1 Taateenaꞌo 8:1 - Kafa Linguistics Project

¹ Aroochee taatoo Solomooni Doono Yeerichi wogee taabootoon Daawiti Katemoo Tsiyoonee boonoshi deebemmoyich, Israꞌeelee geeneenaꞌon, yoodee ukkireenaꞌo bullinaa Israꞌeelee asheenaꞌochi yaree ukkireenaꞌonon bi beeti Yerusaalem ceeggiye.

1 Taateenaꞌo 8:1 ပူးပေါင်းရင်းမြစ်များ

2 Saameeli 6:6

Nakoonichi maayi buchi xaaꞌooch boonoshi shaggimmona, gatteenaꞌo yaaditoyich Uuzi bi kishoon yaggiꞌi Yeerichi taabootoon yechiye.

1 Taateenaꞌo 2:10

Aroochee Daawiti qitii bi qaabbechinaꞌo waan xaꞌeeꞌi Daawiti Katemooch duukkehe.

1 Taateenaꞌo 3:15

Solomooniyoo tokketoochee tiyiꞌi, Yeeri gumona biich yibbaatoon ariihe. Aroochee Yerusaalem wotteꞌi hammiye; Doono Yeerichi wogee taabootee aafooch neexeechii micciibeeti deejjoonaa ikkittinee deejjoonon deejjiye; bi iraasheenaꞌo bullichoo gifiroon geddiye.

1 Kiinoo 11:7

Aroochee Daawiti bi beeyi xaaꞌoon mishigechi katemooch tuniihe. Aroo, Daawiti Katemoo getaa ceekkehe.

1 Kiinoo 15:25

Ebich Daawiti, Israꞌeelee ogoogeenaꞌonaa humee iraasheenaꞌona Doono Yeerichi wogee taabootoon Obeed Edoomi kexoochee deeba emiroona hammiyeete.

1 Kiinoo 15:29

Doono Yeerichi wogee taabooto Daawiti Katemooch giyii bi beetaa, Saaꞌooli bushee Mikaali mallee kelloona ciinnaa beehan. Taatoo Daawiti emiriꞌi capphi duubbii bi beetaa beeggaꞌa, bi mulloona biin hoxahan.

1 Kiinoo 15:3

Biyoo Doono Yeerichi taabootoon, ebi aroyich bi qanniiti xaaꞌooch boonoshi deebemmoyich Israꞌeeleenaꞌo bullin Yerusaalem kiciye.

1 Kiinoo 28:1

Daawiti Israꞌeelee iraashoo bullin, Yerusaalem kiciye. Eboshiyoo: Yoodee iraasheenaꞌo, taatee showee shuunoon shuuneebeeti iraasheenaꞌo, humee iraasheenaꞌo, ballee iraasheenaꞌo, taatoonaa bi bushiisheenaꞌonochi yaaphoonaa gijjoonochi toommooch iraasheti iraasheenaꞌo, taatee kechi iraasheenaꞌonaa giidechi beelle ginee naayinaꞌonone.

2 Kiinoo 30:1

Israꞌeelee Nuggishoo Doono Yeerich Beshee Baaroon baaroyich, Yerusaalem beeti, Doono Yeerichi yaafee kexooch boonoshi woyemmoyich, Hiziqiyaasi Israꞌeelee asho bullinaa Yihudee asho bullinoyich wochoon daachiihe. Efreemi yoodeenaꞌonaa Minaasi yoodeenaꞌonoyichoo koorichoon kooriye.

Iziri 3:1

Shabaattinnee ageno shaggiyooba, Israꞌeeleenaꞌo boonoshi katemooch boonoshi beehooba, asheenaꞌo ikke kasho tuneꞌi Yerusaalem kiceeheete.

Shoddo 102:21

Ebich Doono Yeerichi shigo Tsiyoonaa awaajjeyemmone; Yerusaalemaanoo galleteyemmone.

Shoddo 9:11

Tsiyoon beeti Doono Yeerich galletee shoddoon shoddebote; bi shuunoon macceenaꞌo daggooch yibbaatebote.

Isiyaasi 28:16

Ebich Nuggishoo Doono Yeeri ishichiye: “Ebiyoche, kexon deggii neechiibeeti giimbee guummoommi xaqqoon, manjoo bi tuno bekketi, aaxxoo tuneti xaqqoon hecoyich Tsiyoon kotiyemmo taane; bi toommooch mulloon tooꞌiimmo yeelleyaachemmone.

Isiyaasi 46:13

Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.

Haddoo 1:4

Yoodi yoodoochee, bi qaabbechi yaroochi ukkiroo tuneti ikke asho ittoshina tookki beebe.

Yaasi 23:2

Yaasi Israꞌeeleenaꞌo bullin, boonoshi geeneenaꞌon, ukkireenaꞌon, nallechinaꞌonaa iraasheenaꞌo bullinon ceeggiꞌi ishichiye: “Ta, geenee baayeto taane.

Yaasi 24:1

Aroochee Yaasi Israꞌeelee yoodeenaꞌo bullin ikkooch Shekeem kiciye. Israꞌeelee geeneenaꞌon, ukkireenaꞌon, nallechinaꞌonaa iraasheenaꞌonon ceeggiye. Boonoshiyoo Yeeri aafooch giddeheete.

1 Pheexiroosi 2:6

“Yeeri ‘Ebiyoche, kexon deggii neechiibeeti, giimbee guummoommon tuniiꞌa ta kaacceti, taach aaxxoo tuneti xaqqoon Tsiyoon kotiyemmo taane; bi toommooch mulloon tooꞌiibeeto yeelleyaachemmone’ itone” getaa Yaafe Macaafooch kooreetone.