1 Tasaloonqi 2:5 - Kafa Linguistics Project

⁵ Maree yibbaatoon no yibbaatee qayon woyee gijjoon hiriggoona no getti qayon arii beeto ittoshine; ebichoo Yeeri miixoone.

1 Tasaloonqi 2:5 ပူးပေါင်းရင်းမြစ်များ

Iyoobi 16:19

Andolla bi tunetaa, ta miixoo shimaayooch beetone; taach shaxoo neexemmo damba beetone.

Iyoobi 17:5

Gijjoocha iꞌi bi nuuchoon beshii immiibeeti asho, bi bushiishoo aafo daayemmone.

Shaahiyoo 20:19

Guuddii oonnechona aashee mooyo kechiye; ebich yibbaateechii wotteyaani ashi waanee wohe.

Shaahiyoo 26:28

Koottiibeeti heciyoo bi mayiitinaꞌon shixxiye; maree yibbaatoo aalloon deebiye.

Shaahiyoo 28:23

Maanjii beetoyee, ashoon kaaree ciicciibeeto gubbich gaawe aafoona ciichemmone.

Isiyaasi 30:10

Boonoshiyoo yaaꞌee beeggechinaꞌon “Yaaꞌoon beeggaahote” iyeete; keemechinaꞌonoo “Ibere mooyon nooch keemmaahote; kootolla bi tunetaa, noon emirikkiibeeti mooyon baach nooch getote.

Isiyaasi 56:11

Boonoshiyoo bi maataa miyani, woddelle kunaanoomminaꞌone; shalligaalli qiddeenaꞌone; boonoshi kaatti kaatta wottetinaꞌone; bulliyona boonoshi gaacoon qaawiyeete.

Erimiyaasi 6:13

“Girechoochee tiijjii gaannechooch beddaahaa gijjoyich hiriggii beetinaꞌone; keemechoochee tiijjii qeeshooch beddaahaa bulliyona dawushechinaꞌone.

Erimiyaasi 8:10

Girechoochee tiijjii gaannechooch beddaahaa gijjoyich boonoshi hiriggii beetoyich, keemechoochee tiijjii qeeshooch beddaahaa bulliyona dawushoona boonoshi tunii beetoyich, boonoshi mecheenaꞌon bareenaꞌo shaaggemmonaa boonoshi goyoon bareenaꞌo iristo tuniiree hajjemmonoyich immemmo taane.

Mikiyaasi 3:5

Doono Yeeri bi asheenaꞌon muriciibeeti keemechinaꞌochon ishichiye: “Boonoshich maayoon maanjiti ashich, ‘Mooyo diggoone’ getona gibenikkiyeete; boonoshich maanjaani ashi toommooch ginoon awaajjiyeete.

Milikiyaasi 1:10

“Ta deejjee gudooch duube qaaqqoon ittoshi shoohaachemmoyich yaafee kechi shaaqqoon hiccemmi asho ittoshi daggoocheenoo daneba! Ittoshina emiraano taane; deejjoonoo ittoshi kishoochee deꞌaachemmo taane” iye Beshe Mawe Doono Yeeri.

Maatiyoosi 22:16

Boonoshi dabbeenaꞌon Heroodisi asheenaꞌona tookkii Yesuusin boonoshi echemmoyich daachiiheete. Boonoshiyoo hammiꞌi, “Dojjechocho, ibere moochecho ne tunoon, ibere mooyona Yeerichi gommichon ne dojjoon ariibeeto noone. Ashoon giisho, oogoo getaachine; ebich konicholla beshii shappii dabiyaachine.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Mishiraachechinaꞌo 20:33

Ta konichi birewoon woyee aachoon woyee tahoon qaataano taane;

Roomi 1:9

Ta corootaabeeti aabo bullin kuxaanoon ittoshichon Yeerich shalligichaabeeto taane; bi Bushoochi mishiraachee qaaroon getona ceeni mulloona ta maddaabeeti Yeeri ta miixoone.

Roomi 16:18

Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.

Roomi 9:1

Kiristoosina tunaꞌa iberoon gettoye; kootoon yibbaateyaache; ta mullo Yaafe Ayaanoona yaabeeꞌi miixee beetone.

2 Qorontoosi 12:17

Ittoshi waan wochaa ta daachiiti asheenaꞌoochee ikkoonolla ittoshin dawushitote?

2 Qorontoosi 2:17

Yeerichi qaaroon giixeebeeti, bare meeti asheenaꞌoommo toono noone; tunebaani Yeerina wocheeto noone; Kiristoosina tunaꞌa Yeeri aafooch xalle mulloona yibbaataabeeto noone.

2 Qorontoosi 4:2

No, no qelloona yeelliibeeti aashee mooyo bullin shuuneyaachone ito noone; dawushoona shuuneyaachone; Yeerichi qaaroon kootoona baccaachone. Tunebaani iberoon xallayiꞌi getona Yeeri aafooch am shaahe asho gaata no tunoon asho bulli bi mulloona ariyemmoyich tuniihone.

2 Qorontoosi 7:2

Ittoshi mulloon nooch qechibote; koninolla xuꞌaano noone; koninolla gondoon shuuniyaano noone; koninolla dawushaano noone.

Galaati 1:20

Ebi ta kooraa beeti mooyo iberoone; iberoon Yeeri aafooch kootoon yibbaateyaache.

1 Tasaloonqi 2:10

Kittinnoo ittoshi daggooch am shaahe yaafittinoonaa cadiqittinoona, ikke bachaalli beemonoo no beemon ittoshinaa Yeerina miixoo ittoshine.

1 Ximootiyoosi 3:3

masheyaano, damoo gufeyaano, shiimecho, hayeyaano (nabeyaano), gijjoyich dakaano,

1 Ximootiyoosi 3:8

Ebiyoommon wotta daaquuneenaꞌo asho bulli oogii beetinaꞌo, heciyoon shaddaaneenaꞌo, wodde woyinee uyoon wotaaneenaꞌo, gijjoyich dakaaneenaꞌo,

Titoosi 1:7

Hini are kittinnee guuphon yaabii qeejjiibeeti geeno Yeerichi shuunoon kaachi bi shuunemmoyich, gonde mooyona oonneyaano, geecaano, kaatee kaareyaano, masheyaano, damoo gufeyaano, gijjoon hiriggaano tunebe.

1 Pheexiroosi 5:2

Asho bi bagoon bi quyoommon, ittoshi waan beeti Yeerichi asheenaꞌon quyebote. Asho ittoshin shuunebote iꞌi iritiitoyich tuneyaanoon, Yeeri daaggitoommon ittoshi mulloochee tiijji shuniree shuunebote. Gaacoon danoyich hiriggoona tuneyaanoon, deꞌe ittoshi daaggoona quyebote.

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.

Yihudi 1:11

Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.