1 Tasaloonqi 1:1 - Kafa Linguistics Project

¹ Phawuloosi, Sillaasinaa Ximootiyoosina waanee, Nihoo Yeerichonaa Doono Yesuus Kiristoosichona tuneti, Tasaloonqi kittinnee guuphoyich: Yeerichi wojjoonaa diggoona ittoshich tunebe.

1 Tasaloonqi 1:1 ပူးပေါင်းရင်းမြစ်များ

Mishiraachechinaꞌo 15:22

Ebiyee gubb, mishiraachechinaꞌonaa geeneenaꞌona kittinnee guuphi asheenaꞌo bullina tookkii tuneꞌi, boonoshi kaacciti asheenaꞌon Phawuloosinaa Barnabaasina tookkii Sooriyee showooch beeti Antsooka daachiyoyich gabiyeete. Ebich kittinnee maneenaꞌo daggoochee geeno tuneti, Barisiyaani getteebeeti Yihudinaa Sillaasinon kaacciyeete.

Mishiraachechinaꞌo 15:27

Hini koorichooch kooreeton boonoshi noonoona ittoshich boonoshi gettemmoyich, Yihudinaa Sillaasinon daachiito noone.

Mishiraachechinaꞌo 15:40

Tunetaa Phawuloosi Sillaasin kaacciye; kittinnee maneenaꞌo Doonochi wojjoyich biin boonoshi aderetoyee gubb, kechii hammiye.

Mishiraachechinaꞌo 16:19

Arooba bi dooninaꞌo boonoshi gijjee gimi gibenee kuxoon beeggiꞌi, Phawuloosinaa Sillaasinon yechiyeete. Yechiꞌi geechiibee ukkireenaꞌo kiceeti xaaꞌooch daammii,

Mishiraachechinaꞌo 16:25

Tunetaa xumee gutte qellimooch Phawuloosinaa Sillaasina corootiibee shoddoona Yeerin galletee beeheete; arooch beeti qoppeenaꞌoo ellee beeheete.

Mishiraachechinaꞌo 16:29

Cuyee kechi quyecho “Ceechoon taach deebote” iꞌi ceechii yechiꞌi, cuyee kechi maac wocciye; qeweebee Phawuloosinaa Sillaasinochi baatooch dihiye.

Mishiraachechinaꞌo 17:11

Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete.

Mishiraachechinaꞌo 18:5

Sillaasinaa Ximootiyoosina Makidoonee showoochee boonoshi waahooba, Phawuloosi kashee wottiyaanoon, Yesuusi aroo Kiristoosi bi tunoon Ayihudeenaꞌoyich miixee beehe.

Mishiraachechinaꞌo 19:22

Ebich biin deggiibeeti gutte asheenaꞌo Ximootiyoosinaa Erasxoosinon Makidoonee showooch daachiichii, aroo Isiyee showooch daakkiꞌi kotehe.

Mishiraachechinaꞌo 20:4

Hamma bi tiyaa, ikkikke asheenaꞌo biin deenniyeete; eboshiyoo Beeriyechi Firoosichi bushoo Sophaxiroosi, Tasaloonqechi Arsixirokoosinaa Sikenduusina, Deribechi Gaayoosi, Ximootiyoosi, Isiyee showoochee waati Tikiqoosinaa Xirofimoosina eboshine.

