1 Ximootiyoosi 4:1 - Kafa Linguistics Project

¹ Yaafe Ayaano “Gubbi yemeenooch ikkikkeenaꞌo, ashoon muriciibeeti ayaaneenaꞌochi getoonaa yinneenaꞌochi doyoonon dabbibee, Kiristoosichi toommeexi mullee tooꞌiyoon qajjemminaꞌone” iꞌi xallayii gettitone.

1 Ximootiyoosi 4:1 ပူးပေါင်းရင်းမြစ်များ

Halloo 3:13

Nuggishoo Doono Yeeriyoo ureen “Ebi ne tuniiti mooyo, amoone?” iye. Ureyoo wochaꞌa, “Dingero taan dawusheenane ta maato” iyan.

1 Taateenaꞌo 13:18

Tunebaani keemechi geene uro, “Tawoo neenoommi keemecho taane. ‘Koshon bi maayemmonaa aacon bi uchemmonoyich, wochiree ne kexooch biin deebe’ iꞌi maraakoo Doono Yeerichi qaaroona taach gettitone” iye; tunebaani bi ishichito, kootooniye.

Isiyaasi 2:2

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌo bulli arooch orihe woyemminaꞌone.

Erimiyaasi 23:26

Boonoshi hajjee mullee maroonaa kootoonon keemmiibeeti koote keemechinaꞌo mullooch, kooto beeyemmo aati wottooniye?

Erimiyaasi 48:47

“Tunebaani ciiree yemeenooch Moꞌabichi kecoon wochemmo taane, iye Doono Yeeri” iye. Moꞌabi toommooch maacheti nalloo ebi wottoone.

Erimiyaasi 49:39

“Tunebaani gubbi yemeenooch Elaamee showee kecoon wochemmo taane” iye Doono Yeeri.

Hiziqeeli 1:3

Doono Yeerichi qaaro Kalideenaꞌochi showoochaa, Kebaari aachi gashoochaa, Buuzichi bushoo tuneti qeeshoo Hiziqeeli ta waan waahe; Doono Yeerichi giidoo aroochaanoo ta toommooch waatone.

Hiziqeeli 38:16

Showoon guuppiibeeti quboochoommon ta asheenaꞌo tuneti Israꞌeeleenaꞌochi toommooch woyemmo neene; Googo, gubbi yemeenooch ta showoon ne kochemmoyich neen deebemmo taane; ebiyoo neenna ta yaafittinoon boonoshi aafoochaa ta bekkiihooba, aageteenaꞌo taan ariyemmoyichiye.

Daaneeli 10:14

And ta waato, gubb ne asheenaꞌo toommooch tunemmi mooyon ne ariyemmoyich tuniyane. Ebi yaaꞌoo gubb tunemmi mooyoniye bi bekkiibeeto” iye.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Mikiyaasi 4:1

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌoo arooch orihe woyemminaꞌone.

Haddoo 24:14

Andoo ebiyoche ta asheenaꞌo waan hammaabeeto taane. Eke ne waatee, hini asheenaꞌo woyemmi yemeenooch ne asheenaꞌo toommooch boonoshi tuniyemmon neech getone” iye.

Maatiyoosi 18:7

Ashich xugo tunemmi mooyo woyemmo bi tunetoyich hini showee toommeexi asheenaꞌoyich woowo! Xugo tunemmi mooyo womo echeyaani mooyone; tunebaani are uroon xugo tuneꞌi dichimmi uroyich woowo!

Luqaasi 17:1

Yesuusi bi dabbeenaꞌoyich ishichiye: “Ashich xugo tuneree yexi dichemmi mooyo womo echeyaachemmone; tunebaani are xugoon tunemmi ashich woowo!

Yowannisi 16:13

Tunebaani iberoon bekkiibeeti Ayaano bi waahooba, iberoo bulliich ittoshin yaabemmone. Bi waayeton baach gettehalli, bi qellee aalloona getaachemmone; woyemmi mooyon ittoshich gettemmone.

Mishiraachechinaꞌo 13:2

Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.

Mishiraachechinaꞌo 17:18

Arooba Efikiroosinaa Istiikina getteebeeti dojjechinaꞌo dojjiti mooyon dabbii beetinaꞌo daggoochee ikkikkeenaꞌo biinna daneheete. Boonoshi daggoochee ikkikkeenaꞌo “Hini kasheyaani noonecho amoon gettane bi ii beeto?” iyeete. Bareenaꞌo, Phawuloosi Yesuusichon, wotta qititinaꞌochi timichon boonoshich bi gettitoyich, wochiꞌi, “Dallaawe nuggisheenaꞌochi wochoon bechecho shaahiye” iyeete.

Mishiraachechinaꞌo 20:23

Tunebaani katemi katemoo bullina Yaafe Ayaano taach ‘Cucheyoonaa xuuxee beegona neen quyee beetone’ iꞌi miixee beetone.

