1 Taateenaꞌo 4:21 - Kafa Linguistics Project

²¹ Solomooni qeejjiibeeto, Efiraaxisi aacoochee tiijjiꞌi Filsixeemee showooch beddaahaa, aroochee wotta Gibitsee daarooch beddaahaa beeti taatittinee showeenaꞌo bulliniye. Ebi showeenaꞌooch beeti asheenaꞌo Solomooni kashoona bi beeti yemeeno bulliich biich hajjeeꞌi, gibiroon deebii beeheete.

1 Taateenaꞌo 4:21 ပူးပေါင်းရင်းမြစ်များ

Halloo 15:18

Arooba Doono Yeeri ishichiꞌi Abraamina tookkii wogoon giyiye: “Gibitsee aacoochee tiijjiree ooge aaco Efiraaxis beddaahaa, hini showoon ne shiijjereenaꞌoyich immemmo taane.

2 Saameeli 8:2

Ebiyoommon wotta Moꞌabeenaꞌon kochii wochiye. Boonoshinoo showooch qeejjiichii, woderoona qellayiye. Ebi qellayeetinaꞌoochee gutte beeroon wuxiichii, ikke beeroon wuxaanoon echiihe. Ebina Moꞌabee asheenaꞌo Daawitich hajjeeꞌi biich gibiroon qocciyeete.

2 Saameeli 8:6

Aroochee Sooriyee showooch beeti Damaasiqa bi ginee kaamboon kotiihe. Ebina Sooriyeenaꞌo Daawitich hajjeeꞌi biich gibiroon qocciyeete. Doono Yeeriyoo Daawiti bi hammito aabiichaanona, wudoon bi danemmoyich tuniihe.

1 Taateenaꞌo 12:4

“Ne nihoo magge waanjoon no toommooch minjitone. And illa, ne nihoo no toommooch maggiiti shuunoonaa no toommooch bi minjiti magge waanjoonon nooch ne kettiigaata, neech maddemmo noone” iyeete.

1 Taateenaꞌo 3:13

Wotta ne echeyaani gaannoonaa oogoonon neech immemmo taane. Ebich kashoona ne beemmi yemeeno bulliich neenna tatemmi taatoo beetaachemmone.

1 Taateenaꞌo 4:22

Solomoonich qemi qemona giyiibeeti maayo ebine: Shaashe xaanee qacini buddino, shiche xaanee qacichaa yiikkeyaani buddino,

1 Taateenaꞌo 4:24

Tifisaahi katemoochee tiijjii Gaaza beddaahaa, Efiraaxisi aacoochaa aabi-gimo waan beeti showoo bulliich beeti taatoo bulli biich hajjeehe; bi guudoona beeti taatee showoo bullina tookkiinoo diggoona beehe.

2 Taateenaꞌo 17:3

Asooree taatoo Shalimaniseeri biin kocha waahe. Hosheehi biich hajjeehe; biichoo gibiroon qocciye.

2 Kiinoo 17:5

Doono Yeeriyoo taatittinoon bi kishooch manjiihe. Yihudee ashoo bulliyoo wojjoon Yoshafaaxich deebiye. Ebina wodde oogoonaa gaannoonon danehe.

2 Kiinoo 32:23

Meeti asheenaꞌoo Doono Yeerich wojjoon yechiꞌi, Yerusaalem waa beeheete. Yihudee taatoo Hiziqiyaasichoo aaxxe mooyon immii beeheete. Aroobee tiijjiꞌi aageteenaꞌo Hiziqiyaasich oogoon immii beeheete.

Iziri 4:20

Yerusaalem taateti, Efiraaxisee beqachi woraafo bullin hajjiibeeti, qaraxoonaa gibiroonon deqqiibeeti, hakkechi taateenaꞌo beebee echetinaꞌone.

Shoddo 68:29

Yerusaalem beeti ne yaafee kexoyicha getiree, taateenaꞌo wojjoon neech deebemminaꞌone.

Shoddo 76:11

Ittoshi Nuggishoo Doono Yeerich mookkebote; ittoshi mookketonoo ceechibote. Bi guudoona beetinaꞌo bulli, shattiito tuneti biich wojjoon deebeete.

Keyo 23:31

“Ne showee daaroon Ceelle baharoochee Filsixeemee baharooch beddaahaa, barahoochee Efiraaxisi aacooch beddaahaa tuniyemmo taane; ebi showooch beeti asheenaꞌon ne kishooch beshiiree immemmo taane; newoo ne aafoochee yoohiree kichemmo neene.

Dojjecho 2:25

Bi daaggaanoon mamonaa emiroonon hakkemmo konine?

Shoosho 1:1

Asho ceenniti katemee, aabichaa shokko echahane! Aagetee daggooch oogee, aabichaa xuumee tunehane! Woraafee daggooch taatee, and aree gonnee tunehan.

Hiziqeeli 16:13

Aachoonaa birewoonon geddaꞌa shasheti neene; muttee tuppoochee shippeti gaawe taho, shashe qamisoonaa aaxxe tahoona neech beetone; ne maayo gaawe buddino, eeyonaa zayitoonane. Newoo beshoon mallet gaawee tunaꞌa diccehine; taatee tunoyichoo beddehine.

Yibbaatoo 11:24

Ittoshi baatoo neexxiti showoo bulli ittoshicho tunemmone. Ittoshi showee daaro deshi-waan beeti barahoochee tiijjiree, dambi-waan beeti Libanoosi guudinaꞌooch beddaahaa, aabi-keyo waanaa Efiraaxisi aaconaa aabi-gimo waanaa Meditiraanee baharoonooch beddaahaa tunemmone.

Yaasi 1:4

Ittoshi showee daaro, deshi-waan beeti barahoochee tiijjiree, dambi-waan beeti Libanoosi guudinaꞌooch beddemmone; aabi-keyoochaa ooge aaco Efiraaxisee tiijjiree, Hiteenaꞌo showoon gedi, aabi-gimo waan beeti Meditiraanee baharooch beddemmone.

1 Saameeli 10:27

Tunebaani ikkikke gonde asheenaꞌo “Hini uro aabichireeshiye noon bi wodiyemmo?” iꞌi biin qallayiyeete; biich wojjoon immemmon qajjiyeete. Tunebaani Saaꞌooli cikkii qajjiye.