1 Yowannisi 1:7 - Kafa Linguistics Project

⁷ Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.

1 Yowannisi 1:7 ပူးပေါင်းရင်းမြစ်များ

Shoddo 104:2

Bekkoon tahoochoommon taheto neene; shimaayoonoo duukkaanoochoommon yaggito neene.

Shoddo 51:2

Ta gondo bullin maye; ta axaaxoochee taan xalliibe.

Shoddo 56:13

Kashechinaꞌo toommooch bekkeebeeti bekkoona, Yeeri aafooch ta shaꞌemmoyich, ta kasheen qitoochee, ta baatoon tepheyoochee, wodiito neene.

Shoddo 89:15

Doono Yeero, ililoon ariibeeti, ne aafeexi bekkoona hammiibeeti, asho diireetone.

Shoddo 97:11

Cadiqeenaꞌoyich bekko bekkehe; mulli kaameenaꞌoyichoo emiroo tunehe.

Isiyaasi 2:5

Yaaqobichi yareenaꞌote, ittoshi waataa, Doono Yeerichi bekkoona shaꞌebone.

Isiyaasi 33:24

Tsiyoon beechi “Biiyeto taane” gettemmi ikke asholla beetaachemmone; axaaxecho bullich maaroo danemmone.

Isiyaasi 6:7

Ta noonoon ebi qaaqqoona tuppheꞌi, “Ebiyoche, ebi ne noonoon bi tupphetoyich, ne xuꞌo ne waanee wokkitone; ne axaaxoo maareetone” iye.

Amootsi 3:3

Taajjeꞌi daneyaanoon, gutte asheenaꞌo tookkii hamon hakkeheete?

Zakaariyaasi 13:1

“Ebiyooba Daawitichi kechi asheenaꞌonaa Yerusaalemi asheenaꞌonon axaaxoonaa eeꞌoonoochee xalliyemmi aachi xuupho qecheyemmone” iye.

Maatiyoosi 6:12

No wotta noon xuqqitinaꞌon no maaroommon, no gondoon nooch maaribe.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

Yowannisi 12:35

Yesuusiyoo “Batt giisheche aabee wottoon bekko ittoshina tookki beeyemmone. Manderoona shaꞌeebeeto amooch bi hammiibeeto gaata ariyaanoone; ebich ittoshich bi mandereyaachemmoyich, bekke beetaa shaꞌebote.

Yowannisi 5:4

Ikkikkoochaa Doonochi maraakoo ebi kote aacooch kindiꞌi aacon shuurikkii beehe. Ebi aaco shuuritoyee gubb shiichiꞌi are aacooch giyimmo amee biiyoocheenolla wodii beehe.]

Roomi 13:12

Xumo beshetaa areddoo harii bekketoommone. Illa manderee shuunoon shooti dufiichi, bekkee ginee qiicoon cuyebone.

1 Qorontoosi 6:11

Ebiyee aaf ittoshi daggoochee ikkikkeenaꞌo eboshiyoomminaꞌone; tunebaani and ittoshi Doono Yesuus Kiristoosinaa no Nuggishoochi Yaafe Ayaanoona axaaxoochee macheto ittoshine; yaafeeto ittoshine; cadiqiinoo ito ittoshine.

Efesooni 1:7

Yeerichi wojjoo woddetoyich, bi Bushoochi damoona biicheto noone; ebi getoo no xuꞌoyich maaroon daneto noone getone.

Efesooni 5:8

Ebiyee aaf manderoo ittoshine; tunebaani and Doono Yesuusina, bekko ittoshine; bekko aafeebeeti aafo deꞌittino, cadiqittinoonaa iberittino bullinane; ebich Doono Yeerin emirikkemmo aabi gaata bariiree, bekkee bushiisheenaꞌochoommon beebote.

1 Ximootiyoosi 6:16

Bi ikkeeto baachiye qitaano; koniyoona shago hakkaani wacciibeeti bekkoochiye bi beeto; aafoona biin beeggito koniyoona aalloone; biin beego ashich hakkeyaache. Oogoonaa giidoona bulli yemeenoon biich tunebe. Ameena.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

1 Yowannisi 1:3

Wotta noonna tookki ikkittino ittoshich bi beeyemmoyich, no beeggetonaa no waayetonon ittoshich gettaabeeto noone. No ikkittinoo Nihoo Yeerinaa bi Bushoo Yesuus Kiristoosina tookkiiniye.

1 Yowannisi 1:5

Bi waanee no waayeto, andoo ittoshich no arichiibeeti wocho “Yeeri bekkoone; manderoo cir bi waan aalloone” ii beetone.

1 Yowannisi 5:6

Aachi malletoonaa damee malletoona waati Yesuus Kiristoosi hinine. Biyoo aachi malletoonaa damee malletoonalli, aachi malletoona baach waataanoone. Ayaano iberoo bi tunetoyich, miixeebeeto Ayaanoone.

1 Yowannisi 5:8

boonoshiyoo Ayaano, aaconaa damoonane. Ebi keeminaꞌo miixeti miixo ikkoone.

2 Yowannisi 1:4

Nihoo Yeeri nooch gettitoommon ne bushiisheenaꞌo daggoochee ikkikkeenaꞌo iberoona shaꞌee beetinaꞌon ta danetoyich, oogichaa emirito taane.

3 Yowannisi 1:4

Ta bushiisheenaꞌo iberoona boonoshi shaꞌoon waayoyee beshe emiroo taach aalloone.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,

Yaaꞌoo 12:11

Boonoshiyoo deejjeeti Bagoochi damoonaa boonoshi miixeti Yeerichi qaaree naboona biin kochii wochiyeete; qitooch beddaahaanona boonoshi kashoon aaxxiyaaneenaꞌone.

Yaaꞌoo 7:14

Tawoo wochaꞌa biich “Ta doonocho, neene ariibeeto” iyo. Taach ishichiye: “Eboshi magge xuuxoochee waatinaꞌone; boonoshi tahoonoo Bagoochi damoona machiꞌi naccoo tuniitinaꞌone.