1 Yowannisi 1:3 - Kafa Linguistics Project

³ Wotta noonna tookki ikkittino ittoshich bi beeyemmoyich, no beeggetonaa no waayetonon ittoshich gettaabeeto noone. No ikkittinoo Nihoo Yeerinaa bi Bushoo Yesuus Kiristoosina tookkiiniye.

1 Yowannisi 1:3 ပူးပေါင်းရင်းမြစ်များ

Iyoobi 13:1

“Illa ebiyoche, eboshi bullin ta aafoona beeggeto taane; ta waamonoo waayaꞌa shalligito taane.

Shoddo 2:7

Doono Yeerichi getoon awaajjemmo taane; biyoo taach ishichitone: “Ne, ta bushoo neene; hanaach neen shiyeto taane.

Shoddo 22:22

Ne shigoon ta maneenaꞌoyich gettemmo taane; iitee daggoochaanoo neen galletemmo taane.

Isiyaasi 66:19

boonoshi daggooch malletoon geddemmo taane; boonoshi daggoochee muriccitinaꞌon, ta mooyon waayeyaani, ta oogoon beegaani, aageteenaꞌo waan, Tarishesh, Fuux, shangoon awureebeeti Luudi asheenaꞌo waan, Tubaal, Yawaan, wohooch beeti buure showoochoo daachiyemmo taane; boonoshiyoo aageteenaꞌo daggooch ta oogoon awaajjemminaꞌone.

Haddoo 10:32

noonna tookkii ne hamigaata, Doono Yeeri nooch tuniimmi gaawe mooyo bulliichee, nowoo neech tuniyemmo noone” iye.

Yowannisi 17:11

Tawoo ne waan hammaabeeto taane; ebiyee gubb, alemooch beetaachemmo taane; tunebaani boonoshi alemooch beeyemminaꞌone. Yaafe ta Nihoocho, eboshi noochoommon boonoshi ikkottemmoyich, taach ne immeti ne shigoona boonoshin quyebe.

Yowannisi 17:21

Ta qollaabeeto, boonoshi bulli ikkottemmoyichiye; taan ne deejjoon alemo iberiyemmoyich, ta Nihoocho, ne taanna ne beemoommon, tawoo neenna ta beemoommon, ebiyoommon wotta boonoshi noonna beebeete.

Yowannisi 17:25

“Cadiqe ta Nihoocho, alemo neen ariyaanoone; tunetaa ta neen ariito taane; eboshiyoo taan ne deejjoon ariitinaꞌone.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Yowannisi 19:35

Ebin beeggito miixetone; ittoshiyoo wotta Yeeri toommooch mulloon ittoshi tooꞌiyemmoyich miixetone. Bi miixeto iberoone; bi gettitoo iberoo bi tunoon arii beetone.

Mishiraachechinaꞌo 13:32

“Ebich Yeeri qaabbechinaꞌoyich bi gibenikkiti mishiraachee qaaroon ittoshich getta waato noone.

Mishiraachechinaꞌo 13:41

‘Hini cooqqirechinaꞌote, beegote! Worganebote! Aallebote! Koniyoona getaa, ittoshi iberiyaani shuunoon ittoshi yemeenooch shuunemmo taane’” iye.

Mishiraachechinaꞌo 2:42

Are asheenaꞌo mishiraachechinaꞌochi doyoon waayeebee, ikkottinoona beebee, maayoon ikkooch maabee, manjii corootii beeheete.

Mishiraachechinaꞌo 20:27

Ebiyoo Yeerichi gaboochee amoonolla echiyaanoon bullin ittoshich ta gettetoyichiye.

Mishiraachechinaꞌo 4:20

No beeggetonaa no waayetonon yibbaateyaanoon cikkii qayon hakkaachone” iyeete.

Roomi 15:27

Ebin boonoshi qelloona degga shunnitinaꞌone; wotta ebiyoo tunibede mooyone. Ayihudeenaꞌo boonoshich icheti Yaafe Ayaanee wojjoochee Aageteenaꞌoyich qooditinaꞌone; ebich meenoyich qaawiibeeti mooyona wotta Ayihudeenaꞌon gaacho boonoshich qaawiihe.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

1 Qorontoosi 1:9

Bi Bushoo no Doono Yesuus Kiristoosina tookki ikkittino ittoshich bi beeyemmoyich, ittoshin ceeggiti Yeeri ebin ceechoyich gibeneetone.

