1 Tasaloonqi 5:15 - Kafa Linguistics Project

¹⁵ Ittoshi daggoochee koniyoona baroyich gondoochi qoodoon gondoona bi wochaachemmoyich bayote. Tunebaani bulli aaboon ittoshinaa ittoshina, wotta asho bullich gaaweton tuniyoyich qiiccebote.

1 Tasaloonqi 5:15 ပူးပေါင်းရင်းမြစ်များ

Halloo 45:24

Ebiyee gubb, Yooseefi bi maneenaꞌon daachiihe. Hamma boonoshi tiyimmona, boonoshich “Gommon hamibee, ittoshinaa ittoshina kaareyaahote” iye.

Shoddo 38:20

Deꞌe mooyon ta tuniitoyich, deꞌee kaalloon gondoon wochii beetinaꞌo taan shixxiyeete.

Shaahiyoo 17:13

Deꞌee kaalloon gondoon wochiibeeto kexoochee, gonde mooyo bulli aaboon kuxeyaachemmone.

Shaahiyoo 20:22

“Gondee kaalloon wochemmo taane” gettaahine; Doono Yeerin quyebe; bi neen gaachemmone.

Shaahiyoo 24:17

Ne etto dihoona emiriyaahine; bi tepheyoonoo ne mullo oogichi emiraaye.

Shaahiyoo 24:29

“Taach bi shuunetoommon biich shuunemmo taane; bi shuunoon biich qoccemmo taane” gettaahine.

Shaahiyoo 25:21

Ne etto shaacegaata, koshon maanjibe; bi shachewegaata aacon uchibe!

Leweenaꞌo 19:18

“ ‘Ne asheenaꞌo daggoochee koni toommoochona nichoon kichiyaahine. Mooyon shaaccaahine. Neenoommi ne manoon neenna tachiree shune. Ta, Doono Yeeri taane.

Maatiyoosi 5:39

Tunebaani and ta waanee waayebote! Ittoshi toommooch gondoon shuuneebeeto toommooch nichoon kichiyaahote. Tunebaani ne qanne gaakkoon tappemmoyich yoochoon bajjaahine.

Luqaasi 6:35

Tunebaani ittoshin shixxii beetinaꞌon shunote; boonoshich deꞌoon shuunebote; ‘Amoonolla taach gaaccemmone’ getiree gibenaayi, boonoshich erettiibote. Ooge wojjoon danemmo ittoshine; Beshoo Yeerichi bushiishoonoo tunemmo ittoshine; ebiyoo Yeeri biin galleteyaaneenaꞌonaa gondeenaꞌonoyich maac deꞌo bi tunetoyichiye.

Mishiraachechinaꞌo 16:28

Tunetaa Phawuloosi bi qaaroon oogichiꞌi, “Ne toommooch gondoon shuuneyaahine; no bulli hiniich beeto noone” iꞌi cookiye.

Roomi 12:9

Ittoshich beeti shuno qettoyee damboo tunaaye. Gonde mooyon tiyaarebote; gaawe mooyona tookki ikkottebote.

Roomi 14:19

Illa ebi tunegaata, diggoo halleyemmi mooyon, noonnaa noonnonoo eenniyemmi mooyon dabbibone.

1 Qorontoosi 14:1

Illa bulliyee beshoon kupphiiree shunoon dabbibote; Yaafe Ayaanee wojjoon danoyich qaatibote; eboshiyee keemoon keemoyich beshoon qaatibote.

1 Qorontoosi 16:10

Ximootiyoosi taachoommon Doono Yesuusichi shuunoon shuunee beetone; ebich ittoshi waan bi waagaata, ittoshina tookkii bi beemmi wottoon gaabbaalloon bi beeyemmoyich tuniibote;

1 Qorontoosi 6:7

Illa ittoshinaa ittoshina taggeebeeto tunegaata, ittoshi kittinnee qocoon muriccito ittoshine. Ebiyee cikkiꞌi ittoshi xukkeyoo ittoshich gaaweyaache? Bokkeyoo ittoshich gaaweyaache?

Galaati 6:10

Illa no hakkimmi aabo bullin asho bullich, ebiyeenoo boonoshi mulloon Yesuus Kiristoosi toommooch tooꞌiiꞌi ikke kechi ashoon tunetinaꞌoyich, gaawe mooyon tuniibone.

Efesooni 5:15

Illa aabichiree ittoshi beeyemmo gaata ariyoona ittoshi qelloon quyebote. Shalligechinaꞌoommonalli tuusheenaꞌoommon tuneree beeyaahote.

Efesooni 5:33

Tunetaa ebi qaaro wotta ittoshichoonane; asho bi ikkikkoona bi mecheen bi qelloommon tuniiree shune; mecheyoo bi kenoon oogiibuye.

Yibbaatoo 16:20

Kashoona ne beeyemmoyich, ne Nuggishoo Doono Yeeri neech immimmi showoon ne woraashemmoyich dayinnetoona baach nallibe.

1 Tasaloonqi 5:21

Bulli mooyon phire boshebote; gaaweto tuneton yeshote.

1 Ximootiyoosi 6:11

Tunebaani haano Yeerichi ashoocho, ebi mooyo bulliichee wohe. Cadiqoon, Yeerin oogiibeeti beemon, Kiristoosi toommooch mullee tooꞌiyoona manjoon, maneenaꞌon shunon, haaꞌiyoon, shiimecho tunoonoo dabbiree yeshe.

2 Ximootiyoosi 2:24

Doono Yeerichi guuno, asho bullin shiimecho, Yeerichi qaaroon dojjoon hakkitonaa haaꞌiyechonalli, kaarechon tunaaye.

Titoosi 3:2

koninolla oonaaneenaꞌo, hayoochee wokkitinaꞌo, shiimechinaꞌo, asho bulli aafooch boonoshi qelloon giishii beetinaꞌo boonoshi tunemmoyich shalligichibe.

Hibireena'o 12:14

Asho bullina tookki diggoona beemon qaawibote; yaafeyaanoon Doono Yeerin beegon hakkemmo aalloone; ebich yaafittinoona beemoyich qaawibote.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Pheexiroosi 2:17

Asho bullin oogiibote; kittinnee ittoshi maneenaꞌon shunote; Yeerin shatote; taatoon oogiibote.

1 Pheexiroosi 3:9

Asheenaꞌo ittoshi toommooch gondoon boonoshi shuunegaata, gondoon gaaccaahote; boonoshi naagigaata, boonoshin diiribotalli, wochiree naaggaahote; ittoshi ceekketo ebin tuniyoona diiroon ittoshi woraashemmoyichiye.

3 Yowannisi 1:11

Ta shunechocho! Deꞌeenaꞌon shaahiballi gondeenaꞌon shaahiyaahine. Deꞌoon shuuneebeeto Yeer magechone; gondoon shuuneebeeto Yeerin beegaanoone.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.

Yaaꞌoo 22:9

Tunebaani aroo “Neen ariibe! Eechiyaahine! Neechoommon, keemechi ne maneenaꞌochoommon, hini macaafooch kooreeton quyee beetinaꞌochoommonoo Yeerichi guuno taane; Yeerich baachiye ne goyinnemmo!” iye.

1 Saameeli 24:13

Wonnee asheenaꞌochi tochoochaa ‘Gonde asheenaꞌo waanee gonde mooyo kechiye’ getteetone; tunebaani ta ne toommooch amee gondoonona tuniyaachemmo taane.