1 Ximootiyoosi 6:2 - Kafa Linguistics Project

² Kittinneenaꞌo tuneti doonjechi guuninaꞌo, are dooninaꞌo boonoshich kittinnee maneenaꞌo boonoshi tunetoyich hoxaayeete; tunebaani boonoshi shuunoona gaacheebeeti boonoshi dooninaꞌo kittinneenaꞌonaa shuchetinaꞌona boonoshi tunetoyich, aafichoyee beshiiree maddebeete. And neech ta gettaabeeti mooyinaꞌon kaachi dojjibee ciice.

1 Ximootiyoosi 6:2 ပူးပေါင်းရင်းမြစ်များ

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Haddoo 16:3

Boonoshiyoo Muusinaa Harooninochi toommooch kicee tiyiꞌi, boonoshich ishichiyeete: “Halla beshiito ittoshine. Iitoo bulli yaafoone. Doono Yeeriyoo no bullina tookkii beetone. Ishigaata, Doono Yeerichi iiteenaꞌo toommooch ittoshi geeciibeeto, amoyichiye?” iyeete.

Maatiyoosi 23:8

“Tunebaani ittoshi dojjecho getaa ceekkeyaahote. Ittoshich ikke Dojjecho baach bi beetoyich, ittoshi bulli ikke manoo ittoshine.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Maatiyoosi 6:24

“Wotta gutte doonoyich hajjeyoon hakkemmo koniyoona aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache.

Mishiraachechinaꞌo 1:15

Ikke areddoon kiceeꞌi boonoshi beetaa, balli hiya bede Yesuusichi asheenaꞌo daggooch Pheexiroosi tiyii neexeꞌi ishichiye:

Roomi 11:17

Tunebaani becheeti zayitee mixoochee ikkikke ateenaꞌo boonoshi xooꞌetaa, kubbeexi zayitee michi atoochee tuneti ne, becheeti zayitee michi ateenaꞌo daggooch giyaa xaaqqeeꞌa boonoshina tookkaa michi xepphoochee kechiibeeti mooyo bulliichee qoodeyecho tuneto neene.

Roomi 8:29

Bi Bushoo Yesuus Kiristoosi meeti bi maneenaꞌo daggoochee qaabboo bi tunemmoyich, qaawiꞌi, Yeeri aafi bi ariyoona bi kaaccitinaꞌo bi Bushoon boonoshi shaahemmoyich shiichiꞌi maaccitone.

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Efesooni 1:1

Yeerichi daaggoona Kiristoos Yesuusichi mishiraachecho tuneti Phawuloosi waanee, Kiristoos Yesuusina gibeneetinaꞌo tuneti Efesoon beeti yaafeenaꞌoyich:

Efesooni 1:15

Ebich ta wotta Doono Yesuusi toommooch ittoshich beeti mullee tooꞌiyoonaa yaafeenaꞌo bullich ittoshich beeti shunoonon waayaꞌa,

Efesooni 3:6

Ebi gaxxeeti mooyoo mishiraachee qaaroona Aageteenaꞌo Ayihudeenaꞌona tookkiꞌi boonoshi woraashoo, ikke ashittino boonoshi tunoonaa Kiristoos Yesuusina Yeeri gibenikkiti gibenee qaaroon tookkiꞌi boonoshi qoodeyoonane.

Qolaasiyaasi 1:2

Qolaasiyaas beeti, Kiristoosina yaafeetinaꞌonaa gibeneetinaꞌona tuneti maneenaꞌoyich: No Nihoo Yeeri waanee wojjoonaa diggoona ittoshich tunebe.

Qolaasiyaasi 4:1

Dooninaꞌote, ittoshi wotta shimaayooch Doono ittoshich beemon ariiree, ittoshi guuninaꞌoyich kaamoonaa tate mooyonon tuniibote.

2 Tasaloonqi 1:3

No maneenaꞌote! Yeeri toommooch mullee tooꞌiyoona oogichii ittoshi diccii beetoyich, ittoshi ikkikkoyich ittoshinaa ittoshina shuneebeeti shuno woddee woddee bi qeyii beetoyich, bulli aaboon ittoshi naboyich Yeerin galleto nooch qaawiibeeti mooyone; wotta ebiyoo no tuniiya bede mooyone.

1 Ximootiyoosi 4:11

Kittinneenaꞌoyich hini mooyinaꞌon dojjibee, ebi bullin tuniibote gete.

1 Ximootiyoosi 5:1

Geeneton ne nihoon tuniiree ciicalli noggeyaahine; gurimaashoon ne manoon tuniiree,

Titoosi 2:1

Tunebaani ne, gaawe kittinnittinee doyoyich mashaamiton dojjibe.

Titoosi 2:15

Illa ebi mooyinaꞌon dojjibe; ceeni hakkoona ciici ittibatebe; koniyoona neen hoxaaye.

Titoosi 3:8

Ebi bullich bi qaaro gibeneetone; mulloon Yeeri toommooch tooꞌiiti asheenaꞌo deꞌe shuunoon shuunoona boonoshi kupphemmoyich, eboshin gaawichiree gete. Ebi mooyo deꞌoone; asho bullichoo gaaccemmone.

Hibireena'o 3:1

Ebich noonna tookkii Yeerina ceekketi yaafe ta maneenaꞌote! Biin no gibenoon no miixeti mishiraachechonaa qeeshee guudoona tuneti Yesuusin gabibote.

Hibireena'o 3:14

Shiichiꞌi nooch beeti gibenoon ciirooch beddaahaa manjiiꞌa no yeshigaata, Kiristoosicho tuneto bullin qoodeyecho noone.

1 Pheexiroosi 5:1

Illa boonoshina tookkii geeno, Kiristoosichi xuuxee miixoo, wotta bekkeya ii beeti Kiristoosichi oogee yiiroochee qoodeyecho tuneti ta, ittoshi daggooch beeti geeneenaꞌon ciiccaabeeto taane:

Yihudi 1:8

Ebiyoommon wotta ebi asheenaꞌo gumon gummiibee boonoshi hajjee ashittinoon eeꞌii beetinaꞌone; boonoshiyee damba beeton qallayii beetinaꞌone; damba shimaayooch beeti oogee yiirechinaꞌon naaggii beetinaꞌone.