1 Tasaloonqi 4:8 - Kafa Linguistics Project

⁸ Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.

1 Tasaloonqi 4:8 ပူးပေါင်းရင်းမြစ်များ

Nehimi 9:30

Wodde yemeenoon boonoshin haaꞌiihine; ne keemechinaꞌona tunaꞌa ne Ayaanoona boonoshin kupphiyaꞌa meeqqeqqiihine; tunebaani ellee waayeyaaneenaꞌone. Ebich boonoshi guudoona beeti aageteenaꞌo kishooch beshiyaꞌa boonoshin immehine.

Keyo 16:8

Muusiyoo daakkiꞌi, “Bi toommooch ittoshi guruuxoon bi waayetoyich, xum ittoshi maayemmi meenon, maaddoona ittoshi qettee wottoon ittoshi maayemmi koshon ittoshich immemmo Doono Yeeriyani no amo noone? No toommooch ittoshi guruuxito, Doono Yeeri toommooch guruuxoone” iye.

Shaahiyoo 1:7

Doono Yeerin shato ariyee shiichoone; tunebaani tuusheenaꞌo shalligoonaa sheeroonon hoxeheete.

Shaahiyoo 23:9

Shalligechi ne yibbaatoon kettiyemmo bi tunetoyich, mullaalli ashich amoonolla gettaahine.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 53:10

Biiyoona bi yexxeyemmoyich Doono Yeeri daaggiye; bi kashoon axaaxee deejjoo bi tuniitoyee gubb, bi yaroon beeggemmone; bi eeno genjemmone; Doono Yeerichi daaggoo bi kishoona ceennemmone.

Luqaasi 10:16

Ebiyee gubb, Yesuusi bi dabbeenaꞌon “Ittoshichon waayeebeeto, taachon waayee beetone; ittoshin qajjiibeeto, taan qajjii beetone; taanoo qajjiibeeto, taan wocheti Yeerin qajjii beetone” iye.

Yowannisi 12:48

Taanoo qajje iꞌi ta qaaroon iberiyaano toommooch nallemmo beetone; ciireexi aabooba hini ta getteti qaaro bi toommooch nallemmone.

Mishiraachechinaꞌo 13:41

‘Hini cooqqirechinaꞌote, beegote! Worganebote! Aallebote! Koniyoona getaa, ittoshi iberiyaani shuunoon ittoshi yemeenooch shuunemmo taane’” iye.

Roomi 5:5

Nooch icheti Yaafe Ayaanoona Yeeri bi shunoon no mullooch bi ceechitoyich hini gibeno noon yeelliyaache.

1 Qorontoosi 2:10

Ebichi naboyich Yaafe Ayaano Yeerichi maacee moochi tuggooch beddaahaa, ikkoonolla echiyaanoon maqqii bi arii beetoyich, ebi bullin Yeeri bi Yaafe Ayaanoona nooch bekkiitone.

1 Qorontoosi 7:40

Tunebaani ta gaboochaa wochinnoon shaakkeyaanoon bi beegaata, beshoon emiremmine. Wotta hini ta gettaabeeti mooyo Yeerichi Yaafe Ayaano gabiito taach shaahii beetone.

2 Qorontoosi 1:22

Wotta biicho no tunee xiishee malletoon no toommooch geddito, gubb nooch bi immemmi wojjoonoo bekkiibeeti Yaafe Ayaanoon yechiyoo tuniiꞌi no mullooch kotiitoo, biine.

Galaati 4:6

Ittoshiyoo Yeerichi bushiishoo ittoshi tunetoyich, “Taabbo, ta Nihoocho!” getiree ittoshi ceeggemmi bi Bushoochi Ayaanoon ittoshi mullooch deejjitone.

1 Pheexiroosi 1:12

Are keemechinaꞌo boonoshi gettiti wochoona boonoshi maddeto, ittoshichalli, boonoshich tunee qayo boonoshich bekkehe; wotta shimaayoochee wochetaa waati Yaafe Ayaanee giidoona mishiraachee qaaroon ittoshich miixeti asheenaꞌo and are wochoon ittoshich gettitinaꞌone. Maraakeenaꞌolla ebi mooyon maqqiꞌi ariyoyich qaatii beetinaꞌone.

1 Yowannisi 3:24

Hini Yeeri gettiti mooyon tunii beetoyich Yeerina tookkii ikkittino beetone; Yeerichoo biinna tookkii ikkittino beetone. Noonna tookkii bi beemon nooch bi immiti bi Ayaanoona ariibeeto noone.

Yihudi 1:8

Ebiyoommon wotta ebi asheenaꞌo gumon gummiibee boonoshi hajjee ashittinoon eeꞌii beetinaꞌone; boonoshiyee damba beeton qallayii beetinaꞌone; damba shimaayooch beeti oogee yiirechinaꞌon naaggii beetinaꞌone.

1 Saameeli 10:19

Ittoshin duꞌoonaa xuuxo bullinoochee wodiyaabeeti, ittoshi Nuggishoo taane. Tunebaani and ittoshi taan qajjiichii, taatoon ittoshich ta taatiyemmoyich echehote. Illa and ittoshi yoodi yoodoona, ittoshi yari yaroonoo tuneree, Doono Yeeri ta aafooch giddebote’ itone” iye.

1 Saameeli 8:7

Doono Yeeriyoo Saameelich ishichiye: “Boonoshi toommooch ta taateyaachemmoyich boonoshi qajjito taanani, neen toonoone. Ebich ebi asheenaꞌo neech gettiibeeti mooyo bullin elle waayebe.