Mishiraachechinaꞌo 21:11

Hini keemecho no waan giddeꞌi, Phawuloosi shachoon yechiꞌi bi hajjee kishoonaa baatoonon bi cuchitoyee gubb, “Yaafe Ayaano ‘Hinin cuyeebeeti uroon Ayihudeenaꞌo Yerusaalemaa cuchemminaꞌone; Aageteenaꞌo kishooch beshiiree immemminaꞌone’ ii beetone” iye.

Mishiraachechinaꞌo 28:25

Boonoshinaa boonoshinoo ikkotteyaanoon hamma tiyiyeete. Areegaata Phawuloosi ishichiye: “Yaafe Ayaano keemechi Isiyaasichi noonoona ittoshi qaabbechinaꞌoyich ishichiꞌi bi gettito iberetone:

1 Qorontoosi 10:20

Toonoone; ta gettaabeeto, “Aageteenaꞌo deejjiibeeti deejjoo yinneenaꞌoyichani, Yeerich toonoone” iiniye. Ebich yinneenaꞌona tookki ittoshi guuphon qaawaache.

1 Qorontoosi 11:19

Ittoshi daggooch gajjiteyoo tiyiibeeto, ittoshi daggoochee ibere moochechi kittinneenaꞌo bekkemmoyichiye.

1 Qorontoosi 12:11

Ebi bullin shuuneebeeto, are ikke Yaafe Ayaano baachiye. Are Yaafe Ayaano bi hajjee daaggoonane kittinneenaꞌoyich boonoshi qelli qelloona wojjoon bi qoodii beeto.

1 Qorontoosi 2:10

Ebichi naboyich Yaafe Ayaano Yeerichi maacee moochi tuggooch beddaahaa, ikkoonolla echiyaanoon maqqii bi arii beetoyich, ebi bullin Yeeri bi Yaafe Ayaanoona nooch bekkiitone.

2 Qorontoosi 11:3

Tunebaani dingero bi acona Hewaanin bi dawushoommon, diqqich ittoshi gaboo duubetaa Kiristoosich beeti ibere xalle ittoshi shunoon qajjemmo ittoshine iyaꞌa shattaabeeto taane.

Yibbaatoo 32:29

Shalligechinaꞌo gaata, ebin shalligeshinaꞌone; boonoshi ciiro amo bi tunemmo gaata gabeshinaꞌone.

Yibbaatoo 4:30

Iritoo ittoshi toommooch shagiyooba, ebi mooyo bulli ittoshi toommooch tunehooboo ciiroochaa ittoshi Nuggishoo Doono Yeer waan wotteree biich deꞌa gettemmo ittoshine.

Qolaasiyaasi 2:18

Beꞌenee qellee giishiyoonaa maraakeenaꞌoyich goyinnoonon shunibee, “Ta besh taane; yaaꞌoon beeggeto taane” getibee Yeeri aalli gaboona duuboon geecibee koniyoona ittoshi toommooch nallaaye.

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

2 Ximootiyoosi 4:4

Ebich iberoon waayoochee boonoshi waamon bajjemminaꞌone; aroochee tochoon waayoyich shokemminaꞌone.

Yaaqobi 3:15

Ebiyoommi shalligoo damba Yeer waanee waabeeto toonoone; showee toommeexone; meechi qaateexone; yinneenaꞌo waanechone.

1 Pheexiroosi 1:20

Biinoo Yeeri alemo halleyaan beetaa kaaccitone; wotta qitoochee biin tiijjiti, oogee yiiroonoo biich immiti Yeeri toommooch bi naboona ittoshi mulloon tooꞌiibeeti ittoshicha iꞌi hini yemeenee ciiroochaa bekkehe. Ebich ittoshi mullee tooꞌiyoonaa gibenoona Yeeri toommooch tunetone.

2 Pheexiroosi 2:1

Wonna Israꞌeeleenaꞌo daggooch kootoon keemmiibeeti keemechinaꞌo beetinaꞌone; ebiyoommon wotta koote dojjechinaꞌo ittoshi daggoochee tiyemminaꞌone. Eboshiyoo boonoshin biishee wodiiti Doono Yesuus Kiristoosin nookkeree, kittinneenaꞌochi mullee tooꞌiyoon aalliibeeti koote doyoon shokiibee giijjemminaꞌone; ebina kaatee aalloon boonoshi toommooch deebemminaꞌone.

2 Pheexiroosi 3:3

Yemeenee ciirooba boonoshi hajjee gonde qaatoon dabbemmi cooqqirechinaꞌo cooqqiribee woyemminaꞌo tunoon shiichiree ariibote.

1 Yowannisi 2:18

Ta shuni bushiisheenaꞌote! Hini yemeenee ciiroone; ebich “Kiristoosina koyecho woyemmone” getaa ittoshi waayetoommon, andolla meeti Kiristoosina koyechinaꞌo tiyitinaꞌone. Ebina yemeenee ciiro bi tunoon ariibeeto noone.

