1 Taateenaꞌo 9:3 - Kafa Linguistics Project

³ Doono Yeeriyoo biich ishichiye: “Ta aafooch ne giddiiti corootoonaa qolloonon waayeto taane. Ta shigo arooch bulli yemeenoon bi beeyemmoyich ne shuuneti hini kexon yaafito taane. Ta mulloonaa ta aafoona bulli yemeenoon arooch tunemmone.

1 Taateenaꞌo 9:3 ပူးပေါင်းရင်းမြစ်များ

1 Taateenaꞌo 8:29

‘Arooch ta shigo beeyemmone’ ne iti, hini kexon xumoonaa areddoonon manjii ciine; ne guuno ta hini xaaꞌoochaa ta corootaabeeti corootoon elle waayebe.

2 Taateenaꞌo 20:5

“Wotte hamiree, ta asheenaꞌon yaabii qeejjiibeeti taatoo Hiziqiyaasich ishichibe: ‘Ne qaabbechi Daawitichi Nuggishoo Doono Yeeri ishichiye: “Ne corootoon waayeto taane; ne acimoon beeggeto taane; neen woddiyemmo taane; keejjinnee qemooba, damba Doono Yeeri ta yaafee kexooch hammemmo neene.

2 Taateenaꞌo 21:7

Doono Yeeri Daawitinaa bi bushoo Solomooninoyich, “Hini yaafee kexo, hini Yerusaalemi ta shigo bulli yemeenoon bi beeyemmoyich, Israꞌeelee yoodeenaꞌo showoo bulliichee ta kaacceti xaaꞌoone. Israꞌeeleenaꞌo boonoshich ta getteti mooyo bullin boonoshi quyegaata, ta guuno Muusi boonoshich gettiti sheeroo bullin boonoshi ceechi gaatoo, boonoshi qaabbechinaꞌoyich ta immeti hini showoochee waaxeree boonoshi yallyallimemmoyich tuniyaachemmo taane” iꞌi bi gettiti yaafee kexooch, nuggishee Asheeri misiloon qiicii shuuneꞌi, deebii neechiye.

2 Kiinoo 33:7

Yeeri Daawitinaa bi bushoo Solomooninoyich, “Hini yaafee kexo, hini Yerusaalemi, Israꞌeelee yoodeenaꞌo showoo bulliichee ta shigo bulli yemeenoon bi beeyemmoyich, ta kaacceti xaaꞌoone. Israꞌeeleenaꞌo boonoshich ta getteti mooyo bullin boonoshi quyegaata, ta guuno Muusi boonoshich gettiti sheeroo bullin, qociyoonaa doyoonon boonoshi ceechi gaatoo, boonoshi qaabbechinaꞌoyich ta immeti hini showoochee boonoshi baatoon boonoshi waaxxemmoyich tuniyaachemmo taane” iꞌi bi gettiti yaafee kexooch, bi shuuneti shahalloon deebii neechiye.

2 Kiinoo 6:40

“Andoo ta Nuggishoo Yeero, no waan ne ciinnemmoyich, hini xaaꞌoochaa corooteebeeti corootoonoo elle ne waayemmoyich neen qollehoye.

Iziri 6:12

Bi shigo arooch beeyemmoyich tuniiti Nuggishoo, ebi getoon shaddoyich, woyee Yerusaalem beeti, Yeerichi kexon happoyich, boonoshi kishoon geddimmi taatoon woyee aagetoon koninolla aalliibe. “Daariyoosi ta, ‘Ebi mooyon tuniibote’ iyaꞌa getteto taane. Ebi ta getoon kupphiiree tuniibote” ii kooriihe.

Shoddo 10:17

Doono Yeero, boonoshi qelloon giishiitinaꞌochi qolloon waayehine; ne waamon gaꞌiyaa waayaꞌa boonoshi mulloon kupphiihine.

Shoddo 116:1

Ta cookoon, ta qolloon bi waayetoyich, Doono Yeerin shunnehoye.

Shoddo 34:17

Cadiqeenaꞌo cookiyeete; Doono Yeeriyoo waayehe; boonoshi iritoo bulliichee boonoshin wodiihe.

Shoddo 65:3

Axaaxoo noon qooxiyooba, ne, no xuꞌo bullin maarihine.

