1 Taateenaꞌo 4:20 - Kafa Linguistics Project

²⁰ Yihudee asheenaꞌonaa Israꞌeeleenaꞌona baharee gasheexi qacoochoommon meettiyeete; maa uchiibee emiroona beeheete.

1 Taateenaꞌo 4:20 ပူးပေါင်းရင်းမြစ်များ

Halloo 13:16

Ne shiijjereenaꞌonoo showee toommeexi qacoochoommon meechemmo taane. Koniyoona showee toommeexi qacoon haddii ciichoon hakkaanoone. Ebiyoommon ne shiijjereenaꞌo haddaa ciyaaneenaꞌo tunemminaꞌone.

Halloo 15:5

Maach biin kichiꞌi, “Eke kaama shimaajj ciine; xojjeneenaꞌon haddaa ciichoon ne hakkigaata haddibe. Ebiyoommon ne shiijjereenaꞌo haddaa ciyaaneenaꞌo tunemminaꞌone” iye.

Halloo 22:17

iberoon neen diiremmo taane; ne shiijjereenaꞌonoo shimaajji xojjenoochoommon, baharee gasheexi qacoochoommonoo meechemmo taane. Ne shiijjereenaꞌo boonoshi etteenaꞌochi katemeenaꞌon koyi yeshiree hajjemminaꞌone.

Halloo 32:12

Tunebaani ne taan ‘Neech gaawe mooyon tuniyemmo taane; ne shiijjereenaꞌon haddaa ciyaani baharee gasheexi qacoochoommon meechemmo taane’ ito neene” iye.

1 Taateenaꞌo 3:8

Ne guuno ta beeto, neech ne kaacceti, bi meetoochee tiyitona haddaa ciyaani, dofee asheenaꞌo daggoochiye.

1 Taateenaꞌo 4:29

Yeeri Solomoonich wodde ariyoonaa shalligoonon, wotta baharee gasheexi qacoommi gamini gaboon immitone.

1 Taateenaꞌo 5:9

Ta asheenaꞌo ebi mixon Libanoosi guudinaꞌoochee geechi, baharooch beddaahaa kindiyemminaꞌone; ikkochi cuyiree, baharee toommona deebi, ne getteti xaaꞌooch beddaahaa neech shakkiyemminaꞌone; aroochoo biichemminaꞌone. Ne asheenaꞌoo ebi aroochaa deqqemminaꞌone. Newoo ta kechi asheenaꞌoyich maayoon imona ta qaawaa beeton ceechemmo neene” iye.

2 Taateenaꞌo 18:31

“Hiziqiyaasi gettii beeton waayeyaahote. Ebich Asooree taatoo ishichii beetone: ‘Taanna tookki shunebote; ta waanoo wobote; ittoshi ikkikkoona ittoshi woyinoonaa ittoshi balaasoonoochee mamote; oppeexi ittoshi aacoochee uyote.

1 Kiinoo 12:39

Boonoshi maneenaꞌo maayoonaa uyoonon qanniitoyich, maa uchiibee Daawitina tookkii keejj qeyiyeete.

1 Kiinoo 22:9

tunebaani diggee asho tunemmi bushoo neech shiijjemmone; bi guudoona beeti bi etto bulliichee biin kashiyemmo taane; bi taatee yemeeno bulliich Israꞌeeleenaꞌoyich diggoonaa tooqqii kashoonon immemmo ta tunetoyich, bi shigo Solomooni getteyemmone.

Iyoobi 1:18

Ebin gettii bi beetaa baroo waaꞌi ishichiye: “Ne anaami bushiisheenaꞌonaa maache bushiisheenaꞌona boonoshi qaabbe manoo kexooch kiceeꞌi maa, woyinee uyoonoo uchii beeheete.

Shaahiyoo 14:28

Taatoyich oogo, bi qeejjiibeeti maccee meetone; tunebaani maccoo aallegaata, taatoo aallehe.

Dojjecho 2:24

Ashich mamonaa uyonoyee, bi shuuneti shuunoona emiroonoyee besh, gaawe mooyo aalloone. Ebiyoo Yeer waanee bi ichoon beeggeho.

Isiyaasi 22:13

Tunebaani emiroo, wucwuco, maaꞌoon guuroo, bagoon bashoo, meenon mamonaa woyinee uyoon uyona tunehe; “Yaach qitemmo no tunetoyich maa uyone” iyote.

Mikiyaasi 4:4

Asho bi ikkikkoona, bi woyinee qombee yiirooch, bi balaasee michi xepphoochoo kotemmone; biin keqqichemmo koniyoona aalloone. Beshe Mawe Doono Yeeri ebin gibenikkitone.

Zakaariyaasi 3:10

Beshe Mawe Doono Yeeri ishichiye: “Ebiyooba ittoshi asho bi ikkikkoona bi woyinoonaa bi balaasoonochi baatooch tuneechi bi giyoon ataallemmone” iye.

Zakaariyaasi 9:15

Beshe Mawe Doono Yeeri boonoshin quyemmone. Boonoshi etteenaꞌonoo aalliyemminaꞌone. Etteenaꞌochi xeppellee xaqqoon neexxemminaꞌone; woyinee uyoon uchii masheti ashichoommon cookemminaꞌone. Boonoshi etteenaꞌochi damoo, deejjee damoo saanooch ceenniꞌi ufoommon ufemmone.

Mishiraachechinaꞌo 2:46

Bulli aaboon ikkooch yaafee kexooch kiceebee, boonoshi kexi kexooch ataalleebee, emiroonaa gaawe mulloona ikkooch maa beeheete.

1 Saameeli 30:16

Are Gibitsee asho Daawitin daammii shakkiihe. Areegaata, are bokkeenaꞌo Filsixeemee showoonaa Yihudee showoonoochee kecciꞌi boonoshi deebiti mooyoochee tiyitona emiree baaroon geddii duubbiibee, xaaꞌi xaaꞌoona shaceꞌi maa uchii beeheete.