1 Tasaloonqi 4:1 - Kafa Linguistics Project

¹ Illa ciiroochaa no maneenaꞌote! Yeerin emirikkoyich gaawe qocoona ittoshi beemo ittoshi tuniiya bede mooyo bi tunoon ittoshich no dojjaa waayeto ittoshine; andoo ebiyoommi gaawe qocoona beeto ittoshine; tunebaani wotta ebiyee beshoon ittoshi tuniyemmoyich no Doono Yesuusina ittoshin qollaabeeto noone; ciiccaanoo beeto noone.

1 Tasaloonqi 4:1 ပူးပေါင်းရင်းမြစ်များ

2 Kiinoo 17:4

Bi qaabbechinaꞌochi Nuggishoyich gibeneeto tunehe; bi getoonoo hammiye. Israꞌeelee taateenaꞌo tuniibee echeti mooyon tuniyaanoone.

Iyoobi 17:9

Tunebaani cadiqe asho murici dihaachemmone; bi kishoo xalloo tuneti asho kupphe kupphe hammemmone.

Shoddo 92:14

Boonoshi geenehoobolla aafemminaꞌone; bulli aabooch kupphe, nuuriree, “Doono Yeeri kaamoone; biyoo nooch Deebe Xaqqoone; bi waan xumme mooyo aalloone” geti awaajjibee, beeyemminaꞌone.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Yowannisi 15:2

Ta toommooch beechii aafeyaani ato bullin kuxi wokkiyemmone; aafoon aafeebeeto bullinoo woddiiree bi aafemmoyich qephemmone.

Mishiraachechinaꞌo 20:27

Ebiyoo Yeerichi gaboochee amoonolla echiyaanoon bullin ittoshich ta gettetoyichiye.

Roomi 8:8

Meenoyich hajjeeꞌi beetinaꞌo Yeerin emirikkoon hakkaacheete.

1 Qorontoosi 11:23

Doono Yesuusi taach bi immiton, ta wotta ittoshich beshii ta immeti doyoo ebine: Doono Yesuusi beshiitaa bi ichemmi aroobee xum koshon tiijjiye;

1 Qorontoosi 15:1

Ta maneenaꞌote! Ittoshich ta getaa waayeꞌi ittoshi iberiiti, aroona ittoshi neexeti mishiraachee qaaroon ittoshich shalligichiyoye.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

2 Qorontoosi 10:1

Ta Phawuloosi, ta qelloona ittoshina tookkaa ta beehooba “gaꞌi deꞌo” getteeto, ittoshiyee ta wohiyooba “aaf kuppho” getteeto, Kiristoosichi shiimoonaa ariqqoona ittoshin qollaabeeto taane.

2 Qorontoosi 13:11

Illa ta maneenaꞌote! Emiribote. Kaamoo tunebote. Ta ciicoon waayebote. Ikke mulloona tunebote. Diggoona beebote. Shunee Nuggishoonaa diggee Nuggishoona tuneti Yeeri ittoshina tookki tunemmone.

2 Qorontoosi 5:9

Ebich wotta hini no meenona no beetaa woyee no baritaa, Doono Yesuus Kiristoosin emirikkoon oogichaa qaawaabeeto noone.

2 Qorontoosi 6:1

Illa Yeerina tookkii shuuneebeeto tunaꞌa ittoshin no qollaabeeto, ittoshi deqqiti Yeerichi wojjoon duuboon ittoshi tuniyaachemmoyichiye.

Galaati 6:1

Ta maneenaꞌote! Ittoshi daggoochee ikkoo toommooch amee xuꞌolla bi danegaata, Yaafe Ayaanoona yaabeebeeti ittoshi ebiyoommi ashoon shiimoona kaachibote. Newoo wotta ebiyoommi mooyona geecheeree ne dihaachemmoyich ne qelloon ariibe.

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Efesooni 4:20

Tunebaani Kiristoosichon ittoshi ariito ebiyoommona toonoone.

Efesooni 5:17

Ebich Doono Yesuusichi daaggoo amo gaata shalligibotalli, mullaalloon tuneyaahote.

Filipphisiyoosi 1:27

Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

Filipphisiyoosi 1:9

Yeeri oogemmonaa galleteyemmonoyich Yesuus Kiristoos waanee daneebeeti cadiqee aafo ittoshi kashooch ceenee, Kiristoosi woyemmi aaboobich qanniree xalloonaa bachaalloona ittoshi tunemmoyich, beshe gaaweti mooyon ciini beegiree ittoshi ariyemmoyich, ittoshi shuno, ariyoonaa shalligoo bullina aafichoyee beshoon dici bi woddemmoyich, corootaabeeto taane.

