1 Ximootiyoosi 4:8 - Kafa Linguistics Project

⁸ Iiwittinoon danoyich ashittinoon kupphiyee dojjoo giisheche mooyoyich gaaccemmone; tunebaani Yeerich diireeti kittinnittinee qocoona beemoyich qellee dojjoo, and hini showee toommooch no beeti beemonaa gubbichoo shimaajji kexooch no beeyemmi beemonoyich gibenikkiibeeto bi tunetoyich, mooyo bullich gaaccemmone.

1 Ximootiyoosi 4:8 ပူးပေါင်းရင်းမြစ်များ

Iyoobi 22:2

“Asho Yeerich gaacecho tunoon hakkehe? Shalligechi asholla bi tunetaa, bi gaaco bi qellichiye.

Iyoobi 36:11

Biich deꞌa iꞌi boonoshi maddegaata, boonoshi yemeenoon emiroona, mashaamiti beemon beemonoo ciichemminaꞌone.

Shoddo 145:19

Biin shattii beetinaꞌochi qaatoon ceechemmone; boonoshi cookoon waayeꞌi boonoshin wodiihe.

Shoddo 37:11

Boonoshi qelloon giishii beetinaꞌo showoon woraashemminaꞌone; beemi gaawoonaa diggoona beemona emiremminaꞌone.

Shoddo 37:29

Cadiqeenaꞌo showoon woraashemminaꞌone; bulli yemeenoon arooch kotemminaꞌone.

Shoddo 37:9

Gondeenaꞌo aallemminaꞌone; tunebaani Doono Yeerin gibenee beetinaꞌo, showoon woraashemminaꞌone.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Shaahiyoo 19:23

Doono Yeerin shato kasho waan yaabiye; biin shattiibeeto digaayoona beehe; gonde mooyo bi waan shagaache.

Shaahiyoo 22:4

Qellee giishiyoonaa Doono Yeerin shatona, gaannoon, oogoonaa kashoonon daniihe.

Dojjecho 8:12

Axaaxecho balle wottoon gondoon shuuneebee bi eeno genjetaanona, mooyo bi kaamemmo Yeerin shattii beetinaꞌonaa biin oogii beetinaꞌonoyich bi tunoon ariiho.

Isiyaasi 3:10

Cadiqeenaꞌoyich, “Mooyo ittoshich kaamemmo bi tunetoyich, ittoshi shuunee aafoon maayemmo ittoshine” gete.

Isiyaasi 33:16

aroo oogee xaaꞌooch kotemmone; xaqqee mishigo bi deebee xaaꞌoon tunemmone; kosho biich ichemmone; bi aacoo tahaachemmone.

Erimiyaasi 6:20

Amoyich ixaano Sheebee showoochee, gaawe cinnechi shitto wohi showoochee, taach waahe? Micciibeeti ittoshi deejjoon deꞌaachemmo taane; bare ittoshi deejjoo taan emirikkaanoone” iye.

Maatiyoosi 12:32

Ashi Bushoo toommooch gondoon yibbaatee beeto bulli maareyemmone; tunebaani Yaafe Ayaano toommooch gondoon yibbaateebeeto bulli hini yemeenooch tunetaa woyemmi yemeenooch maaroon daneyaachemmone” iye.

Maatiyoosi 19:29

Taacha iꞌi bi kexon woyee bi anaami maneenaꞌon woyee bi maache maneenaꞌon woyee bi indeen woyee bi nihoon woyee bi bushiishoon woyee bi gochiibeeti showoon qajjito bulli, eboshi bullin balle kishoon daakkaa danemmone; wotta bulli yemeenee kashoon danemmone.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Maariqoosi 10:30

And hini yemeenooch duꞌeree beebee, kexinaꞌon, anaami maneenaꞌon, maache maneenaꞌon, indeenaꞌon, bushiisheenaꞌon, bi gochiibeeti showoon balle kishoon daakkaa danemmone; wotta woyemmi yemeenoochoo bulli yemeenee kashoon danemmone.

Luqaasi 5:38

Ebich koniyoona gaare woyinee uyoon andire mollexxoochiye bi kotiibeeto.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

1 Qorontoosi 3:22

Phawuloosi tuneba, Aphiloosi tuneba, Keefi tuneba, hini alemo tuneba, kashoo tuneba, qitoo tuneba, beetoo tuneba, woyemmo tuneba, eboshi bulli ittoshichinaꞌone;

1 Qorontoosi 8:8

Tunebaani are maayoon mamo toonoone noon Yeer waan katichemmo; mamo no qajjetaanoo nooch shappemmo amolla aalloone; no maataanoo, nooch ceennemmo amolla aalloone.

1 Ximootiyoosi 4:7

Wotta Yeerich oogoon imaani, gaacaalloonoo tuneti geene genneenaꞌochi tochoochee wohe; Yeerin oogiibeeti beemon beemoyich ne qelloon dojjibe.

1 Ximootiyoosi 6:3

No Doono Yesuus Kiristoosichi xalle qaaroonaa Yeerin oogiibeeti beemoyich tunemmi doyoonon shaahaani, bariti doyoon dojjiibeeti asho koniyoona bi beegaata,

1 Ximootiyoosi 6:5

kuxeyaani kaaree tiijjoo, eboshi kechemminaꞌone. Gaboon hakkaaneenaꞌo tuneꞌi dacheebee, “Yeerin oogiibeeti beemon beemo gaanniyemmone” ii gabiꞌi iberoon muccetinaꞌone.

1 Ximootiyoosi 6:6

Tunebaani asho “Taach beeto beddiye” bi getigaata, Yeerich diireeti kittinnee qocoona beemo biin ibere gaannechon tuniyemmone.

2 Ximootiyoosi 3:5

Boonoshiyoo Yeerich goyinnee beetinaꞌon shaahibeetani, goyinneechi giidoon nookketinaꞌone; eboshi waanee wohe.

Titoosi 3:8

Ebi bullich bi qaaro gibeneetone; mulloon Yeeri toommooch tooꞌiiti asheenaꞌo deꞌe shuunoon shuunoona boonoshi kupphemmoyich, eboshin gaawichiree gete. Ebi mooyo deꞌoone; asho bullichoo gaaccemmone.

Hibireena'o 13:9

Baribare dallaawe doyoon dabbiree tate gommoochee kechaahote. No mullo manjemmo Yeerichi wojjoonalli maayoyich icheti doyoon quyoona toonoone; ebi doyoon quyee beetinaꞌo amee gaacoonolla daneyaaneenaꞌone.

1 Yowannisi 2:25

Kiristoosi nooch bi gibenikkiti hini gibeno, bulli yemeenee kashoone.

Yaaꞌoo 3:12

Gondoochi giidoon kochii wochiton ta Nuggishoochi yaafee kechi cangiyoommon tuniyemmo taane. Gubbich ciroona aroochee keyaachemmone; ta Nuggishoochi shigoon, ta Nuggishoochi katemee shigoon, ebi getoo shimaayooch beeti ta Nuggishoo Yeer waanee kindemmi andire Yerusaalemi shigoon, wotta andire ta shigoon bi toommooch kooremmo taane.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.

1 Saameeli 15:22

Saameeliyoo ishichiye: “Doono Yeeri bi qaaroyich deꞌa getona bi emiroommon, deejjoonaa buuroonon giddiyoona emirehe? Iberoon biich deꞌa geto deejjoon deejjoyee, bi getoon waayoo bagee baaddoochi awuyon deejjoyee beshoone.