1 Ximootiyoosi 1:9 - Kafa Linguistics Project

^9-10 Yeeri hini sheeroon bi immito, sheeroon shaaddee beetinaꞌonaa hukkechinaꞌonoyich, Yeerin dabboochee wokkii beetinaꞌonaa axaaxechinaꞌonoyich, Yeerin oogiyaaneenaꞌonaa yaafe mooyon eeꞌii beetinaꞌonoyich, boonoshi indeenaa nihoonon wuxii beetinaꞌonaa ashi kashoon kichii beetinaꞌonoyich, shunimaayeenaꞌoyich, anaamona tookkii shuno maabeeti anaaminaꞌoyich, ashoon giidoona yechii kemmechinaꞌoyich, kooteenaꞌoyich, kootoon wogee beetinaꞌoyich, gaawe kittinnittinee doyoon shixxii beetinaꞌo bullichalli, cadiqeenaꞌoyich toonoone.

1 Ximootiyoosi 1:9 ပူးပေါင်းရင်းမြစ်များ

2 Saameeli 16:11

Aroochee Daawiti Abishayinaa bi naayinaꞌo bullinoyich ishichiye: “Ta hajjee bushoo ebiyoche taan wuxiya qaawii beetone. Ishigaata, hini Biiniyaamee yoodo tuneti uro, ebin bi tuniyoo worganikkeshone? Doono Yeeri bi uppemmoyich bi tuniitoyich, ittoshi qayaa ufe.

2 Taateenaꞌo 19:37

Ikke areddoon bi nuggishoo Nisirookichi yaafee kexooch goyinnee bi beetaa, bi bushiisheenaꞌo Adirameleekinaa Sharetseerina biin goraadoona wuxiyeete; aroochee muricciꞌi Araraatee showooch maxxeheete. Bi bushoo Asiradooni bi xaaꞌooch kereeꞌi taatehe.

2 Kiinoo 32:21

Doono Yeeriyoo Asooree taatoochi kaambooch bi maraakoon daachiiꞌi, ginee anaaminaꞌon, ginee iraasheenaꞌonaa ukkireenaꞌonon bi aalliyemmoyich tuniihe. Ebina Asooree taatoo giisheꞌi bi showooch wottehe. Bi nuggishoo kexooch bi giyimmona, bi gutenoochee kechiti bi bushiisheenaꞌo aroochaa goraadoona biin wuxiyeete.

Keyo 20:13

“Ashoon wuxiyaahine.

Keyo 21:14

Tunebaani ikke asho gabii kuxxiꞌi bare ashoon bi wuxigaata, ta deejjee gudee xaaꞌooch aasheto bi tunetaanoona, geechi kichi daamaa qitibe.

Shaahiyoo 20:20

Bi nihoon woyee bi indeen naaggiibeeto, bi ceechoo dunne manderoochaa tahemmone.

Shaahiyoo 28:17

Ashi damee hiishechi asho bi qitimmi wottoon yallyallimi beeyemmone; koniyoona biin gaachaaye.

Shaahiyoo 28:24

Bi indeechon woyee bi nihoochon boggiichii, “Ebi axaaxoo toonoone” ii beeto, aalliyechochi guuphone.

Shaahiyoo 30:11

Boonoshi niheenaꞌon uppiibeeti, boonoshi indeenaꞌonoo diiraani shiijjereenaꞌo beetinaꞌone.

Shaahiyoo 30:17

Bi nihoon cooqqirii, bi indeechi getoonoo hoxeebeeto aafoon, bambeexi kurecheenaꞌo qoqenemminaꞌone; aakkeenaꞌo biin maayemminaꞌone.

Erimiyaasi 23:11

“Keemechinaꞌonaa qeesheenaꞌona taach qeyaaneenaꞌo tunetinaꞌone; boonoshi gondoon ta kechi maacooch beddaahaa daneto taane” iye Doono Yeeri.

Hiziqeeli 21:25

“Ne aabo shaggiti, naxeeree ne aallemmi aabo shaggiti, hini yaafeyaani gonde Israꞌeelee iraashoocho,

Leweenaꞌo 20:9

“ ‘Bi nihoon woyee bi indeen naaggiibeeti asho koniyoona qitibe. Bi nihoon woyee bi indeen bi naaggitoyich, bi damoyich koniyoona echeyaachemmone.

Maatiyoosi 10:21

“Arooba manoo bi manoon, nihoo bi bushoon wuxemmoyich beshiiree immemmone; wotta bushiisheenaꞌo boonoshi niheenaꞌonaa indeenaꞌonochi toommooch tiyiree wuxiyemminaꞌone.

Roomi 1:30

oonechinaꞌo, Yeerin shixxii beetinaꞌo, naagechinaꞌo, boonoshi qelloon oogii beetinaꞌo, geecechinaꞌo, moochi qaawechinaꞌo, boonoshi niheenaꞌonaa indeenaꞌonoyich deꞌa getaaneenaꞌo,

Roomi 4:13

Abrahaminaa bi yareenaꞌonoyich “Alemoon woraashemmo ittoshine” iꞌi Yeeri gibenikkitone. Ebi gibenoon Yeeri gibenikkito, Abrahami Yeeri toommooch mulloon bi tooꞌiyoona bi cadiqitoyichalli, Muusichi Sheeroon ceechii bi quyetoyich toonoone.

Roomi 5:20

Wotta xuꞌo woddemmoyich Muusichi Sheeroo daakkeeꞌi ichehe; tunebaani axaaxoo woddehooba, Yeerichi wojjoo beshaa beshoon woddehe.

