1 Tasaloonqi 2:13 - Kafa Linguistics Project

¹³ Wotta kuxaanoon Yeerin no galletaabeeti bare mooyo beete: No waanee ittoshi waayeti Yeerichi qaaroon ittoshi iberiihooba, ittoshi mulloon Yesuusi toommooch tooꞌiiti ittoshi waanaa shuuneebeeti ebi qaaroon ittoshi iberiito, Yeerichi qaaroommonalli ashi qaaroommon toonoone; iberoochaa Yeerichi qaaroone.

1 Tasaloonqi 2:13 ပူးပေါင်းရင်းမြစ်များ

Erimiyaasi 44:16

“Doono Yeeri shigoona nooch ne getteti qaaroon waayeyaachone.

Haagi 1:12

Aroochee Shelateeli bushoo Zerubabeelinaa Yehotsedeeqichi bushoo, qeeshee guudo Yaasina echeti curo bullina tookkii boonoshi Nuggishoo Doono Yeerichi qaaroon, wotta boonoshi Nuggishoo Doono Yeeri biin bi wochetoyich, keemechi Haagichi qaaroonoo waayeheete. Asheenaꞌoo Doono Yeerin shattiyeete.

Maatiyoosi 10:20

Ittoshina tuneree gettemmo ittoshi Nihoo Yeerichi Ayaanoani ittoshi toonoone.

Maatiyoosi 10:40

“Ittoshin shunniibeeto taan shunnii beetone; taanoo shunniibeeto taan deejjiti Yeerin shunnii beetone.

Luqaasi 11:28

Tunebaani Yesuusi “Beshoon diireetinaꞌo Yeerichi qaaroon waayeꞌi ceechii beetinaꞌone” iye.

Luqaasi 5:1

Ikke areddoon Yesuusi Genshareexee baharee gashooch neexee beehe; ebi baharee gashooch beeti gutte gishiishi markabeenaꞌon beeggiye. Haashe yesheenaꞌoo aroochee kindiꞌi boonoshi haashe yeshe dabboon aacona machii beeheete. Arooba arooch wotta dofee asheenaꞌo Yeerichi qaaroon waayoyich Yesuusin guuddiꞌi xuꞌee beeheete.

Luqaasi 8:11

Yesuusi daakkiꞌi ishichiye: “Yaree shookkechochi shaahiyoo ebine: Yaroo Yeerichi qaaroone.

Luqaasi 8:21

Yesuusiyoo wochiꞌi, “Ta indeenaa ta maneenaꞌona Yeerichi qaaroon waayeꞌi ceechii beetinaꞌone” iye.

Yowannisi 15:3

Ittoshich ta getteti qaaroona and xalleto ittoshine.

Yowannisi 17:17

Ne iberoona boonoshin yaafibe; ne qaaro iberoone.

Yowannisi 17:19

Boonoshiyoo wotta iberittinoona yaafeetinaꞌo boonoshi tunemmoyich ta boonoshicha iyaꞌa ta qelloon neech yaafito taane.

Mishiraachechinaꞌo 10:33

Ebich bekkech ashoon ne waan wochehoye; andoo ne womo gaawetone. Illa Doono neech gettito bullin ne waanee waayoyich no bulli ebiyoche, Yeeri aafooch kiceeto noone” iye.

Mishiraachechinaꞌo 13:48

Aageteenaꞌo ishin waayeꞌi, emiriibee Doono Yeerichi qaaroon oogiiheete. Yeeri bulli yemeenee kashoon boonoshi danemmoyich, bi kaaccitinaꞌo bulli boonoshi mulloon Yesuusi toommooch tooꞌiiheete.

Mishiraachechinaꞌo 16:14

Kiceeꞌi waayeebeeti genneenaꞌo daggooch Liidi getteebeeti, Yeerich qeyaabeeti ikke ure beehan. Biyoo Tiyaxirooni katemoochee waaꞌa, aaxxe gatiyechi damere qoreddoon giixaa beetine. Arooba Phawuloosi gettii beeton manjiiree bi ellemmoyich, Yeeri bi mulloon qechiye.

Mishiraachechinaꞌo 17:11

Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete.

Mishiraachechinaꞌo 17:32

Phawuloosi “Qititinaꞌo tiyemminaꞌone” iꞌi bi getaa, waayetinaꞌo daggoochee qatinaꞌo cooneheete; wotta qatinaꞌo “Hini mooyon wochiree ne getaa waayebone” iyeete.

Mishiraachechinaꞌo 2:41

Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.

Mishiraachechinaꞌo 8:14

Arooba Yerusaalem beeti mishiraachechinaꞌo Shamaaree asheenaꞌo Yeerichi qaaroyich deꞌa geton waayeꞌi, Pheexiroosinaa Yowannisinon boonoshi waan daachiiheete.

Roomi 10:17

Illa Kiristoosi toommooch mullee tooꞌiyoo daneebeeto, Kiristoosichon getaa waayoonane.

2 Qorontoosi 3:18

Ebich no bulli kaappeyaani baroona Doonochi oogee yiiroon heeraawoochoommon wacciibeeto noone; hini oogee yiiroo Ayaano tuneti Doono waanee bi waa beetoyich, Doonochi malletoon no shaahemmoyich, oogee yiiroochee beshe oogee yiirooch noon shaddii beetone.

Galaati 4:14

Ta biiyo ittoshin oogeton iritiito bi tunetaanoona, taan hoxee tiyaareyaano ittoshine; tunebaani Yeerichi maraakoon iibbiyoommon, ebiyeenolla Kiristoos Yesuusin iibbiyoommoniye ittoshi iibbiito.

Qolaasiyaasi 1:6

Ebi mishiraachoo ittoshi waan shagaa, Yeerichi wojjee iberoon waayeꞌi gaawichii ittoshi ariiti aaboochee tiijjiꞌi ittoshi daggooch bi tuniitoommon, wotta ebiyoommon alemo bulliich aafoon aafee beetone; gaminniinoo beetone.

Hibireena'o 4:12

Yeerichi qaaro beeyechonaa shuunee beetonane; gutte baddaa gayireeti goraadoyee beshe acone; kashoonaa ayaanoonochi daggooch, achee quumee kocoonaa haashoonochi daggooch hottii giyiꞌi, boonoshi barbarimmi wottoon kochii beetone; mullee gaboonaa qaatoonon gaxxii barbariiꞌi nallii beetone.

Hibireena'o 4:2

Israꞌeeleenaꞌo barahooch boonoshi beehooba mishiraachee qaaro boonoshich getteetoommon, noochoo getteetone; tunebaani Yeeri toommooch mulloon tooꞌiyaaneenaꞌo boonoshi tunetoyich, boonoshi waayeti qaaro amoonolla boonoshich gaacaanoone.

Yaaqobi 1:18

Bi hallitinaꞌo daggooch qaabboo no tunemmoyich, bi hajjee daaggoona iberee qaaroona noon shiyihe.

1 Pheexiroosi 1:25

Tunetaa Doono Yeerichi qaaro bulli yemeenoon beetone.” Ittoshichoo mishiraachee qaaroochaa getteeti wocho ebine.

1 Pheexiroosi 2:2

Wodooch ittoshi diccemmoyich, and shiijjeti gaggere bushiisheenaꞌo ejjoon qaatoommon, ittoshi wotta xalloo tuneti Yeerichi qaaree ejjoon qaatibote.

1 Yowannisi 3:3

Illa Kiristoosina ebi gibenoon geddiibeeto bulli, Kiristoosi xalloo bi tunoommon bi qelloon xallii beetone.