1 Tasaloonqi 2:11 - Kafa Linguistics Project

^11-12 Bi taatittinoonaa bi oogee yiiroonoochee ittoshi qoodeyemmoyich ittoshin ceeggiti Yeerin emirikkiibeeti beemona ittoshi beeyemmoyich, ittoshin ciiccaabee, kupphiibee, xalla gettaabee, nihoo bi bushiishoyich tunii beetoommon, ittoshi ikkikkoyich no tuniyoon ariibeeto ittoshine.

1 Tasaloonqi 2:11 ပူးပေါင်းရင်းမြစ်များ

1 Kiinoo 28:20

Aroochee Daawiti bi bushoo Solomoonich ishichiye: “Illa kupphebe; maaci kuxo tunebe; shuunoonoo wonnibe; ta Nuggishoo Doono Yeeri neenna tookkii bi tunetoyich shattaahine; keqqiyaahine. Biyoo ebi yaafee kechi shuunoo ciiremmi wottoon neen qayaachemmone; neen dufaachemmone.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

Shoddo 34:11

Ta bushiisheenaꞌote, waaree ta waanee ellebote; Doono Yeerin shaton ittoshich dojjemmo taane.

Shaahiyoo 1:10

Ta bushoocho, axaaxechinaꞌo neen dawushigaata, deꞌa gettaahine.

Shaahiyoo 1:15

ta bushoocho, boonoshina tookki gommona hammaahine; boonoshi gommoochee wohe.

Shaahiyoo 2:1

Ta bushoocho, ta qaaroon waayebe; ta getoonoo ne mullooch kotiibe;

Shaahiyoo 3:1

Ta bushoocho, ta dojjaa beeton batteyaahine; ta geteenaꞌon ne mullooch yeshe.

Shaahiyoo 6:1

Ta bushoocho, ne giyoyich buushaaroo ne tunegaata, dallaawe ashich, kishoon tappaꞌa ne wogegaata,

Shaahiyoo 7:1

Ta bushoocho, ta qaaroon waayebe; ta geteenaꞌonoo ne mullooch kotiibe.

Shaahiyoo 7:24

And illa ta bushiisheenaꞌote, ta waanee ellebote; ta noonoochee kechiibeeti qaaroon gaawichi waayebote.

Haddoo 27:19

Biinoo qeeshoo Elazaarinaa iitoo bullinochi aafooch neechibe. Boonoshi ciini beetaa biin ukkiriibe.

Luqaasi 16:28

uuche ta maneenaꞌo beetinaꞌone. Boonoshi wotta hini xuuxee xaaꞌooch boonoshi waataachemmoyich, Alazaari hamiree boonoshich gete’ iye.

Mishiraachechinaꞌo 20:2

Are showoona hammiibee, kittinneenaꞌon wodde qaaroona ciicciibee, besheꞌi Giriikee showooch shaggiye.

Efesooni 4:17

Illa Aageteenaꞌo duubeti gaboona boonoshi beemoommon, ebiyee bekk ittoshiyoo ebiyoommon duubeti gaboona ittoshi beetaachemmoyich Doono Yesuusina ittoshin manjii ciiccaabeeto taane.

Yibbaatoo 3:28

Ebi ne beeggeti showoon boonoshi woraashemmoyich, Israꞌeeleenaꞌo aafooch shiichiree Yoordaanoosin boonoshi kimmemmoyich tuniyemmo Yaasine. Ebich bi kupphemmonaa bi manjemmonoyich biin gaachebe. Bi tuniyemmi mooyonoo biich gete’ iye.

Yibbaatoo 31:14

Doono Yeeri Muusich ishichiye: “Ebiyoche, ne qitemmi aabo katinnitone. Yaasin Israꞌeeleenaꞌo toommooch ta iraashiyemmoyich, biin ceegiree danee duukkaanooch wobote” iye. Muusinaa Yaasina danee duukkaanooch hammiyeete.

1 Tasaloonqi 4:1

Illa ciiroochaa no maneenaꞌote! Yeerin emirikkoyich gaawe qocoona ittoshi beemo ittoshi tuniiya bede mooyo bi tunoon ittoshich no dojjaa waayeto ittoshine; andoo ebiyoommi gaawe qocoona beeto ittoshine; tunebaani wotta ebiyee beshoon ittoshi tuniyemmoyich no Doono Yesuusina ittoshin qollaabeeto noone; ciiccaanoo beeto noone.