Roomi 1:7

Yeerina shucheti, yaafoo ittoshi tunemmoyich Yeerina ceekketi, Room beeti ittoshi bullich: No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

1 Qorontoosi 1:2

Qorontoos beeti Yeerichi kittinnee guuphoyich, Kiristoos Yesuusina Yeeri yaafitinaꞌonoyich, wotta noonnaa boonoshinoyich Doono tuneti no Doono Yesuus Kiristoosichi shigoon xaaꞌoo bullichaa ceeggii beetinaꞌo bullina tookkii yaafeenaꞌo tunoyich ceekketinaꞌoyich:

2 Qorontoosi 1:1

Yeerichi daaggoona Kiristoos Yesuusichi mishiraachecho tuneti Phawuloosinaa no manoo Ximootiyoosina waanee, Qorontoosi kittinnee guuphonaa Akaayee showoo bulliich beeti yaafeenaꞌonoyich:

2 Qorontoosi 1:19

No, ebi geto Sillaasinaa taanna, Ximootiyoosiyoo, ittoshi daggooch no beehooba, Yeerichi Bushoo Yesuus Kiristoosichon ittoshich no getteto eeha ii beeti qaaroonalli, eeha iichii, wotta toonoone ii beeti gutte heciyoona toonoone.

Galaati 1:2

wotta taanna tookkii beeti maneenaꞌo bulli waanee, Galaatee showooch beeti kittinnee guuphinaꞌoyich:

Galaati 1:22

Arooba boonoshi mulloon Kiristoosi toommooch tooꞌiiti, Yihudee showeexi kittinnee guuphinaꞌo taan beeggii ariyaaneenaꞌone.

Efesooni 1:2

No Nihoo Yeerinaa Doono Yesuus Kiristoosina waanee wojjoonaa diggoona ittoshich tunebe.

Filipphisiyoosi 1:1

Kiristoos Yesuusichi guuninaꞌo tuneti Phawuloosinaa Ximootiyoosina waanee, Filipphisiyoos beeti, kittinnee guuphon yaabii qeejjiibeeti geeneenaꞌonaa daaquuneenaꞌona tookkii, Kiristoos Yesuusina yaafeenaꞌo tunetinaꞌo bullich:

Qolaasiyaasi 1:1

Yeerichi daaggoona Kiristoos Yesuusichi mishiraachechi Phawuloosinaa no manoo Ximootiyoosina waanee,

2 Tasaloonqi 1:1

Phawuloosi, Sillaasinaa Ximootiyoosina waanee, No Nihoo Yeerichonaa Doono Yesuus Kiristoosichona tuneti Tasaloonqi kittinnee guuphoyich:

1 Ximootiyoosi 1:2

Kiristoos Yesuusi toommooch mullee tooꞌiyoona ibere ta bushoo tuneti Ximootiyoosich: Nihoo Yeerinaa no Doono Kiristoos Yesuusina waanee wojjoo, ariqqoonaa diggoona neech tunebe.

2 Ximootiyoosi 1:2

Ta shunnaabeeti ta bushoo Ximootiyoosich: Nihoo Yeerinaa no Doono Kiristoos Yesuusina waanee wojjoo, ariqqoonaa diggoona neech tunebe.

Hibireena'o 13:23

No manoo Ximootiyoosi cuyee kexoochee biicheto bi tunoon ittoshi ariyemmoyich shunnoye. Kaateꞌi ta waan bi waagaata, biin yeshi ittoshi waan waaree ittoshin beeggemmo taane.

1 Pheexiroosi 5:12

Ittoshin ciiccaabee, hini wojjoo ibere Yeerichi wojjoo bi tunoon ittoshich miixaabee, gibeneeti manoommon ta tuniiti Sillaasichi kishoona hini qamini wochoon ittoshich kooraa daachiibeeto taane. Ebi are Yeerichi wojjoona manjiree neexebote.

1 Yowannisi 1:3

Wotta noonna tookki ikkittino ittoshich bi beeyemmoyich, no beeggetonaa no waayetonon ittoshich gettaabeeto noone. No ikkittinoo Nihoo Yeerinaa bi Bushoo Yesuus Kiristoosina tookkiiniye.

Yihudi 1:1

Yesuus Kiristoosichi guuno, Yaaqobichi manoo Yihudi waanee, Nihoo Yeeri shunnitinaꞌonaa ceeggitinaꞌonoyich, Yesuus Kiristoosina quyeebeeti kittinneenaꞌo bullich: