1 Ximootiyoosi 1:5 - Kafa Linguistics Project

⁵ Ebin neech ta gettaabeeto, “Noonnaa noonna shunebone” getoyichiye. Ebi shuno bi danemmo xalle mulloonaa gaawe gaboona, Kiristoosi toommooch mulloon ibere tooꞌiyoonane.

1 Ximootiyoosi 1:5 ပူးပေါင်းရင်းမြစ်များ

Shoddo 24:4

Bi kishoo, bi mulloo xalloo tuneto, shahalloyich goyinneyaanoonaa kootoon wogeyaanoonane.

Shoddo 51:10

Yeero, xalle mulloon taach hallibe; andiroonaa kaamoona tuneti ayaanoon taach imbe.

Erimiyaasi 4:14

Yerusaaleme, ne wodemmoyich ne mulloon gonde mooyoochee mayi xalliibe. Ne gonde gaboo ne waan bi beeyemmo aati wottooniye?

Sofoniyaasi 3:7

Ebi bullin tuniyoona ‘Ta asheenaꞌo taan shattemminaꞌone; ta sheeroyichoo deꞌa gettemminaꞌone; ta sheeriti sheeroon ciroona batteyaachemminaꞌone’ iyaꞌa gabiyoye. Tunebaani boonoshi aafichoommon gonde mooyo bullin kuxaanoon shuunooch giyiyeete” iye.

Maatiyoosi 12:35

Deꞌe asho bi mullooch bi kotiiti deꞌe mooyoochee deꞌoon kichiye. Gonde asho bi mullooch bi kotiiti gonde mooyoochee gondoon kichiye.

Maatiyoosi 5:8

Mulli xalleenaꞌo diireetinaꞌone; Yeerin boonoshi aafoona beeggemminaꞌone.

Mishiraachechinaꞌo 15:9

Yeeriyoo Yesuusi toommooch mulloon boonoshi tooꞌiyoona boonoshi mulloon axaaxoochee xalliitone; ebich noonnaa boonoshinon barbariyaanoone.

Mishiraachechinaꞌo 23:1

Arooba Phawuloosi Ayihudee nallechinaꞌon manjii ciinniꞌi, “Ta maneenaꞌote! Hanaach beddaahaa Yeeri aafoochaa ta shuuneti shuunoyich ta mullo taan ittibateyaache” iye.

Mishiraachechinaꞌo 24:16

Ebich Yeerinaa asheenaꞌonochi aafooch bulli aaboon ittibateyaani mulloona beemoyich qiiccaabeeto taane.

Roomi 10:4

Boonoshi mulloon bi toommooch tooꞌii beetinaꞌo bulli cadiqemmoyich Kiristoosi sheeree tacone.

Roomi 12:9

Ittoshich beeti shuno qettoyee damboo tunaaye. Gonde mooyon tiyaarebote; gaawe mooyona tookki ikkottebote.

Roomi 14:15

Kittinnee ne manoon ne maabeeti maayi naboona ayinikkaabeeto ne tunegaata, illa biin shunaano ne tunoon ne shuunaabeeti mooyona bekkiibeeto neene. Biicha iꞌi Kiristoosi qititi asho ne maabeeti maayi naboona bi aalleyaachemmoyich ne qelloon ariibe!

Roomi 9:1

Kiristoosina tunaꞌa iberoon gettoye; kootoon yibbaateyaache; ta mullo Yaafe Ayaanoona yaabeeꞌi miixee beetone.

1 Qorontoosi 13:1

Asheenaꞌonaa maraakeenaꞌonochi nooneenaꞌona ta yibbaatetaa, shuno taach aallegaata, shuurikkimmona qaaddiibeeti gooshoommo woyee qaaxilloommo taane getone.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Yibbaatoo 10:12

“Andoo Israꞌeelo, ne Nuggishoo Doono Yeeri ne waanee bi qaawiibeeto, amooniye? Ne Nuggishoo Doono Yeerin ne shattemmoyich, bi gommo bullina ne hammemmoyich, biin ne shunnemmoyich, ceeni ne mulloonaa ceeni ne kashoona biich ne goyinne maddemmoyich,

1 Ximootiyoosi 1:18

Ta bushoo Ximootiyooso, ebiyee aaf neechon keemoona bi getteetoommon, hini wochoon neech adereto taane. Are keemoon shalligibee, kuppheree gaaweti koyoon koyebe.

