1 Tasaloonqi 1:5 - Kafa Linguistics Project

⁵ Ittoshi waan no waahooba mishiraachee qaaroon ittoshich no getteto, xiishaꞌa no iberiyoon bekkiyoonaa Yaafe Ayaanee giidoona no shuunoonalli, noonoona baach toonoone. Ittoshina tookkaa no beehooba, ittoshich gabaabee aabichaꞌa no beeto gaata ariibeeto ittoshine.

1 Tasaloonqi 1:5 ပူးပေါင်းရင်းမြစ်များ

Isiyaasi 55:11

ta noonoochee kechiibeeti qaaroo ebiyoommone; shokkoon ta waan wotteyaachemmone; ta gaboon tuniyemmone; ta wochoonoo ceechemmone.

Maariqoosi 16:20

Boonoshiyoo kechii bulli xaaꞌooch hammiꞌi Yesuusichi wochoon gettiyeete. Hammii boonoshi beetaa, Doono boonoshin gaachee beehe; bi immiibeeti malletoona boonoshi gettiibeeti qaaroon manjii beehe.]

Luqaasi 1:1

Iraano Teefilooso, batti batt boonoshi hajjee aafoona hini mooyinaꞌon beeggiꞌi mishiraachee qaaroon gettechinaꞌo nooch boonoshi arichiitoommon, ebiyee aaf no daggooch tuneti mooyon meetinaꞌo yaari yaaroona koorooch giyitinaꞌone.

Mishiraachechinaꞌo 11:21

Doono boonoshina tookkii tuneꞌi bi giidoona boonoshin gaachehe; arooba meeti asheenaꞌo boonoshi mulloon Yesuusi toommooch tooꞌiiꞌi Doono waan wotteheete.

Mishiraachechinaꞌo 16:14

Kiceeꞌi waayeebeeti genneenaꞌo daggooch Liidi getteebeeti, Yeerich qeyaabeeti ikke ure beehan. Biyoo Tiyaxirooni katemoochee waaꞌa, aaxxe gatiyechi damere qoreddoon giixaa beetine. Arooba Phawuloosi gettii beeton manjiiree bi ellemmoyich, Yeeri bi mulloon qechiye.

Mishiraachechinaꞌo 2:33

Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye.

Roomi 1:16

Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

Roomi 2:16

Ebiyoo tunemmo, mishiraachoona ta arichiitoommon Yeeri Kiristoos Yesuus waanaa ashi mullooch aacheeti gabee toommooch bi nallemmi aaboobane.

1 Qorontoosi 1:24

Tunebaani Yeeri ceeggitinaꞌoyich, Ayihudeenaꞌo tunebeeta Giriikeenaꞌo, Kiristoosi Yeerichi giidoonaa Yeerichi shalligoonane.

1 Qorontoosi 3:16

Ittoshi Yeerichi yaafee kexo ittoshi tunoonaa Yeerichi Yaafe Ayaano ittoshi mullooch bi beemonon ariyaachote?

1 Qorontoosi 3:6

Yaroon ta shookketaa, aacon Aphiloosi kittii bi uchitaa, shookketi yaroon colliiꞌi kaama eenniito Yeerine.

1 Qorontoosi 9:14

Ebiyoommon wotta “Mishiraachee qaaree ceegoon ashich bechii beetinaꞌo are mishiraachee qaaree gommoochee shohoon danebeete” iꞌi Doono Yesuusi sheeroon neechitone.

2 Qorontoosi 3:6

Biyoo Yaafe Ayaanoonalli kooreeti sheeroona tuneyaani andire wogee maddecho no tunemmoyich noon bedditon tuniihe. Kooreeti sheeroo wuxiye; tunebaani Yaafe Ayaano kashoon immiye.

Galaati 2:2

Yeeri taach bi bekkiitoommon arooch hammeho; tuniiya ta gabaabeeto woyee ta tuniito aafaallo tuneree bi echeyaachemmoyich, Aageteenaꞌo daggooch ta gettaabeeti mishiraachee qaaroon kittinnee guuphinaꞌon yaabii beetinaꞌoyich badd arichiihoye.

