1 Tasaloonqi 4:9 - Kafa Linguistics Project

⁹ Ittoshinaa ittoshina shuneechon ittoshi qelloona Yeer waanee ariito ittoshine; ebich manaamanoochoommon ittoshi shunemmoyich koniyoona ittoshich koorii arichiyoo qaawiyaache.

1 Tasaloonqi 4:9 ပူးပေါင်းရင်းမြစ်များ

Shoddo 133:1

Maneenaꞌo ikkittinoona beemo, am shaahoon gaawetonaa emirikkitonane.

Isiyaasi 51:13

Shimaayoon yaggiti, showoonoo kottiti, ittoshin halliti Doono Yeeri taan batteto ittoshine; aalliiya qanniꞌi ittoshin xuqqii beetochi naboona bulli aaboon keqqoona beehote; ishigaataa, boonoshi kaaro aaye?

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Erimiyaasi 31:34

Asho bi ikkikkoona bi giyoon, asho bi ikkikkoona bi manoon ‘Doono Yeerin ariibe’ geti dojjaachemmone; ebiyoo giishoochee oogooch beddaahaa, bulliyona taan ariyemmo bi tunetoyichiye. Boonoshi xuꞌoon maaremmo taane; boonoshi axaaxoonoo gabaachemmo taane” iye Doono Yeeri.

Leweenaꞌo 19:8

Ebi aroochee maammi asho koniyoona, Doono Yeeri taach yaafeeti mooyon bi eeꞌitoyich, bi shuuneti axaaxoyich echeyemmone; bi asheenaꞌo daggoocheenoo kichaa yookkeyemmone.

Maatiyoosi 22:39

Ebin shaahiibeeti guttinnee sheeroo ‘Neenoommi ne manoon neenna tachiree shune’ ii beetone.

Yowannisi 14:26

Tunebaani Nihoo Yeeri ta shigoona bi deejjemmi Yaafe Ayaano tuneti Kupphiyecho, aroo bulli mooyon ittoshich dojjemmone; ittoshich ta getteto bullin ittoshich shalligichemmone.

Mishiraachechinaꞌo 4:32

Arooba Yesuusichi asheenaꞌo bulli ikke mullo, ikke kasho tuneheete; boonoshi daggoochee koniyoona “Hini gijjoo taachone” getaanoone; bullin gogeꞌi ikkooch qoodee beeheete.

Roomi 12:10

Manaamanoochoommon ittoshinaa ittoshina shunebote; ittoshinaa ittoshina ikkoo baroon oogiibe.

2 Qorontoosi 9:1

Yaafeenaꞌoyich tunemmi gijjee buusheechon ittoshich kooroo taach qaawiyaache.

Filipphisiyoosi 3:15

Illa manjii kuppheti kittinnoo no bulli ebin gabibone; ittoshin barbarii beeti gaboo ittoshi daggooch bi beegaata, ebi gaboon Yeeri ittoshich gaxxi bekkiyemmone.

1 Tasaloonqi 5:1

Illa no maneenaꞌote! Ebi mooyo tunemmi yemeenoonaa aaboonochon ebine iꞌi ittoshich amoonolla kooroo qaawiyaache.

Hibireena'o 10:16

“ ‘Ebi are yemeenoyee gubb, boonoshina tookki ta giyemmi wogo ebine’ iye Doono Yeeri. ‘Ta sheeroon boonoshi mullooch kotiyemmo taane; boonoshi mullee cilloochoo kooremmo taane’ iye”

Hibireena'o 13:1

Ittoshinaa ittoshina manaamanoochoommon shunoona beebote.

1 Pheexiroosi 3:8

And ciiroochaa ta gettaabeeto, ittoshi bulli ikke mulloona beebote; ikke ashi iritoon ittoshi qelli iritoommon tuniiree ciinote; manaamanoochoommon ittoshinaa ittoshina shunebote; ariqqechonaa gaꞌi deꞌoonon tunebote.

1 Pheexiroosi 4:8

Shuno bareenaꞌo shuuneti axaaxoon maariye; ebich bulli mooyoyee shiichiree ittoshinaa ittoshina mulloochee tiijjiree shunebote.

2 Pheexiroosi 1:7

Yeerin oogiibeeti qocoona beemi toommooch manittinee shunoon, manittinee shunee toommooch shoodeyoon daakkibote.

1 Yowannisi 2:10

Bi manoon shunniibeeto bekkoochiye bi beeto; bi waan tephi dichemmi mooyo beetaachemmone.

1 Yowannisi 3:11

Shiichoochee tiijjiꞌi ittoshi waayeti wocho “Noonnaa noonna shunebone” ii beetone.

1 Yowannisi 3:23

Tuniibote bi ii beeto ebine: Bi Bushoo Yesuus Kiristoosi toommooch no mulloon no tooꞌiyemmoyich, wotta Kiristoosi nooch gettitoommon noonnaa noonna no shunemmoyichiye.

1 Yowannisi 4:21

“Taan shunniibeeto bi manoon wotta shune” iꞌi Yeeri nooch gettitone.