1 Tasaloonqi 4:3 - Kafa Linguistics Project

³ Yeerichi daaggoo shunee mamo bulliichee wokkiꞌi yaafittinoona ittoshi beemone.

1 Tasaloonqi 4:3 ပူးပေါင်းရင်းမြစ်များ

Shoddo 143:10

Ta Nuggishoo ne tunetoyich, ne daaggoon ta tuniyemmoyich taan dojjibe; gaawe ne Ayaano tate boochoona taan yaabibe.

Shoddo 40:8

Ta Nuggishoo Yeero, ne daaggoon tuniyoona emiriyoye; ne sheeroo ta mullooch beetone” iyo.

Leweenaꞌo 15:18

Ikke asho maacheena tookkii qeyiꞌi bi keeroon bi ukkigaata, boonoshi guttiyona boonoshi qeddoon machebeete; boonoshiyoo xumemmi wottoon eeꞌo tunemminaꞌone.

Maatiyoosi 12:50

Shimaayooch beeti ta Nihoochi daaggoon ceechii beetinaꞌo bulli taach manoo, maneenaa indeenane” iye.

Maatiyoosi 15:19

Mulloochee kechii beetinaꞌo, gonde shalligoo, wuxoo, shunee mamo, yahoo, gaayo, kootee miixo, oono eboshine.

Maatiyoosi 5:32

Tunebaani and ta waanee waayebote! Shunimaaye tuneyaani bi mecheen gawukkiibeeto bulli shunimaaye bi tunemmoyich tuniitone; gawukkeetinoo shaaggiibeeto shunoon maatone” iye.

Maatiyoosi 7:21

“Shimaayooch beeti ta Nihoochi daaggoon ceechii beetoani, baad taan ‘Ta Doonocho, ta Doonocho!’ ii beeto bulli shimaajji taatittineech giyemmo toonoone.

Maariqoosi 3:35

Taach manoo, maneenaa indeena Yeerichi daaggoon ceechii beetinaꞌo bulline” iye.

Yowannisi 4:34

Yesuusi wochiꞌi boonoshich ishichiye: “Taach maayo geto, taan wochetochi daaggoon ceechoonaa bi shuunoon ciichoonane.

Yowannisi 7:17

Koniyoona Yeeri shunniton tuniyoyich bi qaawigaata, aroo hini ta doyoo Yeer waanee bi tunoon woyee ta, ta qelloona ta geton ariyemmone.

Mishiraachechinaꞌo 15:20

Tunebaani Muusi kooriti macaafoon aafi shiijjeroochee tiijjiꞌi, shambeti shambetooba Ayihudeenaꞌo kiceebeeti kexoochaa shemmee beetinaꞌonaa katemoo bulliichaa gettii beetinaꞌona beetoyich, ‘Shahalloyich deejjeeꞌi eeꞌeton maayaahote; shunee mamoochee wohote; guureyaanoon taaqqee qititon, damoonoo maayaahote’ getiree boonoshi waan kooribone” iye.

Mishiraachechinaꞌo 15:29

Ebiyoo shahalloyich deejjeeton, damoon, guureyaanoon taaqqee qititon ittoshi maataachemmoyichiye; wotta shunee mamoochee ittoshi wokkemmoyichiye. Eboshi bulliichee ittoshi qelloon ittoshi quyegaata, gaawiye. Diggoona beebote” ii beetone.

Mishiraachechinaꞌo 20:32

“Andoo ittoshin kupphiyoonaa yaafeeti asheenaꞌo bullichi daggooch iristoon imonon hakkiibeeti Yeerinaa bi wojjeechon gettiibeeti qaaroonoyich adereto taane.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Roomi 1:29

Axaaxoona, xuꞌoona, hiriggoona, gondo bullinoo ceenniyeete; qanaato, ashoon wuxoo, kaaro, dawushoo, baroon gondiyoo boonoshi mullooch ceenniye. Ashi shigoon gondii beetinaꞌo,

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Roomi 6:22

Tunebaani and axaaxee guuchittinoochee kechiꞌi Yeerich hajjeebeeti guuno tuneto ittoshine; Yeerich yaafeeti gaacecho ittoshine; ebiyoo ciiroochaa bulli yemeenee kashoochiye ittoshin bi shakkiyemmo.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

1 Qorontoosi 7:2

Tunebaani shunoon maa beetinaꞌo meettitoyich, anaamo bullich bi hajjee mechee beebuye; maachee bullich bi hajjee keno beebe.

2 Qorontoosi 12:21

Wochinnoon ittoshi waan ta waahooba, ta Nuggishoo ittoshi aafooch taan cooniyemmone iyaꞌa shattaabeeto taane; ebiyee aaf boonoshi shuuneti axaaxoochee, ebiyoo tiyaariibeeti mooyoochee, shunee mamoochee, yeelliibeeti kaayoocheenoo Yeer waan wotteyaani meetinaꞌochi naboona diqqich ayini eeppemmo taane iyaꞌa shattaabeeto taane.

