1 Taateenaꞌo 4:25 - Kafa Linguistics Project

²⁵ Solomooni kashoona bi beeti yemeeno bulliich, Daanee tiijjiꞌi Beershaab beddaahaa beeti Yihudee ashoonaa Israꞌeelee ashoona bi ikkikkoona bi woyinee yiiroonaa bi balaasee yiiroonooch diggoona kotee beehe.

1 Taateenaꞌo 4:25 ပူးပေါင်းရင်းမြစ်များ

2 Saameeli 17:11

“Ebich ta boyemmo ebiniye: Daanee Beershaab beddaahaa beeti, baharee gasheexi qacoommon woddeti Israꞌeeleenaꞌo bulli ne waan kiceebeete. Ne qelloona newoo, boonoshina tookki koyooch hambe.

2 Saameeli 24:15

Ebina Doono Yeeri aroobee maaddoochee tiijjiꞌi bi taajjeti aabo shaggimmi wottoon Israꞌeeleenaꞌo toommooch qeqqichiibeeti biiyoon deejjiye. Ebi biiyoona Daanee Beershaab beddaahaa beeti asheenaꞌo daggoochee shabe hume asheenaꞌo ciireheete.

2 Taateenaꞌo 18:31

“Hiziqiyaasi gettii beeton waayeyaahote. Ebich Asooree taatoo ishichii beetone: ‘Taanna tookki shunebote; ta waanoo wobote; ittoshi ikkikkoona ittoshi woyinoonaa ittoshi balaasoonoochee mamote; oppeexi ittoshi aacoochee uyote.

1 Kiinoo 22:9

tunebaani diggee asho tunemmi bushoo neech shiijjemmone; bi guudoona beeti bi etto bulliichee biin kashiyemmo taane; bi taatee yemeeno bulliich Israꞌeeleenaꞌoyich diggoonaa tooqqii kashoonon immemmo ta tunetoyich, bi shigo Solomooni getteyemmone.

Isiyaasi 36:16

“Hiziqiyaasi gettii beeton waayeyaahote. Ebich Asooree taatoo ishichii beetone: ‘Taanna tookki shunebote; ta waanoo wobote; ittoshi ikkikkoona ittoshi woyinoonaa ittoshi balaasoonoochee mamote; oppeexi ittoshi aacoochee uyote.

Isiyaasi 60:18

Ebiyee bekk ne showoochee xukko, ne showee danoochee happeyoonaa aalloona, waayeyaachemmone; ne uxereenaꞌon wodeenaꞌo, ne kelleenaꞌonoo galleteenaꞌo, geti ceeggemmi neene.

Hiziqeeli 38:11

newoo ishichemmo neene: “Gayaalli gafeenaꞌooch damba kechemmo taane; uxeraalli, kelloonaa tuggoona aalli katemeenaꞌooch keqqaalloon diggoona beetinaꞌochi toommooch dihemmo taane.

Hiziqeeli 39:26

Boonoshin shatiyemmo aalloon boonoshi showooch diggoona boonoshi kotehooba, boonoshi cooneyoonaa taach gibeneyaano boonoshi tunoonon battemminaꞌone.

Mikiyaasi 4:4

Asho bi ikkikkoona, bi woyinee qombee yiirooch, bi balaasee michi xepphoochoo kotemmone; biin keqqichemmo koniyoona aalloone. Beshe Mawe Doono Yeeri ebin gibenikkitone.

Zakaariyaasi 3:10

Beshe Mawe Doono Yeeri ishichiye: “Ebiyooba ittoshi asho bi ikkikkoona bi woyinoonaa bi balaasoonochi baatooch tuneechi bi giyoon ataallemmone” iye.

Woraaferasheenaꞌo 20:1

Aroochee Daanee Beershaab beddaahaa beeti, wotta Gilaadee showooch beeti Israꞌeeleenaꞌo bulli ikke kashoon tuneꞌi kechiyeete. Mitsiphi katemooch Doono Yeeri aafooch kiceeheete.

1 Saameeli 3:20

Daanee Beershaab beddaahaa beeti Israꞌeeleenaꞌo bulli Saameeli Doono Yeer waanee tuneti, gibeneeti keemecho bi tunoon ariiheete.