Shoddo 66:19

Tunebaani iberoochaa Yeeri taachon waayetone; ta cookoon ellee waayetone.

Keyo 20:11

Doono Yeeri ta, shimaayoonaa showoonon, baharoonaa boonoshi daggooch beeto bullinon shiritte qemona hallaꞌa, shabaattinnee qemooba ta kashetoyich, shambetee aaboon diirii yaafito taane.

Keyo 29:44

“Ebina danee duukkaanoonaa deejjee gudoonon yaafemmo taane; wotta qeesheenaꞌo tuneree taach boonoshi maddemmoyich, Harooninaa bi anaami bushiisheenaꞌonon yaafemmo taane.

Erimiyaasi 15:1

Aroochee Doono Yeeri taach ishichiye: “Muusinaa Saameelina ta aafooch neexetaanona ta mullo hini asheenaꞌo waan wotteyaachemmone. Ta aafoochee daachiibe; hambeete.

Erimiyaasi 7:10

ta shigoona ceekketi hini kexooch waanoo ta aafooch neexeechii “Wodito noone” iibee ebi ciigiiti mooyo bullin tuniihote.

Daaneeli 9:23

Ne, oogeton shucheto ne tunetoyich, corootooch ne giyiyooba, Yeeri ne qolloon waayetone; tawoo ebin neech getta waato taane. Ebich ebi mooyon gabibe; yaaꞌoonoo shalligibe!

Haddoo 16:38

Eboshiyoo boonoshi kashoon aalliyoyich axaaxoon shuuneti asheenaꞌochi ixaano shookkeebeeti qiiceenaꞌone. Ebi qiiceenaꞌo, Doono Yeeri ta aafooch giddetinaꞌonaa yaafeetinaꞌona boonoshi tunetoyich, deejjee gudee qeroon boonoshi tunemmoyich qici shishiibe. Ebiyoo Israꞌeeleenaꞌoyich cuuꞌiyoo tunebe” iye.

Maatiyoosi 6:9

“Illa ittoshi ishichi corootibote: ‘Shimaayooch beeti no Nihoocho, yaafe ne shigo oogebe.

Yowannisi 11:42

Bulli aaboon ne waayoon ariibeeto taane; tunebaani taan ne deejjoon boonoshi iberiyemmoyich, hini ta guudoona neexeti asheenaꞌoyicha iyaꞌa ishin gettoye” iye.

Mishiraachechinaꞌo 10:31

‘Qorinelooso, Yeeri ne corootoon waayetone; girechinaꞌon ne dego shalligichoo tuneꞌi bi aafooch shaggitone.

Yibbaatoo 11:12

Ebi showoo ittoshi Nuggishoo Doono Yeeri shiimee yechiibeeti showoo, nati gimoochee nati ciirooch beddaahaa, ciinoochee bi aafoon bi kuxaani showoone.

Yibbaatoo 12:11

Ittoshi Nuggishoo Doono Yeeri biich ittoshi goyinnemmoyich bi kaaccemmi are xaaꞌooch, ittoshich ta getteti mooyinaꞌo bullin deebote. Ebiyoo micciibeeti ittoshi deejjoonaa bare ittoshi deejjoonon, ittoshi danee beetoochee kechiibeeti asraatoonaa ittoshi wojjoonon, Doono Yeerich ittoshi mookketi tiikkeshoonoonane.

Yibbaatoo 12:21

Ne Nuggishoo Doono Yeeri bi shigo aroochaa ceekkemmoyich bi kaacciti xaaꞌoo ne beetoochee oogeti woho bi tunegaata, neech ta gettetoommon, Doono Yeeri neech immiti ne miimoochee, ne bagoonaa ne emmishoonoochee neen xiqqiimmi haddoona bashaꞌa ne beeti katemoochaa mamon hakkihine.

Yibbaatoo 12:5

Ittoshi Nuggishoo Doono Yeeri bi shigo ceekkemmonaa arooch bi danemmona tuneti xaaꞌoon ittoshi yoodeenaꞌo bulli daggoochee kaaccemmone. Are xaaꞌoon qaawiꞌi, arooch hammii biich goyinno ittoshich qaawiihe.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

1 Yowannisi 5:14

Yeeri aafooch no shataani naboo, amee mooyonona bi daaggoona no qollegaata, no qolloon bi waayee beetoyichiye.