1 Ximootiyoosi 6:4 - Kafa Linguistics Project

⁴ geecoo biin nafiitone; amoonolla shalligaani tuushoone. Biiyechochoommon kittinnittinee doyoon qallayoyich taggoonaa hayoononiye bi qaatiibeeto. Ebi mooyinaꞌoochee qanaato, kaaro, naago, biinnaa biinna mateyoo,

1 Ximootiyoosi 6:4 ပူးပေါင်းရင်းမြစ်များ

2 Ximootiyoosi 2:23

Wotta kaaroon deebemmo bi tunoon ariiree gaacaalli duube gajjiteyoochee wohe.

2 Ximootiyoosi 3:4

ashoon beshii immechinaꞌo, afaafinechinaꞌo, geecechinaꞌo, Yeeriyee beshiiꞌi boonoshi qaatee ceechoon shunnii beetinaꞌo tunemminaꞌone.

1 Ximootiyoosi 3:6

Biyoo geeciree daabiloosi toommooch nalleetoommi nalloo bi toommooch bi nalleyaachemmoyich, kashaani kittinnoo tunaaye.

Yihudi 1:10

Tunebaani eboshi boonoshi ariyaani mooyo bullina naagee beetinaꞌone; shalligoon hakkaani kubbi cooxochoommon, boonoshi halloona boonoshi ariibeeti mooyo bi beetaanona, ciiroochaa ebi are mooyona aallemminaꞌone.

2 Pheexiroosi 2:12

Ebi are asheenaꞌo boonoshi ariyaani mooyoyich naagee beetinaꞌone; olletaa aalloyich shiijjeti, boonoshi halloona shalligoon hakkaani kubbi cooxoomminaꞌone; kubbi cooxinaꞌoo olletaa aalloommon ebiyoommon aallemminaꞌone.

2 Ximootiyoosi 2:14

Ebi mooyinaꞌon shalligichoon qajjaahine; qaareenaꞌochi naboona boonoshi hayeyaachemmoyich, Yeeri aafoochaa boyebe; ebi waayee beetinaꞌon aalliishalli bi gettemmo, amoonolla gaacaachemmone.

Yihudi 1:16

Eboshi guuqqii guruuxii beetinaꞌone; boonoshi hajjee qaatoon dabbii beetinaꞌone; geeciibee boonoshi qellichon yibbaatee beetinaꞌone; ashi waanee gaacoon daneya, ashoon naadii beetinaꞌone.

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.

1 Ximootiyoosi 1:7

Boonoshiyoo Muusichi Sheeree dojjechinaꞌo tunoon shunniibee, boonoshi yibbaatee beeton woyee aafoon kuppheꞌi ashich boonoshi gettiibeeti mooyon shalligaaneenaꞌone.

1 Ximootiyoosi 1:4

Wotta tochee tochoonaa ciiraalli shiijjereenaꞌochi kiinoon haddoonooch boonoshi qelloon beshiiree boonoshi imaachemmoyich gete. Eboshiyoommi mooyinaꞌo hayoon tiijjeheetalli, gibenoona shuuneebeeti Yeerichi shuunoyich boonoshi gaaccemmi gaaco aalloone.

Yaaqobi 1:19

Ta shunnaabeeti ta maneenaꞌote! Ebin shalligibote. Asho bulli waayoyich afaafinecho, yibbaatoyich nibbecho, kaaroyichoo nibbecho tunebe.

Titoosi 3:9

Tunebaani gaacaalli gajjiteyoochee, qaabbechinaꞌochi shigee haddoochee, hayoochee, sheeree naboona tiyiibeeti kaaroocheenoo wohe; eboshi bulli gaacaani duubeenaꞌone.

Mishiraachechinaꞌo 15:2

Ebich Phawuloosinaa Barnabaasina hini asheenaꞌona tookkii kaaree shaceꞌi, meeti gommona taggeheete. Ebich Phawuloosinaa Barnabaasinon, wotta boonoshina tookkii beetinaꞌo daggoochee ikkikkeenaꞌon kaacciꞌi, “Yerusaalem beeti mishiraachechinaꞌonaa geeneenaꞌona waan hamiree hini mooyon echeebote” iyeete.

Yaaꞌoo 3:17

‘Gaannecho taane; bedditi gaanno taach beete; baroo amolla taach qaawiyaache’ ii beeto neene; tunebaani xuuxoona yexxeto, ayinikkito, girecho, wolloo, shokkaachoo ne tunoon ariyaano neene.

2 Tasaloonqi 2:4

Hini are hukkecho nuggisheenaꞌo getteetinaꞌo bulliyee, asheenaꞌo goyinneebeeti mooyo bulliyee bi qelloon besho tuniiree, boonoshin qeexxee kiin bechaachemmone. Yaafee kexooch giyi koteree, “Taane Yeeri” getooch beddaahaa beddemmone.

Qolaasiyaasi 2:18

Beꞌenee qellee giishiyoonaa maraakeenaꞌoyich goyinnoonon shunibee, “Ta besh taane; yaaꞌoon beeggeto taane” getibee Yeeri aalli gaboona duuboon geecibee koniyoona ittoshi toommooch nallaaye.