Filipphisiyoosi 3:14

Yeeri Kiristoos Yesuusina, damba beeti kashoyich taan bi ceeggiti naadee wojjoon ta danemmoyich, tuggooch shagga woccaabeeto taane.

Qolaasiyaasi 1:10

Gaawe shuunoo bullina aafoon aafebee, Yeerin ariyoona dicibee, bulli mooyona kupphoonaa haaꞌiyoona worganikkiibeeti bi giidoommon oogichi kupphebee, Yeeri bi yaafeenaꞌoyich bi qanniiti iristoon bi taatittinee bekkoochee no qoodeyemmoyich noon bechiti Nihoo Yeerin emiroona galletebee, mooyo bullina biin emirikkiya Doonoyich bedditon tuneree ittoshi beeyemmoyich corootaabeeto noone.

Qolaasiyaasi 2:6

Illa “Kiristoos Yesuusi Doonone” iꞌi ittoshi miixetoommon, biinna beebote;

1 Tasaloonqi 3:12

No wotta ittoshin no shunoommon, ittoshinaa ittoshina daggooch beeti shunoonaa bare asheenaꞌo bullich ittoshich beeti shunoonon Doono Yesuusi ittoshich daakkibe; woddiishoo gete.

1 Tasaloonqi 4:2

Doono Yesuusina wocheeꞌa, “Ebin tuniibote” iyaꞌa ittoshich no getteti mooyon ariibeeto ittoshine.

1 Tasaloonqi 5:12

No maneenaꞌote! Ittoshi daggooch beechii aajjii shuunee beetinaꞌon, Doono Yesuusichi gommona ittoshin yaabii beetinaꞌon, ittoshin kaaree ciiccii beetinaꞌonoo ittoshi ariyemmoyich, boonoshi shuuneebeeti shuunoo bullich shunoona beshaa beshiiree boonoshin ittoshi oogiyemmoyich ittoshin qollaabeeto noone. Ittoshinaa ittoshinoo diggoona beebote.

2 Tasaloonqi 1:3

No maneenaꞌote! Yeeri toommooch mullee tooꞌiyoona oogichii ittoshi diccii beetoyich, ittoshi ikkikkoyich ittoshinaa ittoshina shuneebeeti shuno woddee woddee bi qeyii beetoyich, bulli aaboon ittoshi naboyich Yeerin galleto nooch qaawiibeeti mooyone; wotta ebiyoo no tuniiya bede mooyone.

2 Tasaloonqi 2:1

Andoo no maneenaꞌote! No Doono Yesuus Kiristoosi wottee womichonaa bi waan no kiceyeechonon ittoshin no qollaabeeto,

2 Tasaloonqi 3:1

Illa no maneenaꞌote! Ittoshi waan bi tunetoommon, Doonochi qaaro kaateree bi gaminnemmonaa bi oogemmonoyich nooch corootibote.

2 Tasaloonqi 3:13

Illa no maneenaꞌote! Gaawe shuunoon shuunoyich taahiyaahote.

1 Ximootiyoosi 5:21

“Hini ta getteti mooyinaꞌo daggoochee ikke mooyonona ikke badd dabiyaanoon, tachi nallibee quyebe” iyaꞌa Yeeri aafoochaa, Doono Kiristoos Yesuusinaa Yeeri kaacciti maraakeenaꞌonochi aafoochaanoo hini mooyon neech adereto taane.

2 Ximootiyoosi 4:1

Kiristoos Yesuusi hini showooch wotteree taatemmo bi tunetoyich, Yeeri aafoochaa, kashechinaꞌonaa qititinaꞌonochi toommooch nallemmi Doono Yesuus Kiristoosi aafoochaanoo hini mooyon neech adereto taane:

Hibireena'o 11:6

Asho koniyoona mulloon Yeeri toommooch tooꞌiyaanoon Yeerin emirikkoon hakkaache; Yeer waan giddeebeeti asho Yeeri beemon, biin qaawii beetinaꞌoyichoo bi wojjoon wojjiibeeto bi tunoon iberiyoo biich qaawiihe.

Hibireena'o 13:16

Tunebaani gaaweton tuniyoon, ittoshich beetoochee bareenaꞌoyich qoodoonoo batteyaahote. Ebiyoommi deejjoon no giddiyoo Yeerin emirikkii beetone.

Hibireena'o 13:22

Ta maneenaꞌote! Ebin qaminona ittoshich koorito taane. Ebich ebi ta ciicoon haaꞌiyoona ittoshi waayemmoyich ittoshin qollaabeeto taane.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.

1 Yowannisi 3:22

Tuniibote bi ii beeton no shuunaa beetoyich, biin emirikkii beetonoo no tunii beetoyich, no qollaabeeto bullin bi waanee danaabeeto noone.