1 Tasaloonqi 2:9 - Kafa Linguistics Project

⁹ No maneenaꞌote! No aayonaa no yulloona ittoshich batteyaanoone; ikke amee mooyonona ittoshi toommooch shaagoon tuneyaanoon, xumoonaa areddoonon shuunaabee Yeerichi mishiraachee qaaroon ittoshich gettehone.

1 Tasaloonqi 2:9 ပူးပေါင်းရင်းမြစ်များ

2 Taateenaꞌo 6:2

Yoordaanoos hami, no ikkikkoona aroochee mixon kuxiree, no beeyemmi kexon arooch no haggemmoyich, nooch daaggibe” iyeete. Biyoo, “Hambote” iye.

Nehimi 5:15

Tunebaani tayee aaf beeti showee iraasheenaꞌo asheenaꞌo toommooch mooyon maggiitinaꞌone; maayoonaa woyinee uyoonoyee daakkiꞌi aabbe sheqeelee birewoon deqqii beeheete; boonoshi naayinaꞌoo asheenaꞌo toommooch doonjee beeheete. Tunebaani ta, Yeerin ta shattetoyich, ebiyoommon tuniyaano taane.

Nehimi 5:18

Qemi qemona ikkikke gattoonaa shiritti shiritte awuyi bagoona, aashiri aashire qemonoo baribare wodde woyinee uyo qannii beehe; wotta taach baakkoo qannii beehe. Tunebaani mooyo bulli asheenaꞌon bi maggetoyich, showee iraashoo deqq bede mooyon ciroona boonoshin echaa ariyaano taane.

Shoddo 32:4

Areddoon tuneba xumoon, ne kishoo ta toommooch bi maggetoyich, qaawee gaamoo shuuꞌiiti mooyochoommon, ta hakkoo shoohimiye.

Shoddo 88:1

Taan wodiyechi ta Nuggishoo Doono Yeero, areddoonaa xumoonon ne aafooch cookiyoye.

Shaahiyoo 31:18

Bi giixo gaacecho bi tunoon ariihan; xumoona bi ceechoo tahaache.

Erimiyaasi 9:1

Wuxeeti ta asheenaꞌoyich, xumoonaa areddoonon ta eeppemmoyich, ta qello aacon, ta aafo acimee tunoon tuneshoo geta!

Luqaasi 18:7

Illa Yeeri areddoonaa xumoonon biin qolleebee cookiibeeti bi kaacciti bi aagetoyich nallaachehe? Boonoshin gaacheyaanoon yagehe?

Luqaasi 2:37

Ebiyee gubb, bi eeno shinnaa awudde nato beddimmi wottoon xuumee tunaꞌa beebee geenahan; xumoonaa areddoonon coomoonaa corootoona Yeerichi maddaabee, yaafee kexoochee baraa ariyaaneene.

Mishiraachechinaꞌo 18:3

Biyoo boonoshichoommon duukkaanoon kochii beetone; ebich boonoshina tookkii koteꞌi duukkaanoon kochiibee beehe.

Mishiraachechinaꞌo 20:24

Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

Mishiraachechinaꞌo 20:31

Ebich kasheyaanoon keejje naton xumoonaa areddoonon eeppaabee, ittoshin ta ciicon shalligibee, ittoshi qelloon quyebote.

Roomi 1:1

Keemechinaꞌochi noonoona Yaafe Macaafooch shiichiꞌi gibenikkiti Yeerichi mishiraachee qaaroyich baraꞌa kaacheto, mishiraachecho tunoyich ceekketo, Yesuus Kiristoosichi guuno Phawuloosi taane.

Roomi 15:16

Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

1 Qorontoosi 4:12

No hajjee kishoona shuunaabee maraataabeeto noone; ufenoo diiraabeeto noone; duꞌiitenoo haaꞌiibeeto noone;

1 Qorontoosi 9:15

Tunebaani ebi daaggeenaꞌona ebin cir tuniyaano taane. Andoo ebin ta kooraabeeto, “Eboshi amoyich taach tuneyaacheete?” getoyich toonoone. Ebin tuniyoyee qitoo taach gaawiye. Ta geecoon koniyoona hoxebe getaache.

