1 Tasaloonqi 5:6 - Kafa Linguistics Project

⁶ Illa qaalliree no qelloon quyoona beebonalli, bareenaꞌochoommon tokketaayone.

1 Tasaloonqi 5:6 ပူးပေါင်းရင်းမြစ်များ

Shaahiyoo 19:15

Yeexerittino magge tokketoon deebiye; yeexere ashoo shaacemmone.

Isiyaasi 56:10

Israꞌeelee qayechinaꞌo aaf doogeenaꞌone; boonoshi bullich ariyoo aalloone; buhaani miime kunaanoomminaꞌone; tokketeechii gummiyeete; tokketoonoo shunniyeete.

Yoonaasi 1:6

Markabechinaꞌochi ukkiroo bi waan hammiꞌi, “Aabichaa tokketenne? Tiyiree ne nuggishoon ceege; diqqich nooch ariqqeree aalloochee noon wodiyemmone” iye.

Maatiyoosi 13:25

Tunebaani asho bulli tokketeechaa, uroochi shixecho waaꞌi teepphee daggooch dadaddoon shookkiichii hammiye.

Maatiyoosi 24:42

“Illa ittoshi Doono amee aabooba bi woyemmo gaata ariyaachote. Ebich qaalliree quyebote.

Maatiyoosi 25:13

“Illa Ashi Bushoo woyemmi aaboonaa saatoonon ariyaano ittoshine; ebich qanniree quyebote” iye.

Maatiyoosi 25:5

Woꞌee keno yagitoyich, boonoshi bullin geepphiro yeshaa tokketeheete.

Maatiyoosi 26:38

Boonoshin “Ta kashe ayinoona xuuxaꞌa kech beddetine. Hiniich beebote; tokketaayi kuppheree taanna tookki quyebote” iye.

Maariqoosi 13:37

Ittoshich ta gettaa beetoommon bullich gettoye; kuppheree quyebote” iye.

Luqaasi 12:37

Boonoshi doono waahaa, tokketeyaanoon quyeebee danemmi wochee bushiisheenaꞌo diireetinaꞌone. Iberoon ittoshich gettoye: Bi shuunee tahoon taheree madooch boonoshin kotiichi qoomeree maanjemmone.

Luqaasi 12:39

Tunebaani ebin ariibote: Kechi doono gaayo woyemmi saatoon bi ariimmo gaata, bi kexon gaayoona iichiyaacheshone.

Luqaasi 21:36

Illa hini shagg bedditi mooyoochee ittoshi muriccemmonaa Ashi Bushoo aafooch ittoshin neechemmi hakkoon ittoshi danemmonoyich corootibee, bulli aaboon qanniree quyebote” iye.

Luqaasi 22:46

“Amoyichiye ittoshi tokketeebeeto? Gondoochi nihoo dawushooch ittoshi giyaachemmoyich tiyiree corootibote” iye.

Mishiraachechinaꞌo 20:31

Ebich kasheyaanoon keejje naton xumoonaa areddoonon eeppaabee, ittoshin ta ciicon shalligibee, ittoshi qelloon quyebote.

1 Qorontoosi 15:34

Ittoshi mulloon kaachibote. Axaaxoon shuuneyaahote. Ittoshi daggooch Yeerin ariyaani ikkikkeenaꞌo beetinaꞌone. Ta ishichaabeeto, ittoshi yeellemmoyichiye.

1 Qorontoosi 16:13

Ittoshi qelloon ariibote; Kiristoosi toommooch beeti ittoshi mullee tooꞌiyoona manjiree neexebote; shattaayi kupphebote;

Efesooni 2:3

Arooba ebi asheenaꞌo daggooch no bulli wotta no meechi daaggoommonaa no mullee daaggoommonon tuniyaabee, no meechi qaatoommona beehone; bareenaꞌo bullichoommon wotta Yeerichi kaaree shiixxoo no toommooch kindemmi asho tunaꞌa beehone.

Efesooni 6:18

Yeerin qollebee bulli aaboon Yaafe Ayaano immiibeeti hakkoona corootibote. Ebi gaboonoo yaafeenaꞌo bullich Yeerin qollebee qaalliree corootoona kupphebote.

