1 Tasaloonqi 4:6 - Kafa Linguistics Project

⁶ wotta shiichaꞌa ittoshich manjii gettaa no shalligichitoommon, ebi mooyo bullin Doono Yeeri wochi gaaccemmo bi tunetoyich, koniyoona ebi mooyon shaaddaaye; biinoommi bi manoonoo xuqqaaye.

1 Tasaloonqi 4:6 ပူးပေါင်းရင်းမြစ်များ

Shoddo 140:12

Doono Yeeri girechoyich nalliibeeto, xukketinaꞌoyichoo neexeebeeto, bi tunoon ariihoye.

Shoddo 94:1

Nichoon kichechi Nuggishoo Doono Yeero, nichoon kichechi Nuggishoocho, bekkebe.

Keyo 20:15

“Gaajjaahine.

Keyo 20:17

“Ashi kexon, ashi mecheen, ashi guunon woyee bi gonneen, bi gattoon woyee bi kuroon, ashicho tuneto amoonolla qaatiyaahine” iye.

Shaahiyoo 11:1

Doono Yeeri machee qiicoona yubiyoon ciigehe; tunebaani machee qiicoona tachii qocona emiriye.

Shaahiyoo 16:11

Tate machoonaa qeellee qiicoona Doono Yeerichone; mollexxeexi qeellee qiiceenaꞌo bulli bi shuuneenaꞌone.

Shaahiyoo 20:14

Kemecho “Gondoone, gondoone” iibee qiicoon qalliihe; tunebaani kemee bi daammitoyee gubb worganehe.

Shaahiyoo 20:23

Kishoo guttiiꞌi qeelloon Doono Yeeri ciigehe; koote qeellee qiico biin emirikkaache.

Shaahiyoo 28:24

Bi indeechon woyee bi nihoochon boggiichii, “Ebi axaaxoo toonoone” ii beeto, aalliyechochi guuphone.

Dojjecho 5:8

Ikke showoochaa girecho xukketaa, dayinnetaalloon bi toommooch nalleeꞌi neexaa hajjee bi beetaa ne beegigaata, ebi mooyona worganeyaahine! Iraashoyich biin quyeebeeti, biyee dambee iraashoo beetone; wotta eboshich boonoshin quyeebeeti, boonoshiyee damboo tuneti bare iraashoo beetone.

Isiyaasi 5:7

Beshe Mawe Doono Yeerichi woyinee goyo, Israꞌeelee asheenaꞌone; Yihudee asheenaꞌo, bi emiriibeeti becheenaꞌone. Dayinnetoon boonoshi waanee qaawiye; tunebaani damee ukkoo tunehe. Cadiqee shuunoon qaawiye; tunebaani xuꞌee naboona cookoo tunehe.

Erimiyaasi 7:6

dallaawoon, nihaalloonaa xuumeenon xuꞌo ittoshi qayigaata, hini xaaꞌoochaa xalle damoon ukkoo ittoshi qayigaata, ittoshich aalloon deebemmi bare nuggishoon dabboo ittoshi qayigaata,

Erimiyaasi 9:4

“Manoo bulli marecho bi tunetoyich, xiboo bulli oonecho bi tunetoyich, ittoshi bulli ittoshi xibeenaꞌon diqqeyaahote; ittoshi maneenaꞌonoo gibeneyaahote.

Hiziqeeli 22:13

“ ‘Daboona ne daneti gaacoonaa ne daggooch ufeti damoonoyich ta kishoon qahemmo taane.

Leweenaꞌo 19:11

“ ‘Gaajjaahote. “ ‘Dawushiyaahote. “ ‘Ittoshi daggoochee ikkoo baroyich koottaaye.

Leweenaꞌo 19:13

“ ‘Neenoommi ne manoon xuqqaahine. Biin boggaahine. “ ‘Shuunoon ne shuuniiti ashi caajjee gatiyoon qocaanoon qeejjiyaahine.

Leweenaꞌo 25:14

“ ‘Ne manoo tuneti Israꞌeelee ashoyich showoon ne kemigaata woyee bi waanee ne kemegaata, ikkoo baroon dachaaye.

Leweenaꞌo 25:17

Ittoshinaa ittoshina ikkoo baroon dachaaye. Ne Nuggishoon shate. Ta, ittoshi Nuggishoo Doono Yeeri taane.

Mikiyaasi 2:2

Ashi budon boonoshi qaatigaata, boggii deqqiyeete; ashi kexon boonoshi qaawigaata, boonoshicho tuniiheete. Ashi yaaphoon, bi kechi asheenaꞌonoo boggii daammiyeete.

Sofoniyaasi 3:1

Hukkechi, eeꞌeti, boonoshi hajjee asheenaꞌon xuqqiibeeti Yerusaalemi asheenaꞌoyich woowo!

Sofoniyaasi 3:5

Cadiqo tuneti Doono Yeeri ebi Yerusaalemi daggooch beetone. Biyoo tateyaani mooyon tuniyaache. Qemi qemona kuxaanoon dayinnetoona nallii beetone. Tunebaani gonde asheenaꞌo yeellaalleenaꞌone.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Maariqoosi 10:19

Muusichi Sheeroon arii beetine: ‘Ashoon wuxiyaahine; shunoon maayaahine; gaajjaahine; kootoon miixeyaahine; ashi gijjoon tuushiiree maayaahine; ne nihoonaa ne indeenon oogiibe’” iye.