1 Qorontoosi 9:18

Illa Yeeri taach bi immemmi wojjoo amoone? Ta wojjoo, mishiraachee qaaroon gettiibee kittinneenaꞌona degeyaanoon, ashich mishiraachee qaaroon gatiyoon echeyaanoon ta bechoone.

1 Qorontoosi 9:4

Kittinneenaꞌo immiton mamonaa uyona nooch bachetone?

2 Qorontoosi 11:27

Wodde aayonaa yulloona, wodde wottoon tokketee muccoona, shaacoona, shachewoona, beeho; abete kashoona qeyaa heecheto taane; ta tahemmo aalletaa wodde wottoon aqqoo taan wuxitone.

2 Qorontoosi 11:9

Ittoshina tookkaa ta beetaa taan bi iritiyooba, Makidoonee showoochee waati maneenaꞌo taach shappito bullin deebitinaꞌone; ebich ittoshi daggoochee koni toommoochona shaagoon tuneyaano taane. Mooyo bullina ittoshi toommooch shaagoon ta tuneyaachemmoyich ta qelloon quyeto taane; gubbichoo ta qelloon quyemmo taane.

2 Qorontoosi 6:5

Yexxeto noone; cucheto noone; dofee asheenaꞌo no toommooch caagee boonoshi tiyaa iriteeto noone; shuunoona maraateto noone; tokketoon mucceto noone; shaaceto noone.

Filipphisiyoosi 4:16

Tasaloonqi katemooch beebee ta iriteetaa, taach tunemmi gijjee wojjoon wochii wochii deejjito ittoshine.

1 Tasaloonqi 1:3

Kiristoosi toommooch beeti ittoshi mullee tooꞌiyoon shuunee toommooch ittoshi heechiyoon, shunoochee tiyitona aajjii ittoshi shuunoon, no Doono Yesuus Kiristoosi gibenikkiti gibenoon haaꞌiyoona ittoshi quyonoo no Nuggishoonaa no Nihoona tuneti Yeeri aafooch shalligaabeeto noone.

1 Tasaloonqi 2:2

Ittoshi waan no womoyee shiichaꞌa Filipphisiyoosaa wodde xuuxoon no beegonaa no naakkeyoonon ariibeeto ittoshine; kupphe qiicco no toommooch bi shaggitaanona, Yeeri immiti mishiraachoon ittoshich no gettemmoyich no Nuggishoo no waanee shaton bi wokkiitaa aafoon kuppheto noone.

1 Tasaloonqi 2:6

Kiristoosichi mishiraachecho no tunetoyich, baribare mooyon ittoshi tuniyemmoyich echo nooch hakkee beetone; tunebaani ittoshi waanee tuneba bareenaꞌo waanee tuneba koni waaneenona oogoon qaawaano noone; indee bi hajjee bushoon bi shiimoommon, no wotta ittoshi daggooch no beehooba ittoshin shiimehone.

1 Ximootiyoosi 1:11

Hini gaawe kittinnittinee doyoo bi daneebeeto, galleteya bede Yeeri taach aderoon bi immiti, oogee yiirechi mishiraachee qaaroocheeniye.

1 Ximootiyoosi 4:10

Ebicha getona aajjaa maraataa beeto noone. Ebiyoo asho bullin, beshoonoo Kiristoosichi mishiraachee qaaroon iberii beetinaꞌo bullin, wodiibeeti beeyechi Nuggishoon no gibenaa beetoyichiye.

1 Ximootiyoosi 5:5

Degaalli xuumee tunaꞌa bi ikkeeti beeti maachechi gibeno Yeeri baachiye; ebich xumoonaa areddoonon Yeerin qolloonaa corootoona kupphaa beetine.

2 Ximootiyoosi 1:3

Ta qaabbechinaꞌochoommon axaaxoon tiyaareebeeti xalle mulloona ta goyinnaabeeti Yeerin ne naboyich galletaabee, xumoonaa areddoonon ta qollaa beegaata kuxaanoon neen gabaabeeto taane.