1 Ximootiyoosi 2:8 - Kafa Linguistics Project

⁸ Illa doonjeenaꞌo bulli xaaꞌoochaa kaaroonaa hayoonon qayiichi, yaafeeti boonoshi kishoon damba tiijjiree boonoshi corootemmoyich daaggiyoye.

1 Ximootiyoosi 2:8 ပူးပေါင်းရင်းမြစ်များ

1 Taateenaꞌo 3:11

Ebich Yeeri ishichiye: “Ne qellich eeni genjoon, woyee gaannoon, woyee ne etteenaꞌochi aalloon tuneyaanoon, dayinnetoona qeejjoyich shalligoon ne echetoyich,

Iyoobi 16:17

Tunebaani ta kishoo xalloone; Yeer waan ta corootaabeeto xalle mulloonane.

Shoddo 134:2

Yaafe xaaꞌoochaa ittoshi kishoon yaggiree, Doono Yeerin galletebote.

Shoddo 141:2

Ta corooto ne aafoochaa ixaanochoommon shucheto tunebe; kishee ta tiijjoo womikkee deejjochoommon ciichebe.

Shoddo 24:4

Bi kishoo, bi mulloo xalloo tuneto, shahalloyich goyinneyaanoonaa kootoon wogeyaanoonane.

Shoddo 26:6

Doono Yeero, ta xallittinoon bekkiyoyich, ta kishoon machemmo taane. Ne deejjee gudoonoo guudibee,

Shoddo 28:2

Taan ne gaachemmoyich, ne yaafee kexo waan ta kishoon tiijjaꞌa, ne waan ta cookaabeeti cookoon waayebe.

Shoddo 35:13

Tunebaani ta, boonoshi biiyehooba dookoon tahehoye; coomoona ta ashittinoon niriihoye; ta corooto waayemmon mucceꞌi ta waan wottehe.

Shoddo 63:4

Ta kashee yemeeno bulliich neen galletemmo taane; ta kishoon kaama tiijjiree ne shigoon ceeggemmo taane.

Shoddo 66:18

Axaaxoon ta mullooch ta aachito gaata, Doono Yeeri ta corootoon waayeyaacheshone.

Shaahiyoo 15:8

Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.

Shaahiyoo 21:27

Gonde ashi deejjoo ciigeetone; gonde gaboona bi deejjiibeeto beshoon ciigeetone.

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

Maatiyoosi 21:21

Yesuusiyoo wochiꞌi, “Iberoon ittoshich gettoye: Mulloon Yeeri toommooch ittoshi tooꞌiigaata, wotta mulloonoo guttiyoo ittoshi qayigaata, balaasee mixin ta tuniito ikkeeto tuneyaanoon, hini geppoonolla ‘Hiniichee waaxeree baharooch awureebe’ ittoshi getigaata, tunemmone.

Maatiyoosi 5:44

Tunebaani and ta waanee waayebote! Yeeri bi halliti aabeen deꞌeenaꞌonaa gondeenaꞌonoyich kichii beetone; kaameenaꞌonaa xummeenaꞌonoyich tachiꞌi amiyon dichii beetone. Illa shimaayooch beeti ittoshi Nihooyich bushiishoo ittoshi tunemmoyich, ittoshi shixechinaꞌon shunote; ittoshin duꞌii beetinaꞌoyich corootibote.

Maatiyoosi 6:12

No wotta noon xuqqitinaꞌon no maaroommon, no gondoon nooch maaribe.

Luqaasi 23:34

Yesuusiyoo “Ta Nihoocho, boonoshin maaribe; ebi boonoshi shuunee beeton ariyaaneenaꞌone” iye. Ebiyee gubb, bi tahoon ixoo kuxxiꞌi qoodeeheete.

Luqaasi 24:50

Ebiyee gubb, Yerusaalemee Bitaaniyi katinooch beddaahaa boonoshin dabbiiꞌi daammiye; aroochaanoo bi kishoon tiijjiꞌi boonoshin diiriibee,

Yowannisi 4:21

Yesuusi ureyich ishichiye: “Haane, ta gettaa beeton iberiibe; hini guudoochaa tuneba Yerusaalemaa, Nihoo Yeerich ittoshi goyinneyaachemmi yemeeno woyemmone.

