1 Tasaloonqi 5:24 - Kafa Linguistics Project

²⁴ Ittoshin ceeggiti Yeeri gibeneetone; biyoo ebin ittoshich ceechemmone.

1 Tasaloonqi 5:24 ပူးပေါင်းရင်းမြစ်များ

2 Taateenaꞌo 19:31

Yerusaalemee echetinaꞌo, Tsiyooni guudoochee muriccitinaꞌo kechemminaꞌone. Doono Yeeri bi qanaatoona ebin tuniyoyich maaccitone.

Shoddo 100:5

Ebiyoo Doono Yeeri deꞌo bi tunetoyichiye; biyoo bulli yemeenoon shoodechone; bulli shiijjerooch beddaahaa gibeneetone.

Shoddo 138:2

Ne yaafee kexo waan goyinnemmo taane; ne shoodoonaa ne gibeneyoonoyich neen galletemmo taane; ne shigoonaa ne qaaroonon bulliyee beshoon ne oogiitoyich neen galletehoye.

Shoddo 146:6

Showoon, shimaayoonaa baharoonon, arooch beeto bullinoo hallito, bulli yemeenoon bi qaaroon quyeebeeto, biine.

Shoddo 36:5

Doono Yeero, ne shoodo shimaayooch beddaahaa, ne gibeneyoo gumooch beddaahaa shaggitone.

Shoddo 40:10

Ne cadiqittinoon ta mullooch aachaano taane; ne gibeneyoonaa ne wodiyoonon gettehoye; ne shoodoonaa ne iberittinoonon ooge iitoochaa aachaano taane.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 89:2

Ne shoodo bulli yemeenoon manjoo bi tunoon, ne gibeneyoo shimaayoochoommon manjii bi neexoon, gettemmo taane.

Shoddo 92:2

Ne shoodoon maaddoona, ne gibeneyoonoo xumoona awaajjoo gaawetone.

Isiyaasi 25:1

Doono Yeero, ne ta Nuggishoo neene; wonna wonna yameeti, worganikkiti mooyinaꞌon, gibeneyoona ne tuniitoyich, neen oogiihoye; ne shigoonoo galletehoye.

Isiyaasi 37:32

Yerusaalemee echetinaꞌo, Tsiyooni guudoochee muriccitinaꞌo kechemminaꞌone; Beshe Mawe Doono Yeeri bi qanaatoona ebin tuniyemmone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Shoosho 3:23

Bi ariqqo bi shoodoo maaddi maaddoona andiree beetone; Doono Yeeri oogichii gibeneetone.

Mikiyaasi 7:20

Wonnee yemeenooch no qaabbechinaꞌoyich wogaꞌa ne gibenikkitoommon, ne gibeneyoonaa kuxeyaani ne shunoonon Abrahaminaa Yaaqobinochi shiijjeroo tuneti nooch bekkiibeeto neene.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Maatiyoosi 24:35

Showoonaa shimaayoona beshemmone; tunebaani ta qaaro besheyaachemmone” iye.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Yowannisi 3:33

Bi miixee beeton iberiito, Yeeri iberoo bi tunoon miixetone.

Roomi 8:30

Yeeri shiichiꞌi bi maaccitinaꞌon eboshin wotta ceeggiye; bi ceeggitinaꞌon eboshin wotta cadiqiihe; bi cadiqiitinaꞌon eboshin wotta oogiihe.

Roomi 9:24

Eboshiyoo noone getone; noonoo Ayihudeenaꞌo daggoochee baach tuneyaanoon, Aageteenaꞌo daggoochee wotta ceeggitone.

1 Qorontoosi 1:9

Bi Bushoo no Doono Yesuus Kiristoosina tookki ikkittino ittoshich bi beeyemmoyich, ittoshin ceeggiti Yeeri ebin ceechoyich gibeneetone.

1 Qorontoosi 10:13

Ashi toommooch waabeeti qiiccoyee damba bare qiicco ittoshi toommooch waataanoone; ittoshi hakkoyee beshiti qiicco ittoshi toommooch bi woyemmoyich daaggaani Yeeri gibeneetone; qiiccee toommooch beebee qiiccoocheenoo ittoshi muriccemmi kelloon ittoshich qanniyemmone.

Galaati 1:15

Tunebaani ta indee maacooch ta beetaa taan biich bariiꞌi bi wojjoona taan ceeggito Yeerine.

Yibbaatoo 7:9

Ebich ne Nuggishoo Doono Yeeri baach Nuggishoo bi tunoon, gibeneeti Nuggishoo bi tunoonoo batteyaahine. Biin shunnii beetinaꞌonaa bi getoon quyee beetinaꞌonoyich hume shiijjerooch beddaahaa, bi wogoon ceechemmone; kuxeyaani bi shunoonoo bekkiyemmone.

2 Tasaloonqi 2:14

Yeeri no Doono Yesuus Kiristoosichi oogee yiiroochee ittoshi qoodeyemmoyich, no getteti mishiraachee qaaroona ittoshin ceeggitone.

2 Tasaloonqi 3:3

No Doono gibeneetone; biyoo ittoshin kupphiyemmone; gondoochi nihoo kishoocheenoo ittoshin quyemmone.

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

2 Ximootiyoosi 2:13

Gibeneeto tuno no qayigaata, bi qelloon nookkeyaachemmo bi tunetoyich, bi gibeneeto tuneree beeyemmone” getteeti yibbaatoo iberoone.

Titoosi 1:2

Ebi mullee tooꞌiyoonaa iberoon ariyoona bulli yemeenee kashoon danee gibenee toommooch neexetone; ebi kashoyichoo kootaani Yeeri, yemeeno bulliyee aaf gibenikkitone.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

2 Pheexiroosi 1:3

Yesuus Kiristoosi bi oogee yiiroonaa bi deꞌittinoonoochee no qoodeyemmoyich, noon ceeggiton no ariyoona yaafeeti kashoonaa Yeerin oogiibeeti qocoona no beeyemmoyich bi Nuggishittinee giidoona qaawiibeeti mooyo bullin nooch immiye.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.