Filipphisiyoosi 4:5

Ittoshi deꞌittino asho bullich arichebe. Doono Yesuusi kaateree woyemmone.

Qolaasiyaasi 4:2

Yeerin galletebee qaalliree corootoona kupphebote.

1 Tasaloonqi 4:13

Andoo no maneenaꞌote! Gibenaalli bare asheenaꞌochoommon ittoshi ayinaachemmoyich, qititi asheenaꞌochon ittoshi ariyemmoyich shunnoye.

1 Tasaloonqi 5:10

Kashoona no beetaa woyee no qititaa, biinna tookki kashoona no beeyemmoyich Kiristoosi noocha iꞌi qitiye.

1 Tasaloonqi 5:8

Tunebaani areddee asho no tunetoyich, mullee tooꞌiyoonaa shunoonon getee ginee tahoochoommon gediree, “Yeeri noon wodiyemmone” imi gibenoon xuuree ukoochoommon ukeree no qelloon quyoona beebone.

1 Ximootiyoosi 2:15

Tunebaani maachee bi mulloon Kiristoosi toommooch tooꞌiiꞌa, kittinneenaꞌon shunnaꞌa, dagg tate gaawe shuriyoona bi qelloon xallittinoona bi quyegaata, bushoon shimona wodemmine.

1 Ximootiyoosi 2:9

“Genneenaꞌo wotta yeelliyaani tate tahoon tahebeete” iyaꞌa daaggiyoye. “Yeerich no qelloon diiriito noone” ii beeti genneenaꞌoyich tato bi tunetoommon gaawe shuunoon shuunoonalli, tatoyee besheti qellee shippoona woyee aachoonaa bare aaxxe mooyona woyee aaxxoo tuneti tahoona boonoshi ashittinee shashiyoon daaggaache.

1 Ximootiyoosi 3:11

Ebiyoommon genneenaꞌo asho bulli oogii beetinaꞌo, oonaaneenaꞌo, dagg tate gaawe shuriyechinaꞌo, mooyo bullina gibeneetinaꞌo tunebeete.

1 Ximootiyoosi 3:2

Illa kittinnee guuphon yaabii qeejjiibeeti geeno tunemmi asho, gonde mooyona oonneyaano, ikke mechecho, dagg tato, bi qelloon quyecho, gaawe shuriyecho, iibboon iibbiibeeto, Yeerichi qaaroon dojjoon hakkito,

2 Ximootiyoosi 4:5

Tunebaani ne, bulli mooyona ne qelloon quyebe; xuuxo shagiyooba kupphebe; mishiraachee qaaroon getonoo kuxxaaye. Kiristoosich maddoyich ne waanee qaaweemmi mooyo bullin ceechiree maddebe.

Titoosi 2:12

Ebi wojjoo axaaxee shuunoonaa hini showeexi mooyon qaatoonon qayiree, and hini yemeenooch no qellee quyoona, cadiqittinoonoo Yeerin oogiibeeti beemon no beeyemmoyich dojjii beetone.

Titoosi 2:6

Gurimaashe anaaminaꞌo ebiyoommon boonoshi qellee ariyechinaꞌo boonoshi tunemmoyich ciice.

1 Pheexiroosi 1:13

Illa shuunoyich cuye tiyiree qannibote; ittoshi qelloon quyoona beebote; Yesuus Kiristoosi bekkehooba ittoshi danemmi wojjoon ceenoona gibenebote.

1 Pheexiroosi 4:7

And illa bulli moochi ciiro katinnitone. Ebich corootoon ittoshi hakkemmoyich ittoshi qelloon quyoona qaalliree beebote.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

Yaaꞌoo 16:15

Doono Yesuusi ishichiye: “Ebiyoche, gaayoochoommon diqqoona woyemmo taane; shokkaachoo tuneree bi hamaachemmoyich, shokkaachoo bi beetaa asho biin beegaa bi yeelleyaachemmoyich, qaalliꞌi bi tahoon quyeebeeti asho diireetone” iye.

Yaaꞌoo 3:2

Ne shuunoo ta Nuggishoo aafooch ceenniꞌi bi bekketaa beegaano taane. Qaallibe! Qitiya ii beeti, echeti mooyinaꞌon andiriibe.