Galaati 5:19

Meechi shuunoo arichetone; ebiyoo yahoo, eeꞌe shuunoo, yeelliibeeti kaayo,

Efesooni 5:17

Ebich Doono Yesuusichi daaggoo amo gaata shalligibotalli, mullaalloon tuneyaahote.

Efesooni 6:6

Mulloochee tiijjiꞌi Yeerichi daaggoon tuniibeeti Kiristoosichi guunochoommonalli, ashoon emirikkoyich ashi beꞌenoyich hajjee beeton tuneyaahote.

Qolaasiyaasi 1:9

Ebich no wotta ishin no waayeti aaboochee tiijjaꞌa, Yeeri bi Ayaanoochee daneebeeti ariyoonaa shalligoo bullinon ittoshich ceenoona imiree bi daaggoon ittoshich bi arichiyemmoyich, qollaabee ittoshich corootoon kuxaano noone.

Qolaasiyaasi 3:5

Illa ittoshi meechi qaatoon wuxibote. Eboshiyoo: yahoo, eeꞌe shuunoo, bushittinee cakkoo, gonde qaatoonaa hiriggoonane. (Hiriggoo, bi hiriggiti mooyon nuggishoommon tuniiꞌi goyinnoone.)

Qolaasiyaasi 4:12

Ittoshi waanee tuneto, Kiristoos Yesuusichi guuno Epphaafiri ittoshin diggiitone. Biyoo ittoshi manjemmonaa shuuraanoon ittoshi neexemmonoyich, Yeerichi daaggoonoo ceechoona ittoshi kupphemmoyichoo, bulli aaboon ittoshich corootoona qiiccee beetone.

1 Tasaloonqi 4:2

Doono Yesuusina wocheeꞌa, “Ebin tuniibote” iyaꞌa ittoshich no getteti mooyon ariibeeto ittoshine.

1 Tasaloonqi 4:4

Biin ariyaani Aageteenaꞌochoommon cakkii qaatoona tuneyaanoon, ittoshi bulli ittoshi qelli qelloona ittoshi ashittinoon yaafittinoonaa oogiyoona quyee yeshon ittoshi doyooniye;

1 Tasaloonqi 5:18

amee mooyolla ittoshi toommooch bi shaggitaa, Yeerin galletebote. Ebi Kiristoos Yesuusina ittoshich Yeerichi daaggoo bi tunetoyichiye.

1 Tasaloonqi 5:23

Diggee Nuggishoo bi qelloona ittoshi hullimalloon yaafibe; ittoshi ayaano, ittoshi kashoonaa meenona no Doono Yesuus Kiristoosi wottee waahooba ikke bachaallo tune quyeeree beebe.

2 Tasaloonqi 2:13

Tunebaani Doonona shucheti no maneenaꞌote! Bulli aaboon ittoshi naboyich Yeerin galletehone; ebiyoo Yeeri bi Yaafe Ayaanoona ittoshin yaafiꞌi, iberee qaaroon iberiiree ittoshi wodemmoyich shiichiꞌi ittoshin bi kaaccitoyichiye.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 10:36

Yeerichi daaggoon ceechiree bi gibenikkiti gibenoon ittoshi danemmoyich haaꞌiyoo ittoshich qaawiihe.

Hibireena'o 12:16

ittoshi daggooch yahiibeeti asho bi daneyaachemmoyich woyee ikke wottoon bi maayemmi maayoyicha iꞌi bi qaabbittinoon kemmiti Esayichoommon, yaafe mooyinaꞌon qallayemmi asho bi daneyaachemmoyich, ittoshi qelloon ariibot!

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

Hibireena'o 13:4

Asho bulli shaageyoon oogiibe; shunimaayeenaꞌonaa yahechinaꞌonochi toommooch Yeeri nallemmo bi tunetoyich, kenoonaa mecheena ikkoo baroyich gibeneetinaꞌo tunebeete.

1 Pheexiroosi 1:2

Nihoo Yeeri shiichiꞌi bi gabitoommon, bi kaaccitinaꞌoyich, Yesuus Kiristoosich deꞌa getoyich bi damoo wucaa xalletinaꞌonaa Yaafe Ayaanoona yaafeetinaꞌonoyich: Yeerichi wojjoonaa diggoona ittoshich woddebe.

1 Pheexiroosi 4:2

Illa ebiyee gubb meenona beemoyich biich echeti yemeenooch bi beeyemmo Yeerichi daaggoyichalli, bi meechi gonde qaatoyich hajjeeree toonoone.

1 Yowannisi 2:17

Alemoonaa asho qaatiibeeti alemeexi mooyo bullina beshee beetinaꞌone; tunebaani Yeerichi daaggoon tuniibeeto, bulli yemeenoon manjiree beeyemmone.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.