1 Yowannisi 4:6

Tunebaani no Yeer magecho noone; ebich Yeerin ariibeeto bulli noochon waayee beetone; Yeer waanee tuneyaano bulli wotta noochon waayeyaanoone. Ebina iberee Ayaanoonaa kootee ayaanoonon bariiꞌa ariibeeto noone.

Yihudi 1:18

Boonoshiyoo ittoshich “Yemeenee ciirooba boonoshi hajjee gonde qaatoon dabbemmi cooqqirechinaꞌo woyemminaꞌone” itinaꞌone.

Yihudi 1:4

Ikkikke asheenaꞌo ittoshi daggooch shokiibee giyitinaꞌone; hukkechinaꞌo tuneꞌi no Nuggishoochi wojjoon boonoshi meechi qaatoona shaddiyeete; bi ikkeeto baach no Taatoonaa no Doonona tuneti Yesuus Kiristoosin nookkeheete; boonoshi toommooch shaggemmi nalloo wodde yemeenoyee aaf Yaafe Macaafooch kooreetone.

Yaaꞌoo 13:14

Aafi cooxo aafooch bi bekkiyemmoyich daaggeeti malletoona showee toommeexi asheenaꞌo bullin muricciihe; goraadoona bi mayetaanona, batt kashoona beeti cooxoyich bi shahalloon boonoshi shuunemmoyich showee toommooch beeti asheenaꞌoyich gettiye.

Yaaꞌoo 16:14

Eboshiyoo malletoon bekkiibeeti yinneenaꞌone; hini are yinneenaꞌo showee toommeexi taateenaꞌo bulli waan kechii beetinaꞌone; boonoshi kechiibeetoo, Beshe Hakkechi Yeerichi nallee ooge aabooba tunemmi ginee koyee xaaꞌooch boonoshin kicii deeboyichiye.

Yaaꞌoo 18:2

Oogeti qaaroona cookiibee, “Ooge katemee Baablooni dihitiyoche; dihitiyoche! Yinneenaꞌo bulli qeyi xaaꞌee tunetiyoche! Eeꞌeenaꞌonaa tiyaariitinaꞌona tuneti kafeenaꞌo [cooxinaꞌoo] kuppee xaaꞌee tunetiyoche!

Yaaꞌoo 18:23

Bekkiibeeti ceechoo ebiyee bekk ne daggooch ciroona aaxxe bekkeyaachemmone; woꞌee kenoochi qaaroonaa woꞌechi qaaroona ebiyee bekk ciroona ne waanee waayeyaachemmone; ebi tuneto, ne giixechinaꞌo showeexi ogoogeenaꞌo boonoshi tunetoyichiye; iicaabee (qaaxaabee) aageteenaꞌo bullin ne muricciitoyichiye” iye.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Yaaꞌoo 2:11

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito guttinnee qitoon qitaachemmone.

Yaaꞌoo 2:17

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochitoyich aacheeti mannoochee immemmo taane; wotta ebi aroon deqqitoyee damba asho koniyoona ariyaani andire shigo kooreeti nacce xaqqoonoo immemmo taane.

Yaaꞌoo 2:29

Yaafe Ayaano kittinnee guuphinaꞌoyich gettii beeton waayeebeeti waajjecho waayebe.

Yaaꞌoo 2:7

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito Yeerichi yannetooch beeti kashee michi aafoochee bi maayemmoyich daaggemmo taane.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.

Yaaꞌoo 20:8

Showee awudde kelloona beeti aageteenaꞌon, Googinaa Magooginon bi muriciyemmoyich ginee koyee xaaꞌooch kiciya kechemmone; boonoshi haddoo baharee gasheexi qacoommone.

Yaaꞌoo 3:13

Yaafe Ayaano kittinnee guuphinaꞌoyich gettii beeton waayeebeeti waajjecho waayebe.

Yaaꞌoo 3:22

Yaafe Ayaano kittinnee guuphinaꞌoyich gettii beeton waayeebeeti waajjecho waayebe” iye.

Yaaꞌoo 3:6

Yeerichi Yaafe Ayaano kittinnee guuphinaꞌoyich gettii beeton waayeebeeti waajjecho waayebe.

Yaaꞌoo 9:20

Ebi naxeenaꞌona qitaanoon muricciti asheenaꞌo andoo boonoshi gonde shuunoon qajjiꞌi Yeer waan wotteyaaneenaꞌone; yinneenaꞌoyich goyinnoon, wotta aachoonaa birewoonoochee, gooshoochee, xaqqoonaa mixonoochee kishoona boonoshi shuuneti, ciinon woyee waayoon woyee shaꞌoon hakkaani, shahalloyich goyinnoon qayaaneenaꞌone;