1 Tasaloonqi 5:4 - Kafa Linguistics Project

⁴ Tunebaani no maneenaꞌote! Ebi are aabo gaayo xumoona womoommon diqq shagiree ittoshin bi keqqichaachemmoyich, ittoshi manderee asho toono ittoshine;

1 Tasaloonqi 5:4 ပူးပေါင်းရင်းမြစ်များ

Erimiyaasi 42:16

ittoshi shattiibeeti goraado are Gibitsaa ittoshin danemmone; bi naboona ittoshi keqqiibeeti shaacoo are Gibitsaa ittoshi toommooch shaggemmone; aroochaanoo qitemmo ittoshine.

Hosee'i 10:9

Doono Yeeri ishichiye: “Israꞌeeleenaꞌo Gibaahaa axaaxoon boonoshi shuunetoochee tiijjiꞌi, axaaxoon shuunoona taan ayinikkoochee wotteyaaneenaꞌone. Ebich Gibaahaa gino boonoshi toommooch tiyemmone.

Zakaariyaasi 1:6

Ittoshi qaabbechinaꞌo ta maddechinaꞌo tuneti keemechinaꞌona ta getteti ta qaaroonaa ta qociyoonon quyo boonoshi qajjitoyich sheereetinaꞌone. “Boonoshiyoo boonoshi shuuneti gondoyich ayiniꞌi, ‘Beshe Mawe Doono Yeeri tuniiya bi gabitoommon, no gommoommonaa no shuunoommonon no toommooch bi tuniyoo tatoone’ itinaꞌone” iye.

Maatiyoosi 10:15

Iberoon ittoshich gettoye: Nallaa gallooba are katemeexi asheenaꞌoyee Sodoomi katemeexi asheenaꞌonaa Gomoori katemeexi asheenaꞌonoyich gaawiye” iye.

Luqaasi 21:34

“Tunebaani ittoshi mullo miyona, mashoonaa mashaamiti beemi qaatoona dingiraate bi beetaa, Ashi Bushoochi aabo diqqoona shaachoochoommon ittoshin bi yeshaachemmoyich, ittoshi qelloon quyebote.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Yibbaatoo 19:6

Ikke katemoo baach bi tunegaata, wohi gommo bi tunetoyich nichoon kichecho ippoona yoohi dabbi yeshiree, qita bedaani ashoon wuxemmone. Aroyee aaf kaaro boonoshi daggooch aalloon diqqoonane bi wuxito.

Yibbaatoo 28:15

Muusi Israꞌeeleenaꞌoyich ishichiye: “Tunebaani ne Nuggishoo Doono Yeerichi qaaroon waayoon ne qayigaata, hanaach neech ta gettaabeeti geteenaꞌonaa qociyeenaꞌonon manjii quyo ne qayigaatoo, ebi ufo bulli ne toommooch shaggemmone; neenoo yechemmone.

Yibbaatoo 28:45

“Ne Nuggishoo Doono Yeerichi qaaroon waayo ne qajjetoyich, wotta bi getoonaa bi qociyoonon ceechaa quyo ne qajjetoyich, neen bi aalliimmi wottoon, ebi ufo ne toommooch shaggemmone; neen yoohi dabbiree yechemmone.

Qolaasiyaasi 1:13

Biyoo manderee taatoo kishoochee noon kichiye; bi shuni Bushoochi taatittineech noon giijjiye.

1 Tasaloonqi 5:2

Doonochi aabo bi woyemmo, gaayo xumoona bi womoommon tunoon manjiiꞌi ariibeeto ittoshine.

2 Pheexiroosi 3:10

Doonochi aabo gaayoochoommon diqqoona shaggemmone; arooba shimaayoo oogeti qaaroona gigebee aallemmone; shimaayooch beeti mooyinaꞌo bulli qaaqqoona miciree aallemminaꞌone; wotta showoonaa bi toommooch beeti mooyinaꞌo bullina miciree aallemminaꞌone.

1 Yowannisi 2:8

Tunebaani andire mooyon ittoshich kooraabeeto taane; ebi are mooyo Kiristoosi shuuneti mooyonaa ittoshi shuuneebeeti mooyona iberoo bi tuno bekketone. Bi bekkeebeetoo, manderoo beshee beetonaa ibere bekko harii bekkee bi beetonoyichiye.

Yaaꞌoo 16:15

Doono Yesuusi ishichiye: “Ebiyoche, gaayoochoommon diqqoona woyemmo taane; shokkaachoo tuneree bi hamaachemmoyich, shokkaachoo bi beetaa asho biin beegaa bi yeelleyaachemmoyich, qaalliꞌi bi tahoon quyeebeeti asho diireetone” iye.

Yaaꞌoo 3:3

Illa waayaa ne ariiti mooyinaꞌon gabibe; ebi are mooyinaꞌonoo quyebe; axaaxee gommoochee Yeer waan wottebe. Qaalloo ne qayigaata, diqqoona ne beetaa gaayo womoommon, neech woyemmo taane; amee saatooch ta woyemmo gaata ariyaano neene.