1 Tasaloonqi 4:12 - Kafa Linguistics Project

¹² Ebin ittoshi tuniigaata, Kiristoosi toommooch mulloon tooꞌiyaani asheenaꞌo aafooch naadeeto tunemmo ittoshine; ittoshichoo qaawiibeeti amee mooyoyichona bare ashoona degeyaachemmo ittoshine.

1 Tasaloonqi 4:12 ပူးပေါင်းရင်းမြစ်များ

Maariqoosi 4:11

Yesuusiyoo boonoshich ishichiye: “Yeeri bi taatittinee maacee mooyon ittoshich arichiitone; tunetaa bareenaꞌoyich bulli mooyo shaahiyoona bi getteebeeto, ‘Ciinibee boonoshi beegaachemmoyich, waayebee boonoshi shalligaachemmoyich, Yeer waan boonoshi wotteyaachemmoyich, boonoshi axaaxoo bi maareyaachemmoyichiye’” iye.

Roomi 12:17

Konichona gondoochi keroon gondoon wochiyaahote; asho bulli aafooch gaaweto tuneti mooyon gabibote.

Roomi 13:13

Areddee bekkoona shaꞌeebeeti asheenaꞌochoommon gaawe qocoona beebone; qelloon battiibeeti duubonaa mashoona tunaaye; shunee mamonaa yeelliibeeti kaayona tunaaye; kaaroonaa qanaatoona tunaaye.

Efesooni 4:28

Gaajjiibee echeto ebiyee bekk gaajjaaye; ebi aree qoodoon iriteetoyich qoodi bi immemmo biich beeyemmoyich, bi hajjee kishoona gaaweton aayi shuunebe.

Filipphisiyoosi 4:8

Illa ta maneenaꞌote! Gaawe mooyon woyee galleteya bede mooyon baach gabibote. Eboshiyoo ibere mooyo bullin, gaawe mooyo bullin, kaame mooyo bullin, xalle gaboo beeti mooyo bullin, emirikkiibeeti mooyo bullinaa naadoo beeti mooyo bullinon gabibote.

Qolaasiyaasi 4:5

Yeeri ittoshich immiibeeti gommo bullina Kiristoosichon miixebee Kiristoosi toommooch mulloon tooꞌiyaani asheenaꞌo daggooch ariyoona shaꞌebote.

1 Tasaloonqi 5:22

Gonde mooyo bulliichee wohote.

1 Ximootiyoosi 3:7

Wotta gonde mooyona oonneeree daabiloosi shaachiti ollooch bi yecheyaachemmoyich, Kiristoosi toommooch mulloon tooꞌiyaani asheenaꞌo waanaa gaawe mooyona naadeeto tunebe.

1 Pheexiroosi 2:12

Yeerin ariyaani asheenaꞌo ittoshin, “Gondoon shuunee beetinaꞌone” iꞌi boonoshi oonniteenona, ittoshi gaawe shuunoon beegiree, Yeeri nalloyich bi waammi aabooba biin boonoshi oogiyemmoyich, boonoshi daggooch ittoshi beemi qoco gaaweto tunebe.

1 Pheexiroosi 3:1

Mecheenaꞌote, ebiyoommon wotta ikkikke ittoshi keneenaꞌo Kiristoosichi wochoon iberiyaaneenaꞌo boonoshi tunegaata, noonoona getona tuneyaanoon, boonoshin oogiibee, gaawe qocoona ittoshi beemon boonoshich bekkiibee, ebi ittoshi gaawe beemi qoco boonoshin Kiristoos waan bi deebemmoyich boonoshich deꞌa getote.