Roomi 6:14

Ebiyoo axaaxoo ittoshin hajjaachemmo bi tunetoyichiye; hajjeeꞌi ittoshi beeto Yeerichi wojjoyichalli, sheeroyich toonoone.

Galaati 3:19

Illa sheeroo icheto, amoyichiye? Gibenee qaaro ichetoyee gubb wotta sheeroo icheto, axaaxoo amo gaata bi bekkemmoyichiye. Are sheeroo icheto Yeeri gibenikkiti gibenee yaroo waammi wottooniye. Bi ichetoo maraakeenaꞌochi gommona, shoobbecho kishoonane.

Galaati 5:18

Yaafe Ayaanoona ittoshi yaabeegaata, sheeroyich hajjeyaachote.

Galaati 5:21

ashi wodoon shixo, masho, qelloon battiibeeti duubo, eboshinoo shaahiibeeti mooyone. Shiichaꞌa ittoshich ta gettetoommon, ebiyoommi mooyon tunii beetinaꞌo Yeerichi shimaajji taatittineen woraashaachemminaꞌone.

Galaati 5:23

shiimecho tuno, bi qellee ariyoo, eboshine. Eboshiyoomminaꞌon bajjemmi sheeroo aalloone.

Yibbaatoo 27:16

“ ‘Bi nihoon woyee bi indeen giishiibeeto uppeton tunebe’ geteete. “Asheenaꞌo bulliyoo ‘Ameena’ geteete.

2 Tasaloonqi 2:8

Aroyee gubb, Doono Yesuusi bi waahooba bi kookkeexi hiinnoona hidemmi, bi oogee yiiree waccoonoo bi aalliyemmi hukkechi uro bekkemmone.

1 Ximootiyoosi 4:7

Wotta Yeerich oogoon imaani, gaacaalloonoo tuneti geene genneenaꞌochi tochoochee wohe; Yeerin oogiibeeti beemon beemoyich ne qelloon dojjibe.

1 Ximootiyoosi 6:20

Ximootiyooso, Yeeri neech guudiiꞌi bi immiti mooyon quyebe. Yeerin oogiyaani moochaalli yibbaatoochee, kootoon ariyoo shaahiiꞌi wonaaxiyee yibbaatoochee wohe.

2 Ximootiyoosi 2:16

Yeerin oogiyaani, moochaalli yibbaatoochee wohe. Ebiyoommi yibbaatoo asheenaꞌon beshoon Yeer waanee wokkiyemmone;

2 Ximootiyoosi 3:2

Asheenaꞌo boonoshi qelloon shunnii beetinaꞌo tunemminaꞌone; gijje shuneenaꞌo, naadeyechinaꞌo, geecechinaꞌo, naagechinaꞌo, boonoshi nihoonaa indeenoyich deꞌa getaaneenaꞌo, galleteyaaneenaꞌo, yaafe mooyon eeꞌii beetinaꞌo,

Titoosi 1:10

Ishichaꞌa neech ta gettaabeeto, hukkechinaꞌo, baade hayechinaꞌonaa dachechinaꞌona, eboshiyeenolla “Ayihudeenaꞌochi sheeroon ceechibote” ii beeti meeti asheenaꞌo beetoyichiye.

Titoosi 1:16

“Yeerin ariibeeto noone” ii beetinaꞌone; tunebaani tiyaarii beetinaꞌonaa deꞌa getaaneenaꞌona, ikke deꞌe mooyon shuunoyichona bedaaneenaꞌoo boonoshi tunetoyich, boonoshi shuunoona Yeerin nookkee beetinaꞌone.

Titoosi 1:6

Kittinnee guuphi geeno tunemmi asho, gonde mooyona oonneyaano, ikke mechecho, boonoshi mulloon Kiristoosi toommooch tooꞌiiti, wotta gonde qocoonaa wochee waayee qayona taggeyaani bushiishecho tunebe.

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.

Hibireena'o 11:31

Yahechi Rahaabi mulloon Yeeri toommooch tooꞌiiꞌa, Yaariki katemoon qiidi (maaci) boonoshi beeggemmoyich, Israꞌeeleenaꞌo waanee wochetaa waati asheenaꞌon diggoona bi kexooch bi iibbiitoyich, Yeerich deꞌa getaani Yaariki asheenaꞌona tookkaa aalleyaaneene.

Hibireena'o 12:16

ittoshi daggooch yahiibeeti asho bi daneyaachemmoyich woyee ikke wottoon bi maayemmi maayoyicha iꞌi bi qaabbittinoon kemmiti Esayichoommon, yaafe mooyinaꞌon qallayemmi asho bi daneyaachemmoyich, ittoshi qelloon ariibot!

1 Pheexiroosi 2:7

Illa ittoshi mulloon bi toommooch tooꞌiiti ittoshich ebi xaqqo aaxxoone; tunebaani bi toommooch mulloon tooꞌiyaaneenaꞌoyich, “Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunehe,”

1 Pheexiroosi 3:20

Ebi cuyee kexooch cucheꞌi beeti kasheenaꞌo wonna Noohi yemeenooch markabo shuuneehooba, Yeeri haaꞌiyoona bi quyee beetaa biich deꞌa getaache itinaꞌone; are markabooch giyiꞌi aacona woditinaꞌo giishecheenaꞌo, eboshiyoo shimitte asheenaꞌo baachiye.

1 Pheexiroosi 4:18

Yaafe Macaafooch bi kooreetoommon, “Cadiqe asho oogeti xuuxoona wodemmo bi tunegaata, hukkechinaꞌonaa axaaxechinaꞌonochi toommooch amo tunehe?”

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.