1 Ximootiyoosi 1:19

Kiristoosi toommooch mullee tooꞌiyoonaa axaaxoon tiyaareebeeti xalle mulloonon manjiiree yeshe. Ikkikkeenaꞌo boonoshi mulloona “Axaaxoon tiyaareyaachone” iꞌi, markabo xaqqoona qicceꞌi aacona qoochee bi aalloommon, Yesuusichi toommeexi boonoshi mullee tooꞌiyoon aalliitinaꞌone.

1 Ximootiyoosi 3:9

axaaxoon tiyaareebeeti xalle mullechinaꞌo, Kiristoosi toommooch ceeni mullee tooꞌiyoonaa Yeeri gaxxiti iberee ariyoona kupphetinaꞌo tunebeete.

2 Ximootiyoosi 1:3

Ta qaabbechinaꞌochoommon axaaxoon tiyaareebeeti xalle mulloona ta goyinnaabeeti Yeerin ne naboyich galletaabee, xumoonaa areddoonon ta qollaa beegaata kuxaanoon neen gabaabeeto taane.

2 Ximootiyoosi 1:5

Kiristoosi toommooch ibere ne mullee tooꞌiyoon gabaabeeto taane; shiichiꞌi ne indinde Loyidinaa ne indee Ewuniqina boonoshi mulloon Kiristoosi toommooch tooꞌiitinaꞌone; and ne wotta ebiyoommon Kiristoosi toommooch ne mulloon ne tooꞌiyoonoo xiishito taane.

2 Ximootiyoosi 2:22

Ebich gonde gurimaashittinee qaatoochee wohe; xalle mulloona Doono Yeerin qollee beetinaꞌona tookkiree cadiqoon, Kiristoosi toommooch mullee tooꞌiyoon, maneenaꞌon shunon, asho bullina tookkii diggoona beemonoo kupphiiree dabbibe.

Titoosi 1:15

Xalleenaꞌoyich bulli mooyo xalloone; tunebaani eeꞌeenaꞌonaa Kiristoosi toommooch mulloon tooꞌiyaaneenaꞌoyich xalloo tuneti mooyo amolla aalloone; halla boonoshi gaboonaa boonoshi mulloona eeꞌetone.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Hibireena'o 13:18

Nooch corootibote; bulli mooyona gaawe qocoona beemon no qaawaa beetoyich, xalle mullo nooch beemon ariito noone.

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Pheexiroosi 3:16

Tunebaani shiimebee boonoshi yibbaatoon qallayaanoon oogiibee yibbaatebote. Kiristoosina ittoshi daneti gaawe qocoon naageebeeti asheenaꞌo boonoshi oonniibeeti oonoyich boonoshi yeellemmoyich, xalle mullo ittoshich beebe.

1 Pheexiroosi 3:21

Ebi aaco wotta and noon wodiibeeti aacona afaalleyee shaahiyoone; ebiyoo ashi achooch beeti kiinoon machii bayona tuneyaanoon xalle mulloona Yeer waan giddemmi qolloonane; ebiyoo bi tuneebeeto, Yesuus Kiristoosi qitoochee timonane.

1 Pheexiroosi 4:8

Shuno bareenaꞌo shuuneti axaaxoon maariye; ebich bulli mooyoyee shiichiree ittoshinaa ittoshina mulloochee tiijjiree shunebote.

2 Pheexiroosi 1:7

Yeerin oogiibeeti qocoona beemi toommooch manittinee shunoon, manittinee shunee toommooch shoodeyoon daakkibote.

1 Yowannisi 3:10

Yeerichi bushiisheenaꞌonaa daabiloosichi bushiisheenaꞌona ebina bariꞌi arichee beetinaꞌone: Cadiqee shuunoon shuuneyaano, bi manoonoo shunaano, Yeerichi bushoo toonoone.

1 Yowannisi 3:23

Tuniibote bi ii beeto ebine: Bi Bushoo Yesuus Kiristoosi toommooch no mulloon no tooꞌiyemmoyich, wotta Kiristoosi nooch gettitoommon noonnaa noonna no shunemmoyichiye.

1 Yowannisi 3:3

Illa Kiristoosina ebi gibenoon geddiibeeto bulli, Kiristoosi xalloo bi tunoommon bi qelloon xallii beetone.