1 Tasaloonqi 1:6 - Kafa Linguistics Project

⁶ Wotta wodde iritoo ittoshi toommooch bi shaggitaanona, Yaafe Ayaano ittoshich immiti emiroona mishiraachee qaaroon iberiiꞌi, noonnaa Doono Yesuus Kiristoosinochi qocoon dabbito ittoshine;

1 Tasaloonqi 1:6 ပူးပေါင်းရင်းမြစ်များ

Hosee'i 2:14

“Ebich areen dachiree barahooch daammemmo taane; maanjoona biin yibbaatiyemmo taane.

Maatiyoosi 16:24

Arooba wotta Yesuusi daakkiꞌi bi dabbeenaꞌoyich ishichiye: “Bi kasheen wodiyoyich qaawiibeeto bulli muccemmone; tunebaani taacha iꞌi bi kasheen mucceebeeto bulli danemmone. Taan dabboon shunniibeeto koniyoona bi tunegaata, bi qelloon nookkebe; bi masqaloon shaagiree taan dabbibe.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

Mishiraachechinaꞌo 13:52

Arooba Yesuusichi dabbeenaꞌo oogichii emiriyeete; Yaafe Ayaanoonoo ceenniyeete.

Mishiraachechinaꞌo 5:41

Ebich mishiraachechinaꞌo Yesuusichi shigoyich hoxeyoyich bedditinaꞌo tuneꞌi boonoshi haddeetoyich emiriibee Ayihudee nallechinaꞌo aafoochee kechiyeete.

Mishiraachechinaꞌo 9:31

Arooba Yihudee showoo, Galiilee showoonaa Shamaaree showoo bullinooch beeti kittinnee guuphinaꞌo shatoochee kasheheete, manjiyeete; Doonoyichoo hajjeebee Yaafe Ayaanoona goggeebee qeyii qeyii meettiyeete.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

1 Qorontoosi 11:1

Kiristoosichi qocoon ta dabboommon, ittoshi wotta ta qocoon dabbibote.

1 Qorontoosi 11:2

Bulli mooyona taan ittoshi gabii beetoyich, wotta ittoshich ta immeti doyoon manjiiꞌi ittoshi yechii beetoyich, ittoshin galletaabeeto taane.

1 Qorontoosi 4:16

Ebich “Taan shaahibote” iyaꞌa ittoshin qollaabeeto taane.

2 Qorontoosi 6:10

Ayinikkiti mooyo no toommooch bi shaggitaa, bulli aaboon emiriyone; girecho no tunetaa, meetinaꞌon gaannecho tuniihone; amolla nooch aallo bi tunetaa, bulli mooyo noochone.

2 Qorontoosi 8:5

No gabitoyee beshooniye boonoshi tuniito; bulliyee shiichiꞌi boonoshi qelloon Doono Yesuus Kiristoosich beshii immiyeete; daakkiꞌi wotta Yeerichi daaggoommon boonoshi qelloon beshiiꞌi nooch immitinaꞌone.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Efesooni 5:1

Illa shucheti bushiishoochoommon Yeerin shaahiibeeto tunebote.

Filipphisiyoosi 3:17

Ta maneenaꞌote! Taan shaahii beeton tunebote. No tuniyaabeeti gaawe shaahiyoon dabbii beetinaꞌon ciinote.

2 Tasaloonqi 1:4

Ebich ittoshi toommooch shaggiibeeti duꞌoonaa xuuxoonon haaꞌiibee, and beddaahaa Yeeri toommooch mulloon tooꞌiyoona ittoshi manjii beetoyich Yeerichi kittinnee guuphinaꞌo daggooch no qelloona no, ittoshichon geecoona yibbaataabeeto noone.

2 Tasaloonqi 3:7

Ittoshina tookkaa no beehooba, shuuna biisho toono noone. Ebich noon shaahoo ittoshich bede mooyo bi tunoon ittoshi qelloona ariibeeto ittoshine.

2 Tasaloonqi 3:9

Ebin no tuniito, no shaahiyoon ittoshi dabbemmoyichalli, nooch qaawiibeeti mooyon ittoshi waanee danoyich aalloo nooch aalletaa toonoone.

2 Ximootiyoosi 4:2

Yeerichi qaaroon awaajjibe; yemeeno mashaamitaa, mashaamoo bi qajjitaa, kuppheree ebin tuniibe; ittibatebee, kaare ciicibeeshoo, oogeti haaꞌiyoona dojjibe.

Hibireena'o 10:34

Qoppeenaꞌoyich ariqqehote; bulli yemeenoon beeyemmi beshe gaanno ittoshich beemon ariiꞌi, ittoshi hajjito bullin bareenaꞌo bogaa cikkii emiroona ciinniyote.

1 Pheexiroosi 1:6

And asheenaꞌo baribare gommona ittoshin boonoshi xuuxii beetoyich, giisheche aaboyich baach ayiniibeeto ittoshi tunetaanona, ebich oogeton emiribote.

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

1 Pheexiroosi 3:13

Deꞌe shuunoon shuunoyich ittoshi qiiccegaata, ittoshi toommooch gondoon hallemmo konine?

3 Yowannisi 1:11

Ta shunechocho! Deꞌeenaꞌon shaahiballi gondeenaꞌon shaahiyaahine. Deꞌoon shuuneebeeto Yeer magechone; gondoon shuuneebeeto Yeerin beegaanoone.