1 Qorontoosi 15:1

Ta maneenaꞌote! Ittoshich ta getaa waayeꞌi ittoshi iberiiti, aroona ittoshi neexeti mishiraachee qaaroon ittoshich shalligichiyoye.

2 Qorontoosi 13:14

Doono Yesuus Kiristoosichi wojjoo, Yeerichi shuno, Yaafe Ayaanee ikkittinoo ittoshi bullina tookki tunebe.

Efesooni 3:6

Ebi gaxxeeti mooyoo mishiraachee qaaroona Aageteenaꞌo Ayihudeenaꞌona tookkiꞌi boonoshi woraashoo, ikke ashittino boonoshi tunoonaa Kiristoos Yesuusina Yeeri gibenikkiti gibenee qaaroon tookkiꞌi boonoshi qoodeyoonane.

Filipphisiyoosi 1:7

And cuyee kexooch cuchaꞌa ta beetaa, wotta mishiraachee qaaree iberoyich taggaa, aroonoo manjii ta beetaa, ittoshi bulli ebi shuunoyich taanna tookkii Yeerichi wojjee qoodeyecho ittoshi tunetoyich ta mulloochee batteyaachote. Ebichoo ebi ittoshi bullichon ta gaboo tatoone.

Filipphisiyoosi 2:1

Kiristoosina kuppheebeeto ittoshi tunegaata, bi shunoona goggeebeeto ittoshi tunegaata, bi Ayaanoona tookkii ikkittino ittoshich beegaata, ittoshinaa ittoshina shoodeebeeto, ariqqeebeetoo ittoshi tunegaata,

Filipphisiyoosi 3:10

Qitoochee tiyemmo ta tunoon gibenaꞌa Kiristoosinaa qitoochee biin tiijjiti giidoonon ta ariyemmoyich, bi xuuxoon ta qoodeyemmoyich, bi qitoonoo biin ta shaahemmoyich qaataabeeto taane.

Qolaasiyaasi 1:13

Biyoo manderee taatoo kishoochee noon kichiye; bi shuni Bushoochi taatittineech noon giijjiye.

1 Ximootiyoosi 6:2

Kittinneenaꞌo tuneti doonjechi guuninaꞌo, are dooninaꞌo boonoshich kittinnee maneenaꞌo boonoshi tunetoyich hoxaayeete; tunebaani boonoshi shuunoona gaacheebeeti boonoshi dooninaꞌo kittinneenaꞌonaa shuchetinaꞌona boonoshi tunetoyich, aafichoyee beshiiree maddebeete. And neech ta gettaabeeti mooyinaꞌon kaachi dojjibee ciice.

Hibireena'o 2:12

Ebich ishichiye: “Ne shigoon ta maneenaꞌoyich awaajjemmo taane; iitee daggoochaanoo neen shoddoona galletemmo taane” iye.

Hibireena'o 3:1

Ebich noonna tookkii Yeerina ceekketi yaafe ta maneenaꞌote! Biin no gibenoon no miixeti mishiraachechonaa qeeshee guudoona tuneti Yesuusin gabibote.

Hibireena'o 3:14

Shiichiꞌi nooch beeti gibenoon ciirooch beddaahaa manjiiꞌa no yeshigaata, Kiristoosicho tuneto bullin qoodeyecho noone.

1 Pheexiroosi 5:1

Illa boonoshina tookkii geeno, Kiristoosichi xuuxee miixoo, wotta bekkeya ii beeti Kiristoosichi oogee yiiroochee qoodeyecho tuneti ta, ittoshi daggooch beeti geeneenaꞌon ciiccaabeeto taane:

2 Pheexiroosi 1:16

“No Doono Yesuus Kiristoosi oogeti giidoona woyemmone” iyaꞌa no gettaa beegaata, ittoshich no arichiito, bi oogee yiiroon no hajjee aafoona beeggaꞌaanalli, maroona asho yibbaateti tochoon waayaꞌa toonoone.

1 Yowannisi 1:1

Kashee Qaareechon shiichoochee tiijjiꞌi beeton, no waayeton, no aafoona no beeggeton, xiishaa no ciinnetonaa no kishoona yechaꞌa no beeggetonon ittoshich kooraabeeto noone.

1 Yowannisi 1:5

Bi waanee no waayeto, andoo ittoshich no arichiibeeti wocho “Yeeri bekkoone; manderoo cir bi waan aalloone” ii beetone.

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.