Filipphisiyoosi 2:14

Gondoonaa xummoona tuneti shiijjeree daggooch oonaalli, bachaalli xalle Yeerichi bushiishoo ittoshi tunemmoyich, guruuxaanoon, hayeyaanoon bulli mooyon tuniibote. Kashoon immiibeeti Yeerichi qaaroon boonoshi daggooch getibee hini alemooch xojjenoochoommon bekkemmo ittoshine. Ebich ta woconaa ta aayona duubo bi tunee qayo Kiristoosi wotteꞌi bi waahooba taach geecoo tunemmone.

Filipphisiyoosi 2:3

Ittoshi qelloon giishiyoona “Ta manoo tayee gaawiye” getiree gabibotalli, beshi bekkeya getiree woyee duube naadoon daneya getiree ikke mooyonona tuniyaahote.

Filipphisiyoosi 1:15

Ikkikkeenaꞌo ta toommooch qanaatoonaa taan shixonoochee tiyitona gettii beetinaꞌone; bareenaꞌoo wotta shunniꞌi gaawe gaboona Kiristoosichi mishiraachee qaaroon gettii beetinaꞌone.

Galaati 6:3

Ikke asho bareenaꞌoyee beshaanoon beebee bi qelloon beshoon shaahiꞌi bi ciinigaata, bi qellooniye bi dawushii beeto.

Galaati 5:26

Noonnaa noonna qemeteyoonaa qanaatoona beebee duuboon geecaayone.

Galaati 5:15

Tunebaani ittoshinaa ittoshina ittoshi geccee beegaata, ittoshi dafee beegaata, ikkooch ittoshi aalleyaachemmoyich ittoshi qelloon ariibote!

2 Qorontoosi 11:20

Ebiyoommon koniyoona ittoshin guunon bi tuniitaa, ittoshin bi bogaa, ittoshi waanee gaacoon danoyich ittoshin bi olletaa, ittoshin bi qallayaa, ittoshi gaakkooch bi tappetaa, cikkii qajjiibeeto ittoshine.

1 Qorontoosi 11:18

Shiichiree ta gettemmi mooyo, ittoshi kiceebeeti daggooch gajjiteyoo beemon ta waayetoyichiye; ebi gajjiteyoo qatoochaa iberoo tunoon tuushaano taane.

1 Qorontoosi 11:16

Ebichi naboona gajjiteyemmo bi beegaata, nowoo tunebon woyee Yeerichi kittinnee guuphinaꞌoo, ebiyee damba bare doyoo nooch aalloone.

1 Qorontoosi 3:18

Koniyoona bi qelloon dachaaye. Ittoshi daggoochee koniyoona hini showee toommeexi asheenaꞌochi gaboommon “Shalligecho taane” iꞌi bi gabigaata, shalligechon bi tunemmoyich, tuushoon shaahiree bekkebe.

Roomi 14:1

Illa ittoshi daggoochee Kiristoosi toommooch mulloon tooꞌiyoona batt kuppheyaani asho bi beegaata, shiqqiyaahote; bi gabiibeeti gaboyich gajjiteyaahote.

Roomi 13:13

Areddee bekkoona shaꞌeebeeti asheenaꞌochoommon gaawe qocoona beebone; qelloon battiibeeti duubonaa mashoona tunaaye; shunee mamonaa yeelliibeeti kaayona tunaaye; kaaroonaa qanaatoona tunaaye.

Roomi 12:16

Ittoshinaa ittoshina ikke mulloona ikkottebote; qellee oogiyee mooyon gabiyaahote; tunebaani qallayeetinaꞌona tookki ikkittinoona beebote. “Mullecho taane” getiree naadeyaahote.

Roomi 2:8

Tunebaani beshi bekkeya qaawii beetinaꞌo toommooch, iberoyich deꞌa geton qajjiichii xumme mooyon shuunee beetinaꞌo toommooch, kaaree shiixxoonaa naxoona kindemmone.

Mishiraachechinaꞌo 18:15

Yibbaateechon, shigeechonaa ittoshi sheereechonon ittoshi gajjiteyemmo gaata, ittoshi qelloona ciichibote. Ta hini mooyooch giyiree nallaache” iye.

Mishiraachechinaꞌo 8:9

Arooba are katemooch Simooni getteebeeti ikke uro beehe. Biyoo, bi kaayiibeeti kaayoona Shamaaree asheenaꞌon worganikkiibee echetone; aroo wotta “Ta oogoo taane” ii beehe.

Isiyaasi 58:4

Ittoshi coomiibeeto kaaroyich, koyoonaa hakka guutoon guriphonoyichiye. And ebi ittoshi coomii beetoommon coomibee, ittoshi qaaro damba bi waayeyemmoyich quyeyaahote.

Shaahiyoo 26:12

“Mullecho taane” iꞌi gabiibeeti ashoon beeggaa beetine? Biyee tuushoyich beshe gibeno beete.

Shaahiyoo 25:14

Bi imaachemmi wojjoon yebeneebeeto, amichaalli quboonaa yongoonoommone.

Shaahiyoo 13:7

Gaannecho shaahi bekkeya ii beeto beete; tunebaani amolla biich aalloone; baroo wotta girechon shaahiibeeto beete; tunebaani wodde gaannechone.