Galaati 5:5

No, Yaafe Ayaano immiibeeti giidoona no mulloon Yesuus Kiristoosi toommooch tooꞌiibee Yeeri nooch gibenikkiti cadiqoon quyaabeeto noone.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Efesooni 3:20

Illa noonna bi shuuneebeeti bi giidoommon no qollaa beetoyee woyee no gabaabeeto bulliyee beshaa beshiiꞌi tuniyoon hakkiibeeti Yeerich,

Filipphisiyoosi 4:9

Ittoshich ta dojjitonaa ittoshich beshii ta immetonon, ittoshi waayeti ta qaaroon, ittoshi beeggiti ta shuunoon, eboshi bullin shuunee toommooch heechiibote. Arooboo diggee Nuggishoo ittoshina tookki tunemmone.

Qolaasiyaasi 2:2

Ta qiiccaabeeto, boonoshi mullo kupphemmonaa shunoona boonoshi ikkottemmonoyich, ceeni shalligoon daneree Yeerichi maacee mooyo tuneti Kiristoosin boonoshi ariyemmoyichiye.

1 Tasaloonqi 2:13

Wotta kuxaanoon Yeerin no galletaabeeti bare mooyo beete: No waanee ittoshi waayeti Yeerichi qaaroon ittoshi iberiihooba, ittoshi mulloon Yesuusi toommooch tooꞌiiti ittoshi waanaa shuuneebeeti ebi qaaroon ittoshi iberiito, Yeerichi qaaroommonalli ashi qaaroommon toonoone; iberoochaa Yeerichi qaaroone.

2 Tasaloonqi 2:14

Yeeri no Doono Yesuus Kiristoosichi oogee yiiroochee ittoshi qoodeyemmoyich, no getteti mishiraachee qaaroona ittoshin ceeggitone.

2 Ximootiyoosi 2:10

Ebiyeenoo Kiristoos Yesuusi waanee wodoonaa bulli yemeenee oogee yiiroonon boonoshi danemmoyich kaachetinaꞌoyicha iyaꞌa hini xuuxo bullin haaꞌiibeeto taane.

2 Ximootiyoosi 2:8

Mishiraachee qaaroona ta gettaa beetoommon, qitoochee tiyiti, Daawiti yaroochee shiijjeti Yesuus Kiristoosin shalligibe.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Hibireena'o 6:11

Kiristoosi toommooch mullee tooꞌiyoonaa haaꞌiyoona Yeeri gibenikkiti mooyon woraashii beetinaꞌoommon ittoshi tunemmoyichalli, beenechinaꞌo ittoshi tunemmoyich ta qaatoo toonoone; are gibeno ceennimmi wottoon ittoshi ikkikkoo ebiyee aaf ittoshi kupphetoommon, ciirooch beddaahaa ittoshi kupphemmoyich qaataabeeto taane.

1 Pheexiroosi 1:12

Are keemechinaꞌo boonoshi gettiti wochoona boonoshi maddeto, ittoshichalli, boonoshich tunee qayo boonoshich bekkehe; wotta shimaayoochee wochetaa waati Yaafe Ayaanee giidoona mishiraachee qaaroon ittoshich miixeti asheenaꞌo and are wochoon ittoshich gettitinaꞌone. Maraakeenaꞌolla ebi mooyon maqqiꞌi ariyoyich qaatii beetinaꞌone.

1 Pheexiroosi 1:3

No Doono Yesuus Kiristoosichi Nuggishoonaa Nihoona tuneti Yeeri galleteebe. Yesuus Kiristoosi qitoochee timona, gibenoona ceenniti kasho nooch bi beeyemmoyich, bi maaree beshoona guttinnoon no shiijjemmoyich tuniitone.

1 Pheexiroosi 5:3

Kittinnee guuphinaꞌoyich gaawe shaahiyoon tuneree bekkebotalli, boonoshin giidoona hajjiyaahote.

2 Pheexiroosi 1:10

Ebich ta maneenaꞌote! Ittoshi ceekkoonaa kaachoonon manjiyoyich, aafichoyee beshoon kupphebote. Ebi mooyinaꞌon ittoshi tuniigaata, ittoshin tephi dichemmi mooyo ciroona aalloone.

2 Pheexiroosi 1:19

Ebich keemechinaꞌo keemmiti qaaroon beshoon xiishaꞌa iberiibeeto noone; showoo harimmi wottoon haree xojjeno aaxxoommon Kiristoosichi bekko ittoshi mullooch bi aaxxemmi wottoon, asho mandere xaaꞌooch aaxxeebeeti ceechoon bi yeshoommon hini keemee qaaroon ittoshi yeshigaata, ittoshich gaaweto tunemmone.