1 Tasaloonqi 2:16 - Kafa Linguistics Project

¹⁶ Aageteenaꞌo waayeree wodemmi Yeerichi qaaroon no getaachemmoyich bajja qiicceheete. Ebin tuniyoona bulli aaboon boonoshi shuuneebeeti axaaxee toommooch wotta hinin daakkiyeete. And ciiroochaa Yeerichi kaaree shiixxoo boonoshi toommooch shaggitone.

1 Tasaloonqi 2:16 ပူးပေါင်းရင်းမြစ်များ

Halloo 15:16

Ne shiijjereenaꞌo hiniich wotteree boonoshi woyemmo, awuddinnee shiijjeroobaniye. Ebichi wottoon boonoshi yagemmo, hini Amooreenaꞌochi axaaxoo oogichii woddemmi wottooniye” iye.

Isiyaasi 45:22

“Nuggishoo ta baachalli baroo aallo bi tunetoyich, showee tuggo bulliich beetinaꞌote, ta waan wotteree wodibote.

Daaneeli 8:23

“Boonoshi taatittinee ciirooba, asheenaꞌochi axaaxoo oogichi woddemmone; ebiyooba aaf gondoonaa marechona tuneti taatoo taatemmone.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Milikiyaasi 4:5

“Ebiyoche, oogoonaa shattiitona tuneti Doono Yeeri ta aabo waataan beetaa keemechi Eliyaasin ittoshich deejjemmo taane.

Maatiyoosi 12:45

Aroyee gubb, hammiꞌi biyee gonde shabaatte bare yinneenaꞌon kicii dabbii deebiye; boonoshiyoo biinna tookkii arooch giyiꞌi koteheete; are uroyich aafichoyee andi beemo beshoon gondehe. Hini yemeenee gonde shiijjeroyich wotta ebiyoommon tunemmone” iye.

Maatiyoosi 23:32

Ittoshi wotta ittoshi qaabbechinaꞌochi axaaxee xoofooch ceechiyote.

Maatiyoosi 24:14

Ashi yaroo bullich miixoo bi tunemmoyich hini Yeerichi taatittinee mishiraachee qaaro showee toommo bulliich getteyemmone; arooba yemeenee ciiro woyemmone” iye.

Maatiyoosi 24:6

Ginee koyoonaa ginee woroonon waayemmo ittoshine; tunetaa keqqiyaahote. Ebi tuno echeyaachemmone. Tunebaani yemeenee ciiro battiye.

Maatiyoosi 3:12

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

Maariqoosi 16:16

Mulloon ta toommooch tooꞌiiꞌi aacona afaalleemmo wodemmone; tunebaani tooꞌiyaano toommooch nalleyemmone.

Mishiraachechinaꞌo 13:45

Tunetaa hini kiceeti dofee asheenaꞌon Ayihudeenaꞌo beeggiꞌi oogichii qanaateheete; naageebee, “Phawuloosi gettiti qaaro tato toonoone” iyeete.

Mishiraachechinaꞌo 13:50

Tunetaa Ayihudeenaꞌo “Yeerich qeyehone” ii beeti gaannechi genneenaꞌonaa katemeexi ogooge asheenaꞌonon kocciꞌi, Phawuloosinaa Barnabaasinochi toommooch kaaroon tiijjiꞌi, boonoshi showoochee kichiyeete.

Mishiraachechinaꞌo 14:19

Arooba ikkikke Ayihudeenaꞌo Fesidee showooch beeti Antsooki katemoonaa Iqooniyooni katemoonoochee tiyiꞌi, Lisxiri katemooch waaheete; asheenaꞌon kocciꞌi Phawuloosin xaqqoona yexxiyeete. Boonoshich qitito bi shaahaa, katemoyee maach geechii kichii duppiyeete.

Mishiraachechinaꞌo 14:2

Tunebaani ebin qajjiti Ayihudeenaꞌo Aageteenaꞌon kocciꞌi, boonoshi mulloon Yesuusi toommooch tooꞌiiti asheenaꞌon oogichi boonoshi shixxemmoyich tuniiheete.