Luqaasi 12:5

Tunebaani ittoshi shattemmon ta ittoshich gettemmo taane: Aroo bi wuxitoyee gubb, shiweree qaaqqooch dufon hakkemmi Doonon shatote. Andoo ittoshich gettoye, biin shatote.

Luqaasi 16:28

uuche ta maneenaꞌo beetinaꞌone. Boonoshi wotta hini xuuxee xaaꞌooch boonoshi waataachemmoyich, Alazaari hamiree boonoshich gete’ iye.

Roomi 1:18

Yeerichi ibere mooyo aricheyaachemmoyich boonoshi gondoona qeriibeeti asheenaꞌochi axaaxoonaa gondo bullinochi toommooch Yeeri bi kaaree shiixxoon shimaayoochee kindiyemmone.

Roomi 12:19

Ta shunechinaꞌote! Nichoon kichiyaahote. “ ‘Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon ta wochiree boonoshin xuuxiyemmo taane’ itone Doono Yeeri” getaa Yaafe Macaafooch kooreetone. Ebich Yeerich bulliibote.

Roomi 13:4

Neech gaaweti mooyon bi tuniyemmoyich Yeerichi maddechone. Goraadoon bi cuyeto baad toonoone; ebich gondoon ne shuunegaata, shate. Gondoon shuunee beetinaꞌo toommooch naxoon kindiibeeti Yeerichi maddechone.

2 Qorontoosi 7:11

Ebi Yeerichi daaggoommon tuneti ayinoo am shaahe maac kuxo tunoon, xuꞌoochee xalloo ittoshi tunoon bekkiyoyich am shaahe qanaatoon, gonde moochi toommooch am shaahe kaaroon, am shaahe shaton, taach ittoshich beeti am shaahe sharaatoon, mulloochee tiyiti am shaahe qanaatoonaa xuꞌecho toommooch nalloonon ittoshi daggooch tuniite! Ebi mooyoyich bulli gommona xalloo ittoshi tunoon miixiito ittoshine.

Galaati 5:21

ashi wodoon shixo, masho, qelloon battiibeeti duubo, eboshinoo shaahiibeeti mooyone. Shiichaꞌa ittoshich ta gettetoommon, ebiyoommi mooyon tunii beetinaꞌo Yeerichi shimaajji taatittineen woraashaachemminaꞌone.

Efesooni 4:17

Illa Aageteenaꞌo duubeti gaboona boonoshi beemoommon, ebiyee bekk ittoshiyoo ebiyoommon duubeti gaboona ittoshi beetaachemmoyich Doono Yesuusina ittoshin manjii ciiccaabeeto taane.

Efesooni 4:28

Gaajjiibee echeto ebiyee bekk gaajjaaye; ebi aree qoodoon iriteetoyich qoodi bi immemmo biich beeyemmoyich, bi hajjee kishoona gaaweton aayi shuunebe.

Efesooni 5:6

Eboshi naboona Yeerichi kaaree shiixxoo biich deꞌa getaaneenaꞌo toommooch kindemmone; ebich koniyoona duube yibbaatoona ittoshin dachaaye.

Yibbaatoo 24:7

“Ikke asho Israꞌeelo tuneti bi manoon yechii daammiꞌi guunon bi tuniigaata woyee bi kemigaata, ebin tuniito qitibe. Ebin tuniyoona, ebiyoommi gonde mooyon ittoshi daggoochee wokkiibote.

Yibbaatoo 32:35

Boonoshi etteenaꞌo toommooch nichoon kichiree, boonoshin ta naxemmi aabo katinnitone. Diqqoona boonoshi baatoo giinnemmone; aalliibeeti naxo boonoshi toommooch kindemmone’ iye.

1 Tasaloonqi 2:11

Bi taatittinoonaa bi oogee yiiroonoochee ittoshi qoodeyemmoyich ittoshin ceeggiti Yeerin emirikkiibeeti beemona ittoshi beeyemmoyich, ittoshin ciiccaabee, kupphiibee, xalla gettaabee, nihoo bi bushiishoyich tunii beetoommon, ittoshi ikkikkoyich no tuniyoon ariibeeto ittoshine.

2 Tasaloonqi 1:8

Arooba qaaqqee aaxxoona waaree, Yeerin ariyoo qaawaaneenaꞌonaa no Doono Yesuusichi mishiraachee qaaroyich deꞌa getaaneenaꞌonochi toommooch nichoon kichemmone.

Hibireena'o 13:4

Asho bulli shaageyoon oogiibe; shunimaayeenaꞌonaa yahechinaꞌonochi toommooch Yeeri nallemmo bi tunetoyich, kenoonaa mecheena ikkoo baroyich gibeneetinaꞌo tunebeete.

Hibireena'o 2:6

Tunebaani ikke asho Yaafe Macaafooch ikke xaaꞌooch ishichitone: “Biin ne gabemmoyich asho amoone? Woyee biich ne aaxxiyemmoyich ashi bushoo amoone?

Yaaqobi 2:6

Tunebaani ittoshi girechinaꞌon coonehote. Ittoshin xuqqii beetinaꞌo gaannechinaꞌo tooneenaꞌone? Nallee gabberee aafooch ittoshin geechii beetinaꞌo boonoshi tooneenaꞌone?

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.