Mishiraachechinaꞌo 10:2

Qorineloosi bi kechi asheenaꞌo bullina tookkii Yeerich qeyii beetone; biichoo hajjee beetone; iriteetinaꞌon oogichii gaacheebeeto, kuxaanoonoo Yeer waan corootii beeti uroone.

Mishiraachechinaꞌo 10:31

‘Qorinelooso, Yeeri ne corootoon waayetone; girechinaꞌon ne dego shalligichoo tuneꞌi bi aafooch shaggitone.

Mishiraachechinaꞌo 10:4

Biyoo keqqoona manjiiꞌi ciinniibee, “Ta doonocho, amoone?” iye. Are maraakoo ishichiye: “Ne corootoonaa girechinaꞌon ne degona shalligichoo tuneꞌi Yeeri aafooch shaggitone.

Mishiraachechinaꞌo 21:5

Tunebaani no hammemmi aabo bedaa hammehon; kittinneenaꞌo bulli boonoshi maachoonaa bushiishoona tookkii katemoyee maach beddaahaa noon deenniyeete. Baharee gashooch gutenaꞌa no corootitoyee gubb,

Mishiraachechinaꞌo 7:60

Guteneꞌi, “Ta Doonocho, hini axaaxoon boonoshi toommooch haddiyaahine” iꞌi oogichii cookiye. Ishichiichii qitiye.

1 Qorontoosi 1:2

Qorontoos beeti Yeerichi kittinnee guuphoyich, Kiristoos Yesuusina Yeeri yaafitinaꞌonoyich, wotta noonnaa boonoshinoyich Doono tuneti no Doono Yesuus Kiristoosichi shigoon xaaꞌoo bullichaa ceeggii beetinaꞌo bullina tookkii yaafeenaꞌo tunoyich ceekketinaꞌoyich:

1 Qorontoosi 7:7

Asho bulli taachoommon mechaalloon bi beemon shunnoye; tunebaani asho bullich bi qelli qelloona Yeeri biich immiti wojjoo beetone; ikkoyich icheti wojjoo ebiyoommo bi tunegaata, baroyich icheti wojjoo wotta baroone.

2 Qorontoosi 2:14

Yeerich galleto bede; gondoochi giidoon kochii wochiꞌi Kiristoosina keccetinaꞌochoommon bulli aaboon noon yaabii beetone; Kiristoosin ariyee cinno bulli xaaꞌooch bi beddemmoyich noonna shuunee beetone.

Filipphisiyoosi 1:12

Ta maneenaꞌote! Ebi ta toommooch shaggiti mooyo iberoon mishiraachee qaaroon bi gamichoon ittoshi ariyemmoyich shunnoye.

1 Tasaloonqi 1:8

Doono Yesuusichi mishiraachee qaaro ittoshi waanee tiyiꞌi bi shaggito, Makidoonee showoonaa Akaayee showoonooch baach tuneyaanoon, Yeeri toommooch ittoshi mullee tooꞌiyoo bi waayeeto bulli xaaꞌooch beeti asheenaꞌoyichiye. Ebich ittoshichon no gettemmi bare mooyo amolla aalloone.

1 Ximootiyoosi 5:14

Ebich kittinnee gurimaashe xuume maacheenaꞌo wochinnoon boonoshi shaagon, bushoonoo boonoshi shimon, boonoshi kexonoo gaawichiꞌi boonoshi yeshon, daaggiyoye; ebina noon shixxii beetinaꞌo naaggemmi kelloon muccemminaꞌone.

Titoosi 3:8

Ebi bullich bi qaaro gibeneetone; mulloon Yeeri toommooch tooꞌiiti asheenaꞌo deꞌe shuunoon shuunoona boonoshi kupphemmoyich, eboshin gaawichiree gete. Ebi mooyo deꞌoone; asho bullichoo gaaccemmone.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.

1 Pheexiroosi 3:7

Keneenaꞌote! Ebiyoommon wotta hakka guuteenaꞌo boonoshi tunoon ariiree, gaawe shalligoona ittoshi mecheenaꞌona tookki beebote. Yeeri aafooch giddeꞌi corootoyich bajjiibeeti amee mooyolla bi beetaachemmoyich, boonoshiyoo wotta ittoshina tookki bulli yemeenee kashee wojjoon Yeer waanee danemminaꞌo boonoshi tunoon gabibee boonoshin oogiibote.