Mishiraachechinaꞌo 14:5

Arooba Aageteenaꞌonaa Ayihudeenaꞌona boonoshi ukkireenaꞌona tookkii tuneꞌi, Phawuloosinaa Barnabaasinon iritiyoonaa xaqqoona yexonoyich koceeheete.

Mishiraachechinaꞌo 17:13

Tunetaa Tasaloonqa beeti Ayihudeenaꞌo Phawuloosi Beeriya hammiꞌi Yeerichi qaaree geton ariiꞌi, are katemooch wotta hammiꞌi dofee asheenaꞌon shuurikkiyeete.

Mishiraachechinaꞌo 19:9

Tunebaani ikkikkeenaꞌo “Phawuloosi yibbaatoyich deꞌa getaachone” iꞌi dofee ashi aafooch Doono Yesuusichi gommon naageheete. Ebich Phawuloosi boonoshi waanee wokkiꞌi, kittinneenaꞌon ikke badd kichiꞌi, Xiraanoosi goddemmoochaa, qemi qemona yibbaatee beehe.

Mishiraachechinaꞌo 21:21

Boonoshiyoo ‘Phawuloosi Aageteenaꞌo daggooch beeti Ayihudeenaꞌo bullich “Ittoshi bushiishoon dokiriyaahote; no niheenaꞌochi doyoona hammaahote” iꞌi Muusichi Sheeroon boonoshi qajjemmoyich dojjii beetone’ getaa waayetinaꞌone.

Mishiraachechinaꞌo 23:12

Showoo haraa, Ayihudeenaꞌo daggoochee ikkikkeenaꞌo kiceeꞌi, “Hini Phawuloosin wuxaanoon maayoon tuneba uyoon yeshaachone” iꞌi boonoshi kashoona wogeheete.

Mishiraachechinaꞌo 24:9

Ayihudeenaꞌo wotta “Hini mooyo iberoone” iꞌi ceechiyeete.

Mishiraachechinaꞌo 25:2

Aroochaa qeeshee ukkireenaꞌonaa Ayihudee ukkireenaꞌona Phawuloosi toommooch taggoon yaaqqiyeete.

Mishiraachechinaꞌo 25:7

Phawuloosiyoo ceegaa bi waan giddemmona Yerusaalemee waati Ayihudeenaꞌo biin giichiꞌi neexeheete; miixiyoon boonoshi hakkaani meeti magge taggoon yaaqqiyeete.

Mishiraachechinaꞌo 4:12

“Wodoo baroo koni waaneenona daneyaache; noon wodiyoon hakkemmo, asheenaꞌoyich Yeer waanee icheti shigo shimaayoyee desh baroo aalloone” iye.

Mishiraachechinaꞌo 9:23

Meeti areddoyee gubb Ayihudeenaꞌo Sawulin wuxiya echeeheete.

Galaati 5:11

Ta maneenaꞌote! Batt dokireebote iyaꞌa gettaabeeto ta tunegaata, ishigaata and beddaahaa asheenaꞌo taan duꞌii beeto amoyichiye? Ebin ta gettemmo gaata, Kiristoosichi masqalo ashich xugo tuneyaacheshone.

Efesooni 3:13

Ebich ittoshicha iyaꞌa ta beeggaabeeti iritoona taahiyaahote iyaꞌa ittoshin qollaabeeto taane; ebiyoo Yeerichi oogee yiiroochee ittoshi qoodeyemmi gibenoone.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.

2 Tasaloonqi 2:10

Ebiyoommon wotta, boonoshi wodemmi iberee qaaroon shunniꞌi deꞌon qayona aallemminaꞌon dachemmi baribare gonde shuunoon shuunoonane.

Hibireena'o 6:8

tunebaani angixonaa guccinonon bi colliigaata, gaacaalleene; Yeerina uppeyaniye bi ii beeto; ciiroochaanoo qaaqqoona miccemmine.

Yaaꞌoo 22:11

Hukkecho hukkoon andoo shuune beebe; tiyaariibeeti shuunoon shuuneebeeto andoo shuune beebe; cadiqe asho andoo cadiqee shuunoon shuune beebe; yaafoo andoo bi yaafittinoona beebe” iye.