1 Ximootiyoosi 5:3 - Kafa Linguistics Project

³ Degaalli xuume maacheenaꞌon oogiibe.

1 Ximootiyoosi 5:3 ပူးပေါင်းရင်းမြစ်များ

Iyoobi 29:13

Qitiya iti asheenaꞌo boonoshin ta gaachetoyich, taan diiritinaꞌone; xuumeenaꞌo emiroona boonoshi shoddemmoyich tuniito taane.

Iyoobi 31:16

“Girecho qolletaa bajjeto ta gaata, xuumeenaꞌo aafo yaamemmoyich tuniito ta gaata,

Shoddo 146:9

Doono Yeeri shiqqeenaꞌon quyehe; xuumeenaꞌonaa nihaalleenaꞌonon gaachehe; tunebaani gondeenaꞌon gommo mucciihe.

Shoddo 68:5

Yaafeeti bi xaaꞌooch beeti Yeeri, nihaalleenaꞌoyich nihoone; xuumeenaꞌoyich shaxoone.

Shoddo 94:6

Xuumeenaꞌonaa nihaalleenaꞌonon guuriyeete; no showooch koteti shiqqeenaꞌonoo wuxiyeete.

Keyo 20:12

“Ne Nuggishoo Doono Yeeri ta, neech ta immemmi showooch koteree ne yagemmoyich, ne nihoonaa ne indeenon oogiibe.

Erimiyaasi 49:11

Ittoshi daggooch beeti nihaalli bushiisheenaꞌon qayote; kashoona boonoshi beeyemmoyich tuniyemmo taane; ittoshi xuumeenaꞌoo taan gibenebeete” iye.

Maatiyoosi 15:6

bi nihoonaa bi indeenon dego qaawiyaache’ ii beeto ittoshine. Ittoshi doyoocha iꞌi Yeerichi qaaroon biichito ittoshine.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Luqaasi 2:37

Ebiyee gubb, bi eeno shinnaa awudde nato beddimmi wottoon xuumee tunaꞌa beebee geenahan; xumoonaa areddoonon coomoonaa corootoona Yeerichi maddaabee, yaafee kexoochee baraa ariyaaneene.

Luqaasi 7:12

Are katemee kellooch bi katinnimmona, asheenaꞌo dubenoon shaageꞌi kechiyeete; qititi gurimaashoo bi indeech ikke mixxoone; bi indeyoo xuumeene. Are katemeexi dofee asheenaꞌo biinna tookkii beetinaꞌone.

Yowannisi 1:47

Naatinaꞌeeli bi waan womon Yesuusi beeggiꞌi ishichiye: “Dawushoon ariyaani ibere Israꞌeelee asho hinine” iye.

Mishiraachechinaꞌo 6:1

Aroobee yemeenooch Yesuusichi dabbeenaꞌo meettii meettii boonoshi qeyimmona, Giriikee noonoon yibbaateebeeti Ayihudeenaꞌo Yihudee showooch shiijjeti Ayihudeenaꞌo toommooch guruuxiyeete. Ebiyoo qemi qemona boonoshi deggiibeeti degoochee Giriikee noonoon yibbaateebeeti xuume maacheenaꞌoyich boonoshi guutiitoyichiye.

Mishiraachechinaꞌo 9:39

Bekkech Pheexiroosi tiyiꞌi, boonoshina tookkii waahe. Waa bi shaggimmona, asheenaꞌo kechi toommeexi kexooch biin daammiyeete. Xuume maacheenaꞌo bulli eefeebee, Doriqi kashoona beebee boonoshich bi shuuneti qamisoonaa bare tahoonon kichiꞌi yaachii Pheexiroosich bekkiibee bi guudoona neexeheete.

Mishiraachechinaꞌo 9:41

Biyoo bi kishoona yechiꞌi tiijjii neechiye; xuume maacheenaꞌon bare kittinneenaꞌona tookkii ceeggiꞌi, “Ebiyoche, kashechine” iꞌi boonoshich bekkiihe.

Yibbaatoo 10:18

Biyoo nihaalleenaꞌonaa xuumeenaꞌonoyich nallii beetone; noonna tookkii koteti shiqqeenaꞌonoo shunnii beetone; boonoshichoo maayoonaa tahoonon immii beetone.

Yibbaatoo 14:29

Ebi maayo, boonoshi qoodoo tuneti woyee boonoshi woraashiti showoo aallo bi tunetoyich, Lewee asheenaꞌoyich, wotta ne beeti katemooch koteti shiqqeenaꞌoyich, nihaalleenaꞌonaa xuumeenaꞌonoyich tunebe. Boonoshiyoo arooch waaree maa michemminaꞌone. Ebiyoo ne Nuggishoo Doono Yeeri ne kishoona ne shuunaabeeti mooyo bullina neen bi diiremmoyichiye” iye.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

Yibbaatoo 16:14

Ebi baaroona ne, ne anaami bushiishoonaa ne maache bushiishoona, ne guuninaꞌonaa ne gonneenaꞌona, Lewee asheenaꞌonaa shiqqeenaꞌona, nihaalleenaꞌonaa ne beeti katemeexi xuumeenaꞌona emiribote.

Yibbaatoo 27:19

“ ‘Shiqqeenaꞌochi, nihaalleenaꞌonaa xuumeenaꞌonochi dayinnetoon dabiibeeto uppeton tunebe’ geteete. “Asheenaꞌo bulliyoo ‘Ameena’ geteete.

1 Tasaloonqi 2:6

Kiristoosichi mishiraachecho no tunetoyich, baribare mooyon ittoshi tuniyemmoyich echo nooch hakkee beetone; tunebaani ittoshi waanee tuneba bareenaꞌo waanee tuneba koni waaneenona oogoon qaawaano noone; indee bi hajjee bushoon bi shiimoommon, no wotta ittoshi daggooch no beehooba ittoshin shiimehone.

1 Ximootiyoosi 5:2

geeneti maacheen ne indeen tuniiree, gurimaashe maacheen ne maneen tuniiree kiinaalli xallittinoona ciice.

Yaaqobi 1:27

Nihoo Yeer waanaa xalloo tuneti ibere goyinno ebine: Nihaalli bushiisheenaꞌonaa xuume maacheenaꞌonochi iritoon gaacho, hini alemooch beeti tiyaariibeeti mooyoocheenoo bi qelloon quyoone.

1 Pheexiroosi 2:17

Asho bullin oogiibote; kittinnee ittoshi maneenaꞌon shunote; Yeerin shatote; taatoon oogiibote.

1 Pheexiroosi 3:7

Keneenaꞌote! Ebiyoommon wotta hakka guuteenaꞌo boonoshi tunoon ariiree, gaawe shalligoona ittoshi mecheenaꞌona tookki beebote. Yeeri aafooch giddeꞌi corootoyich bajjiibeeti amee mooyolla bi beetaachemmoyich, boonoshiyoo wotta ittoshina tookki bulli yemeenee kashee wojjoon Yeer waanee danemminaꞌo boonoshi tunoon gabibee boonoshin oogiibote.