1 Tasaloonqi 1:7 - Kafa Linguistics Project

⁷ ebich Makidoonee showoonaa Akaayee showoonooch beeti kittinneenaꞌo bullich gaawe shaahiyoo tuneto ittoshine.

1 Tasaloonqi 1:7 ပူးပေါင်းရင်းမြစ်များ

Mishiraachechinaꞌo 1:13

Katemooch shaggiꞌi, boonoshi beeti, kechi toommeexi kexooch kechiyeete. Boonoshiyoo Pheexiroosi, Yowannisi, Yaaqobi, Indiriyaasi, Filipphoosi, Toomaasi, Baritelemoosi, Maatiyoosi, Ilfiyoosichi bushoo Yaaqobi, bi aagetoyich qanaatechi Simooni, Yaaqobichi bushoo Yihudi, eboshine.

Mishiraachechinaꞌo 16:12

Aroochee Filipphisiyoosi katemooch shaggehon; Filipphisiyoosi, Makidoonee showeexi katemeenaꞌo bulliichee oogeti katemoone; aroo Roomee waati asheenaꞌo kishooch beeti katemoone. Are katemooch giisheche aaboon kotehon.

Mishiraachechinaꞌo 18:1

Ebiyee gubb, Phawuloosi Ateeni katemoochee kechiꞌi Qorontoos hammiye.

Mishiraachechinaꞌo 18:12

Arooba Gaaliyoosi Akaayee showee iraashoo tuneꞌi bi beetaa, Ayihudeenaꞌo ikkotteꞌi waa Phawuloosin yechiyeete. Nallee gabberooch koteti nallechinaꞌo waan daammiyeete.

Mishiraachechinaꞌo 19:21

Ebi bulli tunetoyee gubb, Phawuloosi Makidoonee showoonaa Akaayee showoonon besheꞌi Yerusaalem hamoyich gabiye. “Arooch ta shaggetoyee gubb, Room wotta hamo taach qaawiihe” iye.

Roomi 15:26

Makidooninaa Akaayee showoonooch beeti kittinneenaꞌo Yerusaalem beeti, yaafeenaꞌochi daggooch beeti girechinaꞌon degoyich shunnitinaꞌone.

2 Qorontoosi 1:1

Yeerichi daaggoona Kiristoos Yesuusichi mishiraachecho tuneti Phawuloosinaa no manoo Ximootiyoosina waanee, Qorontoosi kittinnee guuphonaa Akaayee showoo bulliich beeti yaafeenaꞌonoyich:

2 Qorontoosi 9:2

Ebiyoo, gaawe ittoshi daaggoona degoyich qannito ittoshi tunoon ta arii beetoyichiye. “Akaayee showooch beeti kittinneenaꞌo aannooba tiijjiꞌi degoyich qannitinaꞌone” iyaꞌa Makidoonee showooch beeti kittinneenaꞌoyich ittoshichon geecoona getteto taane. Degoyich ittoshich beeti qanaato meetinaꞌo wotta degoyich boonoshi tiyemmoyich tuniitone.

1 Tasaloonqi 1:8

Doono Yesuusichi mishiraachee qaaro ittoshi waanee tiyiꞌi bi shaggito, Makidoonee showoonaa Akaayee showoonooch baach tuneyaanoon, Yeeri toommooch ittoshi mullee tooꞌiyoo bi waayeeto bulli xaaꞌooch beeti asheenaꞌoyichiye. Ebich ittoshichon no gettemmi bare mooyo amolla aalloone.

1 Tasaloonqi 4:10

Ebiyoommon Makidoonee showoo bulliich beeti kittinnee maneenaꞌon shunniibeeto ittoshine. Illa ta maneenaꞌote! Ittoshin no qollaabeeto, aafichoyee beshoon ebin ittoshi tuniyemmonaa

1 Ximootiyoosi 4:12

Koniyoona ne bushittinoon hoxaaye; ne yibbaatoonaa ne qocoona, ashoon ne shunonaa Kiristoosi toommooch ne mullee tooꞌiyoona, ne xallittinoonoo, boonoshi mulloon Kiristoosi toommooch tooꞌii beetinaꞌoyich gaawe shaahiyoon tunebe.

Titoosi 2:7

No doyoon shixxiibeeti asho no shigoon bi gondiyemmi mooyon mucceree bi yeellemmoyich, bulli gommona gaaweton shuunebee deꞌe mooyon bekkiyecho tunebe. Ne dojjaabeeti doyoona deꞌe moochecho, asho bullina naadeeto, koniyoona oonon hakkaani iiwe yibbaatecho ne tunoon bekkiibe.

1 Pheexiroosi 5:3

Kittinnee guuphinaꞌoyich gaawe shaahiyoon tuneree bekkebotalli, boonoshin giidoona hajjiyaahote.