1 Tasaloonqi 5:14 - Kafa Linguistics Project

¹⁴ Wotta no maneenaꞌote! Ittoshin ciiccaabeeto noone; shuuna biisheenaꞌon kaare ciicote; aafi shateenaꞌon kupphiibote; kuppheyaaneenaꞌon gaachebote; asho bullin haaꞌiibote.

1 Tasaloonqi 5:14 ပူးပေါင်းရင်းမြစ်များ

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Erimiyaasi 6:12

Showooch beetinaꞌo toommooch ta kishoon yaggemmo ta tunetoyich, boonoshi kexinaꞌo, boonoshi goyeenaꞌonaa boonoshi mecheenaꞌona ikkittinoona bareenaꞌoyich tunemminaꞌone” iye Doono Yeeri.

Hiziqeeli 34:16

Aalletinaꞌon qaawemmo taane; yallyallimitinaꞌon wochemmo taane; tiishetinaꞌon guuccemmo taane; hakka guuteenaꞌon kupphiyemmo taane; awujjitinaꞌonaa giidetinaꞌonon aalliyemmo taane; dayinnetoona bageenaꞌon qiddemmo taane.

Maatiyoosi 12:20

kopheeti shombeqoon tiishaachemmone; taha bedditi ceechoonoo takkaachemmone. Ebin bi tuniyemmo, dayinneto wudoon bi danemmoyich bi tuniimmi wottooniye.

Luqaasi 22:32

Tunebaani ta toommooch ne mullee tooꞌiyoon ne qayaachemmoyich corootito taane; ta waan ne wottehooba ne maneenaꞌo mulloon kupphiibe” iye.

Mishiraachechinaꞌo 20:27

Ebiyoo Yeerichi gaboochee amoonolla echiyaanoon bullin ittoshich ta gettetoyichiye.

Mishiraachechinaꞌo 20:31

Ebich kasheyaanoon keejje naton xumoonaa areddoonon eeppaabee, ittoshin ta ciicon shalligibee, ittoshi qelloon quyebote.

Mishiraachechinaꞌo 20:35

‘Deqqii beetoyee immiibeeto diireetone’ iꞌi Doono Yesuusi bi qelloona gettiton shalligaabee, caajjoona maraataa shuunaabee giidaalleenaꞌon dego tun bedo bi tunoon bulli mooyona ittoshich bekkiito taane” iye.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Roomi 14:1

Illa ittoshi daggoochee Kiristoosi toommooch mulloon tooꞌiyoona batt kuppheyaani asho bi beegaata, shiqqiyaahote; bi gabiibeeti gaboyich gajjiteyaahote.

1 Qorontoosi 4:14

Hini mooyon ittoshich ta kooraabeeto, aaxxe ta hajjee bushiishoommon ittoshin kaareꞌi ciicoyichalli, yeelliyoyich toonoone.

1 Qorontoosi 8:7

Tunebaani asho bullich hini ariyoo aalloone. Ikkikkeenaꞌo ebiyee aaf boonoshi doyitoyich, hanaach beddaahaa ebiyoommi maayoon “Shahalloyich deejjeetone” iꞌi gabiibeeniye boonoshi maabeeto; yeexere mullecho boonoshi tunetoyich, “Eeꞌeto noone” iꞌi gabiyeete.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Efesooni 4:2

Bulli aaboon qellee giishiyoona, shiimecho tunoona, haaꞌiyoona ittoshinaa ittoshina ikkoo baroon shunibee haaꞌiibote.

Efesooni 4:32

Ittoshinaa ittoshina deꞌoonaa ariqqechona tunebote; Yeeri Kiristoosina ittoshin bi maaritoommon ittoshinaa ittoshina maareebote.

Qolaasiyaasi 1:28

Bullich no gettaabeeto Kiristoosichoniye. Asho bulli bi ikkikkoo Kiristoosina, bedditi ashoon bi tunetaa Yeer waan giddiyoyich ariyoo bullina asho bullin kaaraa ciiccaabee arichiibeeto noone.

2 Tasaloonqi 3:15

Tunebaani manoochoommon kaare ciicotalli, shixechon shaahiiree ciinnaahote.

1 Ximootiyoosi 3:3

masheyaano, damoo gufeyaano, shiimecho, hayeyaano (nabeyaano), gijjoyich dakaano,

1 Ximootiyoosi 6:11

Tunebaani haano Yeerichi ashoocho, ebi mooyo bulliichee wohe. Cadiqoon, Yeerin oogiibeeti beemon, Kiristoosi toommooch mullee tooꞌiyoona manjoon, maneenaꞌon shunon, haaꞌiyoon, shiimecho tunoonoo dabbiree yeshe.

2 Ximootiyoosi 4:2

Yeerichi qaaroon awaajjibe; yemeeno mashaamitaa, mashaamoo bi qajjitaa, kuppheree ebin tuniibe; ittibatebee, kaare ciicibeeshoo, oogeti haaꞌiyoona dojjibe.

Titoosi 1:10

Ishichaꞌa neech ta gettaabeeto, hukkechinaꞌo, baade hayechinaꞌonaa dachechinaꞌona, eboshiyeenolla “Ayihudeenaꞌochi sheeroon ceechibote” ii beeti meeti asheenaꞌo beetoyichiye.

Titoosi 1:6

Kittinnee guuphi geeno tunemmi asho, gonde mooyona oonneyaano, ikke mechecho, boonoshi mulloon Kiristoosi toommooch tooꞌiiti, wotta gonde qocoonaa wochee waayee qayona taggeyaani bushiishecho tunebe.

Hibireena'o 12:12

Ebich taahiti ittoshi kishoon, qeweebeeti ittoshi tingoonoo kupphiibote.

Hibireena'o 13:3

Boonoshina tookkii cucheton shaahiree cuchetinaꞌon gabibote; xuuxee toommooch beetinaꞌon ittoshi wotta boonoshichoommon xuuxee toommooch beeton shaahiree gabibote.