, and noocha iꞌi Yeeri aafooch giddetone.

Yaaqobi 1:27

Nihoo Yeer waanaa xalloo tuneti ibere goyinno ebine: Nihaalli bushiisheenaꞌonaa xuume maacheenaꞌonochi iritoon gaacho, hini alemooch beeti tiyaariibeeti mooyoocheenoo bi qelloon quyoone.

Yaaqobi 3:9

Are heciyoona Doononaa Nihoona tuneti Yeerin naadiyone; are heciyoonoo Yeerichi shaahoommona halleeti asheenaꞌon uppehone.

1 Pheexiroosi 2:22

Biyoo axaaxoon shuuneyaanoone; kooto bi noonoochee keyaanoone;

1 Pheexiroosi 3:18

Ebiyoommon Kiristoosi Yeer waan noon giddiyoyich, bi qelloona bi cadiqo tuneebee, hukkechinaꞌoyich ikke wottoon ashi axaaxee naboona xuuxoon beeggiꞌi qititone; meenona qitiye; tunebaani ayaanoona beeyechon tunehe.

1 Yowannisi 3:18

Ta shuni bushiisheenaꞌote! Ibere maacoona no shunoon shuunoona bekkiibonalli, qaaroona woyee yibbaatoona baach shunaayone.

1 Yowannisi 3:5

Kiristoosi axaaxoon wokkiiya bi womon ariibeeto ittoshine; bi toommoochoo axaaxoo aalloone.

1 Yowannisi 3:7

Ta shuni bushiisheenaꞌote! Koniyoona ittoshin bi muriciyaachemmoyich, ittoshi qelloon ariibot! Kiristoosi cadiqo bi tunetoommon cadiqittinoon tuniibeeto cadiqoone.

1 Yowannisi 4:4

Ta shuni bushiisheenaꞌote! Ittoshi Yeer magecho ittoshine; hini alemeexi asheenaꞌona tookkii beetoyee, ittoshina tookkii beeto besho bi tunetoyich, are koote keemechinaꞌon kochii wochito ittoshine.

1 Yowannisi 5:17

Asho shuuneebeeti gonde mooyo bulli axaaxoone; wotta ashi toommooch qitoon bechaachemmi axaaxoo beetone.

1 Yowannisi 5:21

Ta shuni bushiisheenaꞌote! Shahalloyich goyinnoochee ittoshi qelloon quyebote!

3 Yowannisi 1:4

Ta bushiisheenaꞌo iberoona boonoshi shaꞌoon waayoyee beshe emiroo taach aalloone.