1 Taateenaꞌo 6:1 - Kafa Linguistics Project

¹ Israꞌeeleenaꞌo Gibitsee boonoshi kechiti awudde ballaa shinne natooba, ebiyoo Israꞌeeleenaꞌo toommooch bi taateti awuddinnee natooba, Ziibi getteebeeti guttinnee agenooch, Solomooni Doono Yeerichi yaafee kexon wonniye.

1 Taateenaꞌo 6:1 ပူးပေါင်းရင်းမြစ်များ

1 Taateenaꞌo 6:2

Taatoo Solomooni Doono Yeerich shuuneti yaafee kexo, bi gidoo shiche hiroo, bi maaco hiye hiroo, bi neexo shaashe hiroone.

1 Taateenaꞌo 6:37

Doono Yeerichi yaafee kechi dechi heco Solomooni taateti awuddinnee natooba, Ziibi getteebeeti guttinnee agenooba, hecceehe.

1 Kiinoo 29:19

Ne geteenaꞌon, ne qociyoonaa ne doyoonon bi quyemmoyich, ta qanniiti qiiceenaꞌona yaafee kexon bi haggemmoyichoo ta bushoo Solomoonich ceeni mulloon imbe” iye.

1 Kiinoo 6:10

Yohanaani taatoo Solomooni Yerusaalem haggiiti yaafee kexoochaa maddeti Azariyaasin shiyihe.

2 Kiinoo 3:3

Solomooni yaafee kexon hakkiyoyich bi hecciiti heco wonnee qeelloona bi gidoo shiche hiroo, bi maaco hiye hiroone.

Iziri 5:11

“Boonoshiyoo nooch ishichiꞌi wochiyeete: ‘No, showoonaa shimaayoonochi Nuggishoochi maddecho noone; ebi no shuunaabeeti kexo meeti yemeenoyee aaf hakkeeto, Israꞌeeleenaꞌochi ooge taatoo haggiꞌi qanniitoniye.

Shoddo 78:69

Bi yaafee kexon guudoommon tuniiꞌi shuunehe; bulli yemeenoon bi manjiiti showoommon tuniihe.

Keyo 12:41

Awudde ballaa shaashe nato ceenniyooba, ebi arooba Doono Yeerichi asho bulli mattiqutto tuneꞌi Gibitsee kechiye.

Keyo 12:51

Ebi arooba Doono Yeeri Israꞌeeleenaꞌon, boonoshi yoodi yoodee yaaroona tuniiꞌi, Gibitsee kichiye.

Hiziqeeli 41:1

Aroochee yaafee kechi dagg beeti Yaafe Xaaꞌooch taan daammiye; arooch daammiibeeti gimi kellee duuhoon bi qeelletaa bi taggoo gutte baddicholla shiritti shiritte hiroo tunehe.

Haagi 1:8

Illa and damba geppooch hambote; mixonoo kuxi deebiree yaafee kexon hagote. Doono Yeeri tawoo, ebi aroona emiremmo taane; oogoonoo danemmo taane.

Zakaariyaasi 6:15

Wohooch beetinaꞌo waaree Doono Yeerichi yaafee kechi shuunoon gaachemminaꞌone. Beshe Mawe Doono Yeeri taan wocheto bi tunoon ebiyooba ariyemo ittoshine. Ittoshi Nuggishoo Doono Yeerichi qaaroyich mulloochee tiijjiꞌi deꞌa ittoshi getigaata ebi tunemmone” iye.

Haddoo 1:1

Israꞌeeleenaꞌo Gibitsee boonoshi kechitoyee gubb, guttinnee natooba, guttinnee agenee ikkinnee qemooba, Doono Yeeri Muusich Siini barahoochaa, danee duukkaanee daggoochaa ishichiꞌi gettiye:

Mishiraachechinaꞌo 13:19

Kanaanee showooch beeti shabaatte aagetee asheenaꞌon aalliichii, boonoshi showoon iristo tuniiꞌi bi asheenaꞌoyich immiye.

Mishiraachechinaꞌo 7:47

Tunebaani Yeerich kexon haggito Solomoonine.

1 Qorontoosi 6:19

Woyee ittoshi ashittino Yeeri ittoshich bi immiti Yaafe Ayaano beeti yaafee kexo bi tunoon ariyaachote? Yeeri aaxxe gatiyoona ittoshin kemetone; ebich ittoshi ashittino ittoshi hajjoo toonoone. Illa ittoshi ashittinoona Yeerin oogiibote.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

Qolaasiyaasi 2:7

biinna cammon awure eeniree, ittoshi doyitoommon bi toommooch mullee tooꞌiyoona manjibote; Yeerich galletoon woddiiree imbote.

Hibireena'o 11:10

Ebiyoo, bulli yemeenoon beeyechi tuneti, Yeeri yameꞌi bi shuuneti katemeen gibenoona quyeebeeto bi tunetoyichiye.

Hibireena'o 9:11

Tunebaani Kiristoosi bi waanaa nooch shaggiti gaawe mooyoyich qeeshee guudo tunetone. Beshoonaa gaawetona, ashi kishoona shuuneyaani, ebi getoo hini halleeti showoochee tuneyaani duukkaanooch

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.

Woraaferasheenaꞌo 11:26

Israꞌeeleenaꞌo Heshiboni katemoonaa bi guudoona beeti gafoonooch, Aroꞌeeri katemoonaa bi guudoona beeti gafoonooch, wotta Arinooni aachi gasheexi katemeenaꞌo bulliich keejje balle naton kotetinaꞌone. Ishigaata, arooba amoyich wochii deꞌaachote?