1 Taateenaꞌo 7:21 - Kafa Linguistics Project

²¹ Huraami gooshoochee shuuneeti, ebi gutte giimbeenaꞌon yaafee kexooch giyeebeeti kellee ciinooch neechiye. Yaafee kechi kellaa deshi-waan beeti giimboo Yakiini getteehe; dambi-waan beeti giimboo wotta Boꞌaazi getteehe.

1 Taateenaꞌo 7:21 ပူးပေါင်းရင်းမြစ်များ

2 Saameeli 7:12

Qitaꞌa ne qaabbechinaꞌo duukketooch ne duukkehooba, ne gutenoochee kechiti ne bushoon taatiyemmo taane; bi taatittinoonoo manjiyemmo taane.

1 Taateenaꞌo 6:3

Are kechi kelli waan beeti gaaddaafee gidoo kechi maacoona tate hiye hiroone; ebiyoo kexoyee maach aashire hiroone.

1 Taateenaꞌo 7:12

Taatee kechi addibaaboo, Doono Yeerichi yaafee kechi maaci addibaaboonaa yaafee kexooch giijjiibeeti gaaddaafoona boonoshi ikkikkoona gaawichaa xareeti keejje yaaree xaqqoonaa ikke yaaree yigee mixona shuuneetinaꞌone.

1 Taateenaꞌo 7:22

Giimbeenaꞌochi cillooch beeti, guboommi mooyinaꞌoyich mocee bungee shaahiyoo beetone; ebiyoommon giimboo shuunetaa qanniye.

2 Kiinoo 3:17

Ebi giimbeenaꞌonoo yaafee kechi ciinooch, ikkoon deshi-waan, ikkoon wotta dambi-waan neechiihe. Deshi-waani giimboon Yakiini, wotta dambi-waani giimboon Boꞌaazi iꞌi shigiihe.

2 Kiinoo 4:13

giimbeenaꞌochi cillooch beeti, guboommi gutte mooyinaꞌon boonoshi qeremmoyich, gutte dabbeenaꞌochi gutti gutte yaaroona awudde balle romaanee michi aafoon,

Isiyaasi 45:24

“Asheenaꞌo ‘Cadiqoonaa giidoona danemmo Doono Yeer waanaa baachiye’ getiree taachon yibbaatemminaꞌone; ta toommooch tiyitinaꞌo bulli, ta waan waaree yeellemminaꞌone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.

Galaati 2:9

Wotta Yeeri taach bi immiti wojjoon ariiꞌi giimboon shaahiꞌi bekkeebeeti Yaaqobi, Pheexiroosinaa Yowannisina boonoshi qanne kishoon imona noonna tookkii boonoshi tunoon bekkiiheete; taannaa Barnabaasina Aageteenaꞌo waan hammemmoyich, boonoshiyoo Ayihudeenaꞌo waan boonoshi hammemmoyich tuniiheete.

Yaaꞌoo 3:12

Gondoochi giidoon kochii wochiton ta Nuggishoochi yaafee kechi cangiyoommon tuniyemmo taane. Gubbich ciroona aroochee keyaachemmone; ta Nuggishoochi shigoon, ta Nuggishoochi katemee shigoon, ebi getoo shimaayooch beeti ta Nuggishoo Yeer waanee kindemmi andire Yerusaalemi shigoon, wotta andire ta shigoon bi toommooch kooremmo taane.

Ruuti 2:19

Naꞌoomiyoo Ruutin “Ebi bullin amoochee buttenne? Konichi budoochiye buttaabee ne heecheto? Ebi gaawe mooyon neech tuniiti uroon Yeeri diiribe” iyan. Ruutiyoo wochaꞌa Naꞌoomich, “Boꞌaazi getteebeeti uroochi budoochiye buttaabee ta heecheto” iyan.

Ruuti 4:21

Salimooni Boꞌaazin shiyihe; Boꞌaazi Obeedin shiyihe;