1 Taateenaꞌo 8:53 - Kafa Linguistics Project

⁵³ Nuggishoo Doono Yeero, no qaabbechinaꞌon Gibitsee ne kichiyooba, ne guuno Muusina ne gettetoommon, ne hajjee asheenaꞌo boonoshi tunemmoyich, showee toommeexi aagetoo bulliyee boonoshin bariito neene” iye.

1 Taateenaꞌo 8:53 ပူးပေါင်းရင်းမြစ်များ

2 Saameeli 20:19

Ta katemee Israꞌeelee showee daggooch diggeenaa gibeneetina tuneti katemeene. Israꞌeelee showee daggooch indee tuneti katemeen aalliiya qaawaabeeto neene. Doono Yeericho tuneton aalliiya ne qaawaabeeto amoyichiye?” iyan.

Keyo 33:16

Ne, noonna tookkii hamo qayigaata, taannaa ne asheenaꞌona ne aafoochaa gidoon dano amoona arichehe? Taannaa ne asheenaꞌona showee toommo bulliich beeti asheenaꞌo bulliyee barito no tuno bi aricheebeeto, ne, noonna tookkaa ne hamona toone?” iye.

Erimiyaasi 10:16

Tunebaani Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Haddoo 23:9

Guudinaꞌo toommoochaa boonoshin ciinnaabeeto taane; geppeenaꞌo toommoochaa boonoshin beeggaabeeto taane. Aageteenaꞌona tookkii bacceyaanoon bariꞌi boonoshi qelloona koteebeeti asheenaꞌone.

Efesooni 1:18

Wotta ta qollaabeetoo, ittoshi mullee aafo gaxxeeree ciinaa, ittoshin bi ceeggiti gibeno amo gaata, bi yaafeenaꞌoyich bi immemmi worganikkiti iristo amoommo gaata, no mulloon Kiristoosi toommooch tooꞌiibeeti nooch shuuneebeeti bi giidoo am shaahe ooge giidoo gaata ittoshi ariyemmoyichiye.

Yibbaatoo 14:2

Ebiyoo ittoshi, ittoshi Nuggishoo Doono Yeerich yaafoo ittoshi tunetoyichiye. Wotta, bi hajjee asho ittoshi tunemmoyich, showee toommooch beeti asho bulli daggoochee Doono Yeeri ittoshin bi kaaccitoyichiye” iye.

Yibbaatoo 32:9

Tunebaani Israꞌeeli Doono Yeerichi hajjoone, Yaaqobiyoo bi hajjee iristoone.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.