1 Ximootiyoosi 4:6 - Kafa Linguistics Project

⁶ Hini neech ta getteti mooyinaꞌon kittinnee ne maneenaꞌoyich ne shalligichi gaata, Kiristoosi toommooch mulloon tooꞌiyee qaaroonaa and beddaahaa ne dabbaabeeti gaawe doyoona manjiree Kiristoos Yesuusichi gaawe maddechon tunemmo neene.

1 Ximootiyoosi 4:6 ပူးပေါင်းရင်းမြစ်များ

Shoddo 19:7

Doono Yeerichi sheeroo ceenoone; kashoon andiriihe; Doono Yeerichi sheeroo gibeneetone; tuushoon ariyecho tuniihe.

Shaahiyoo 4:2

Gaawe doyoon ittoshich dojjemmo taane; ta dojjaabeeti doyoon qajjaahote.

Erimiyaasi 15:16

Beshe Mawe Nuggishoo Doono Yeero, ne shigoona ceekketo taane; ne qaaro danetone; tawoo maato taane; ne qaaroo taach emiroonaa mulleechi ooge emiroonon tunehe.

Maatiyoosi 13:52

Biyoo “Illa shimaajji taatittineecha ta dabboo tuneti sheeree dojjecho bulli, bi kiciti qiicoochee andire mooyonaa geene mooyonon kichiibeeti doonoommone” iye.

Luqaasi 1:3

Ebich ta wotta ne doyiti mooyinaꞌo, gibeneetinaꞌo boonoshi tunoon ne ariyemmoyich, hini mooyinaꞌo bullin xepphoochee tiijjii xiishoona boshaa ta beeggetoyee gubb, yaariꞌi neech kooroo gaaweto shaahiꞌi taach bekkehe.

Mishiraachechinaꞌo 1:15

Ikke areddoon kiceeꞌi boonoshi beetaa, balli hiya bede Yesuusichi asheenaꞌo daggooch Pheexiroosi tiyii neexeꞌi ishichiye:

Mishiraachechinaꞌo 20:31

Ebich kasheyaanoon keejje naton xumoonaa areddoonon eeppaabee, ittoshin ta ciicon shalligibee, ittoshi qelloon quyebote.

Mishiraachechinaꞌo 20:35

‘Deqqii beetoyee immiibeeto diireetone’ iꞌi Doono Yesuusi bi qelloona gettiton shalligaabee, caajjoona maraataa shuunaabee giidaalleenaꞌon dego tun bedo bi tunoon bulli mooyona ittoshich bekkiito taane” iye.

Roomi 15:15

Yeeri taach immiti wojjee naboona wochinnoon wotteree ittoshin shalligichoyich ebi wochooch ikkikke mooyinaꞌon aafee kupphoona koorito taane.

1 Qorontoosi 4:17

Ebichi naboyich shucheti, gibeneeti, Doono Yesuusina ta bushoo tuneti Ximootiyoosin ittoshi waan wochaabeeto taane. Bulli xaaꞌooch beeti kittinnee guuphinaꞌo bullich ta dojjaabeeti doyoommon, Kiristoos Yesuusina taach beeti kashee gommon aroo ittoshich shalligichemmone.

2 Qorontoosi 11:23

Kiristoosichi maddechinaꞌone? Geyechi ashoochoommon gettoye: Ta boonoshiyee besh taane; boonoshichoyee beshoon aajjeto taane; boonoshichoyee beshoon wodde wottoon cucheto taane; boonoshichoyee beshoon oogeton yexxeto taane; wodde wottoon qitoyich beddaahaa beddeto taane.

2 Qorontoosi 3:6

Biyoo Yaafe Ayaanoonalli kooreeti sheeroona tuneyaani andire wogee maddecho no tunemmoyich noon bedditon tuniihe. Kooreeti sheeroo wuxiye; tunebaani Yaafe Ayaano kashoon immiye.

2 Qorontoosi 6:4

Wotta yulloon, iritoon, xuuxoonoo haaꞌiyoona bulli gommona Yeerichi maddecho no tunoon bekkiibeeto noone.

Efesooni 6:21

Ittoshi wotta aabichaꞌa ta beeto gaata ta beemichon ittoshi ariyemmoyich, shucheti no manoonaa Doono Yesuusichi shuunoyich gibeneeti maddechona tuneti Tikiqoosi bullin ittoshich gettemmone.

