1 Taateenaꞌo 9:16 - Kafa Linguistics Project

¹⁶ Aroyee aaf Gibitsee taatoo Farooni damba kechii hammii, Gezeerin kochii yechiꞌi, qaaqqoona michitone; katemooch beeti Kanaanee asheenaꞌonoo wuxiꞌi, ebi katemoon Solomooni mechee tuneti bi busheyich magaayoo immitone.

1 Taateenaꞌo 9:16 ပူးပေါင်းရင်းမြစ်များ

1 Taateenaꞌo 3:1

Solomooni Gibitsee taatoo Farooni busheen shaaggiꞌi, Faroonina naachehe. Bi kexon, Doono Yeerichi yaafee kexonaa Yerusaalemi guude uxeroonon shuunee bi qanniimmi wottoon, areen deebiꞌi, Daawiti Katemooch kotiihe.

1 Taateenaꞌo 7:8

Nallee Goddemmoyee gubbi waan beeti bare addibaabooch, Solomooni bi beeyi kexon bare kexinaꞌoommon tuniiꞌi shuunehe. Gibitsee taatoochi bushee tuneti bi mecheyichoo ebiyoommi beeyi kexon shuunehe.

1 Taateenaꞌo 9:24

Farooni bushee Daawiti Katemoochee, Solomooni biich shuuniiti taatee kexooch damba waahan. Ebiyee gubb, Solomooni Miiloo getteebeeti xaaꞌoon shuunehe.

Yaasi 10:33

Ebiyooba Gezeeri taatoo Horaami Lakish beetinaꞌon gaacheya waahe. Tunebaani Yaasi ikkoonolla echiyaanoon taatoonaa bi ginechinaꞌonon wuxii ciichiye.

Yaasi 16:10

Tunebaani Efreemi yoodo Gezeer beeti Kanaaneenaꞌon yookkii kichaanoone. Ebich hanaach beddaahaa Kanaaneenaꞌo Efreemi yoodoochi daggooch beetinaꞌone. Ebi Kanaanee asheenaꞌo guunon tuneꞌi boonoshich maddee beetinaꞌone.