1 Tasaloonqi 4:6

wotta shiichaꞌa ittoshich manjii gettaa no shalligichitoommon, ebi mooyo bullin Doono Yeeri wochi gaaccemmo bi tunetoyich, koniyoona ebi mooyon shaaddaaye; biinoommi bi manoonoo xuqqaaye.

1 Tasaloonqi 5:11

Ebich and ittoshi wotta tunii beetoommon, ittoshinaa ittoshina ikkoo baroon goggiibe; ikkoo baroon eenniibe.

1 Tasaloonqi 5:14

Wotta no maneenaꞌote! Ittoshin ciiccaabeeto noone; shuuna biisheenaꞌon kaare ciicote; aafi shateenaꞌon kupphiibote; kuppheyaaneenaꞌon gaachebote; asho bullin haaꞌiibote.

2 Tasaloonqi 2:5

Ittoshina tookkaa ta beehooba, ebi mooyo tunemmo bi tunoon ittoshich ta geton shalligaachote?

2 Tasaloonqi 3:12

Eboshiyoommi asheenaꞌo yiti shuuneree boonoshi hajjee koshon boonoshi maayemmoyich, no Doono Yesuus Kiristoosichi yakkirecho tunaꞌa gettaabeeto noone; manjiiꞌaanoo ciiccaabeeto noone.

1 Ximootiyoosi 5:21

“Hini ta getteti mooyinaꞌo daggoochee ikke mooyonona ikke badd dabiyaanoon, tachi nallibee quyebe” iyaꞌa Yeeri aafoochaa, Doono Kiristoos Yesuusinaa Yeeri kaacciti maraakeenaꞌonochi aafoochaanoo hini mooyon neech adereto taane.

1 Ximootiyoosi 5:7

Oonneyaanoon boonoshi beeyemmoyich, ebin boonoshich gete.

1 Ximootiyoosi 6:13

Bulli mooyoyich kashoon immiibeeti Yeeri aafooch, Fantoosechi Phelaaxoosi aafoochaa iberoon miixeti Kiristoos Yesuusi aafooch,

1 Ximootiyoosi 6:17

And hini yemeeneexi gaannechi kittinneenaꞌoyich ishichibe: “Qelloon yeepphaahote; bulli mooyon nooch ceechiꞌi bi imaa, ebina no emiremmoyich tuniibeeti Yeerin gibenebotalli, gibeneyaani gaannoon gibeniyaahote.

1 Ximootiyoosi 6:2

Kittinneenaꞌo tuneti doonjechi guuninaꞌo, are dooninaꞌo boonoshich kittinnee maneenaꞌo boonoshi tunetoyich hoxaayeete; tunebaani boonoshi shuunoona gaacheebeeti boonoshi dooninaꞌo kittinneenaꞌonaa shuchetinaꞌona boonoshi tunetoyich, aafichoyee beshiiree maddebeete. And neech ta gettaabeeti mooyinaꞌon kaachi dojjibee ciice.

Titoosi 2:15

Illa ebi mooyinaꞌon dojjibe; ceeni hakkoona ciici ittibatebe; koniyoona neen hoxaaye.

Titoosi 2:6

Gurimaashe anaaminaꞌo ebiyoommon boonoshi qellee ariyechinaꞌo boonoshi tunemmoyich ciice.

Titoosi 2:9

Boonoshi mulloon Kiristoosi toommooch tooꞌiiti guuninaꞌo noon Wodiyechi Yeerichi doyoon bulli gommona galletiyoyich, boonoshi dooninaꞌoyich deꞌa boonoshi gettemmoyich, amee gommonolla boonoshin boonoshi emirikkemmoyich, boonoshich gonde noonoon wochaanoon, gaayaanoon, bulli gommona gibeneetinaꞌo tunoon boonoshi bekkiyemmoyich ciice.

Hibireena'o 13:22

Ta maneenaꞌote! Ebin qaminona ittoshich koorito taane. Ebich ebi ta ciicoon haaꞌiyoona ittoshi waayemmoyich ittoshin qollaabeeto taane.

3 Yowannisi 1:4

Ta bushiisheenaꞌo iberoona boonoshi shaꞌoon waayoyee beshe emiroo taach aalloone.