1 Taateenaꞌo 8:30 - Kafa Linguistics Project

³⁰ Ne guuno taannaa ne asheenaꞌo tuneti Israꞌeeleenaꞌona, hini xaaꞌoo waan wottaachaa, no corootaabeeti corootoon waayebe; ne beeyi xaaꞌoo tuneti shimaayoochaa waayeree noon maaribe.

1 Taateenaꞌo 8:30 ပူးပေါင်းရင်းမြစ်များ

1 Taateenaꞌo 8:34

shimaayooch beechi waayebe; ne asheenaꞌo tuneti Israꞌeeleenaꞌochi axaaxoon maaribe; boonoshi qaabbechinaꞌoyich ne immeti showooch wochiree, boonoshin giijjibe.

1 Taateenaꞌo 8:36

shimaayoochaa waayebe; ne guuninaꞌochi axaaxoon, ne asheenaꞌo tuneti Israꞌeeleenaꞌochi axaaxoon maaribe; boonoshi hammemmi kaame ne gommon boonoshich dojjibe; boonoshi iristo tuniyaꞌa ne asheenaꞌoyich ne immeti showooch amiyon dichibe.

1 Taateenaꞌo 8:39

ne beeyi xaaꞌoo tuneti shimaayoochaa waayebe; maarishoo gete. Asho bullichi mulloon ariyaabeeto ne baach ne tunetoyich, bi mulloon ne ariibeeti asho bullich bi shuuni shuunoommon qoce.

1 Taateenaꞌo 8:43

ne beeyi xaaꞌoo tuneti shimaayoochaa waayebe; neen bi qolleto bullin biich tuniibe. Ebiyoo showee toommeexi asheenaꞌo bulli ne shigoon ariiree, ne asheenaꞌo tuneti Israꞌeeleenaꞌo neech boonoshi shatoommon, neech boonoshi shattemmonaa ta haggeti hini kexooch ne shigo beemon boonoshi ariyemmonoyichiye.

1 Taateenaꞌo 8:49

boonoshi corootoonaa boonoshi qolloonon ne beeyi xaaꞌoo tuneti shimaayoochaa waayebe; boonoshi gommonoo kaachibe.

2 Kiinoo 20:6

ishichiye: “No qaabbechinaꞌochi Nuggishoo Doono Yeero, shimaayooch beechaa aagetee taatittino bullin qeejjaabeeti Nuggishoo neene. Giidoonaa hakkoona ne kishoochiye. Neen wochoon hakkemmo, koniyoona aalloone.

2 Kiinoo 6:21

Ne guuno taannaa ne asheenaꞌo tuneti Israꞌeeleenaꞌona hini xaaꞌoo waan wottaachaa no corootaabeeti corootoon waayebe; ne beeyi xaaꞌoo tuneti shimaayoochaa waayeree noon maaribe.

2 Kiinoo 7:14

ta shigoona ceekketi ta asheenaꞌo boonoshi qelloon giishiiꞌi boonoshi qollegaata, taan boonoshi qaawigaata, boonoshi gonde gommoochee boonoshi wottegaatoo, shimaayoochaa boonoshi qolloon waayemmo taane; boonoshi axaaxoon maaremmo taane; boonoshi showoonoo wodiyemmo taane.

Shoddo 123:1

Shimaayooch ne taatee qeenooch kotetocho, kaama qaallaꞌa ne waan ciinneho.

Shoddo 28:2

Taan ne gaachemmoyich, ne yaafee kexo waan ta kishoon tiijjaꞌa, ne waan ta cookaabeeti cookoon waayebe.

Shoddo 85:2

Ne asheenaꞌochi gondoon shaaddaa beshemmo neene; boonoshi axaaxoo bullin maarimmo neene.

Keyo 34:6

Doono Yeeriyoo ishichii bi shigoon awaajjiibee, Muusi aafoona beshehe: “Ta, Doono Yeeri, Doono Yeeri taane; tawoo ariqqechonaa deꞌoona, kaataa kaareyaano, ta shoodoonaa ta gibeneyoona woddeti Nuggishoo taane.

Keyo 34:7

Ta shoodoon hume shiijjerooch beddaahaa quyaabeeto, xuꞌoon, hukkoonaa axaaxoonon maariibeeto taane. Tunebaani gonde shuunechon naxeyaanoon cikki qayaachemmo taane. Niheenaꞌo axaaxoyich bushiisheenaꞌon, boonoshi bushaa bushiisheenaꞌon keejjinnee shiijjeroonaa awuddinnee shiijjeroonooch beddaahaa naxemmo taane” iye.

Dojjecho 5:2

Ne yibbaatoona afaafineyaahine! Yeeri aafooch amee mooyonona getoyich ne mulloona afaafineyaahine! Yeeri beeto shimaayooch ne beeto showooch bi tunetoyich, ne yibbaatoo giishecho tunebe.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Daaneeli 6:10

Daaneeli ebi awaajjo kooreeti koorichee toommooch malletoo geddeyoon bi ariihooba, bi kexooch hammiꞌi, mallee kello Yerusaalem waan qecheebeeti kechi toommeexi bi kexoochaa, bulli aaboon bi tunii beetoommon, heeyooch keejje wottoon guteneꞌi bi Nuggishoo Yeer waan corootiye; biinoo galletehe.

Daaneeli 9:19

Ta Doonocho, no qolloon waayebe! Ta Doonocho, noon maaribe! Ta Doonocho, no qolloon elle waayeree tuniibe! Ne shigo ne katemoonaa ne asheenaꞌonochi toommoochaa ceekketone. Ta Nuggishoocho, ne shigoyicha getiree yagiyaahine” iyo.

Daaneeli 9:9

No Doono no Nuggishoocho, ne toommooch hukkoon shuuneto no tunetaanoona, ne, ariqqechonaa maarechona neene.

Maatiyoosi 6:12

No wotta noon xuqqitinaꞌon no maaroommon, no gondoon nooch maaribe.

Maatiyoosi 6:9

“Illa ittoshi ishichi corootibote: ‘Shimaayooch beeti no Nihoocho, yaafe ne shigo oogebe.

1 Yowannisi 1:9

Tunetaa no axaaxoon Yeerich no aannigaata, biyoo no axaaxoon maaroonaa no gondo bulliichee noon xalliyoonoyich, gibeneetonaa cadiqoonane.