Filipphisiyoosi 2:20

Ittoshi diggoyich mulloochee tiijjiꞌi gabiibeeto, biinoommi bare asho koniyoona taach aalloone.

Filipphisiyoosi 2:22

Tunebaani bi, gibeneeto bi tuno manjitone. Bushoo bi nihoyich aajjii bi shuunoommon taanna tookkii mishiraachee qaaree shuunoon aabichiꞌi bi shuuneto gaata ariibeeto ittoshine.

Filipphisiyoosi 3:16

Tunetaa ebiich beddaahaa noon bechiti are gommona hambone.

Qolaasiyaasi 2:19

Ebiyoommi asho shimbo tuneti Kiristoosina tookkii amee yesholla biich aalloone; ashittino bullin maqqoona gawii yeshiibee maanjjiibeeto shimboone.Yeeriyoo ashittino eennemmoyich bi tuniibeeto ebiyoommi gommonane.

Qolaasiyaasi 3:16

Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.

Qolaasiyaasi 4:7

Shucheti no manoo, gibeneeti maddecho, taanna tookkiinoo Doonochi guuno tuneꞌi shuuneebeeti Tikiqoosi ta beemichon ittoshich gettemmone.

1 Tasaloonqi 3:2

Kiristoosichi mishiraachee qaaroon gettiibee noonna tookkii Yeerich shuuneebeeti no manoo Ximootiyoosin ittoshi waan wochaa daachiito noone; ebi ittoshi toommooch shaggiti duꞌoona koniyoona Kiristoosi toommooch mullee tooꞌiyoochee bi shuuraachemmoyich ittoshin ciici bi goggiyemmoyichiye wochaa no daachiito. Ebi duꞌo no toommooch shago Yeerichi daaggoo bi tunoon ittoshiyoo ariibeeto ittoshine.

1 Ximootiyoosi 4:16

Ne kittinnittinee qocoyich, ne dojjaabeeti doyoyichoo ne qelloon ariibe. Eboshi bullin tuniyoyich kupphebe. Ebin ne tuniigaata, neennaa ne waanee waayee beetinaꞌonon wodiyemmo neene.

1 Ximootiyoosi 6:3

No Doono Yesuus Kiristoosichi xalle qaaroonaa Yeerin oogiibeeti beemoyich tunemmi doyoonon shaahaani, bariti doyoon dojjiibeeti asho koniyoona bi beegaata,

2 Ximootiyoosi 1:6

Ebich neech ta shalligichaabeeto, ta kishoon ne toommooch ta kotiihooba ne daneti Yeerichi wojjoon qaaqqoon shoohoommon ne shookkemmoyichiye.

2 Ximootiyoosi 3:10

Tunebaani ne ta dojjaabeeti doyoonaa ta qocoonon, ta gaboonoo, Kiristoosi toommooch taach beeti mullee tooꞌiyoonoo, ta haaꞌiyoonoo, maneenaꞌon ta shunonoo, eboshi bullina ta kupphoonoo,

2 Ximootiyoosi 4:3

Ebin ta gettaabeeto, asho hini gaawe kittinnittinee doyoon qajje bi gettemmi yemeeno woyemmo bi tunetoyichiye. Baribare ariyoon waayeya waamon qaacheree boonoshi qaatoon ceechemmi dofee dojjechinaꞌon boonoshi waan ceegi kicemminaꞌone

Titoosi 2:1

Tunebaani ne, gaawe kittinnittinee doyoyich mashaamiton dojjibe.

1 Pheexiroosi 2:2

Wodooch ittoshi diccemmoyich, and shiijjeti gaggere bushiisheenaꞌo ejjoon qaatoommon, ittoshi wotta xalloo tuneti Yeerichi qaaree ejjoon qaatibote.

2 Yowannisi 1:9

Kiristoosi dojjiti doyoochee kechiꞌi baroo waan hammii beetonaa manjaanoonoyich Yeeri aalloone; Kiristoosi dojjiti doyoona manjii beetoyich Nihoo Yeerinaa bi Bushoona beetinaꞌone.

Yihudi 1:5

Ebiyee aaf ebi bullin ittoshi ariitaanolla, Doono Yeeri Gibitsee Israꞌeeleenaꞌon kichii wodiichii, bi toommooch mulloon tooꞌiyaaneenaꞌon gubb bi aalliyoon ittoshich shalligichoon shunnaabeeto taane.