1 Taateenaꞌo 3:9 - Kafa Linguistics Project

⁹ Ebich gondoonaa deꞌoonon bariiree, ne asheenaꞌon qeejjoo ta hakkemmoyich, ne guuno taach shalligechi mulloon imbe. Ebi tuno qayigaata, ebi shaahe ne asheenaꞌon nallii qeejjoon hakkemmo konine?” iye.

1 Taateenaꞌo 3:9 ပူးပေါင်းရင်းမြစ်များ

2 Saameeli 14:17

“Ta ne gonneyoo ‘Taatoo ta doono ne, deꞌoonaa gondoonon barbariiꞌi ariyoona Yeerichi maraakoommo neene. Ebich taatoo ta doono ne qaaro taan goggiyemmone’ iyaꞌa gabiyoye. Ne Nuggishoo Doono Yeeriyoo neenna tookki tunebe” iyan.

1 Taateenaꞌo 10:24

Yeeri biich immiti shalligoon waayoyich, showoo bulliich beeti asheenaꞌo Solomoonina danoyich qaawii beeheete.

1 Taateenaꞌo 3:10

Solomooni ebi mooyon bi echo Doono Yeerin emirikkiye.

1 Taateenaꞌo 3:28

Taatoo nalliti nalloon Israꞌeeleenaꞌo bulli waayeheete. Dayinnetoona nalloyich Yeerichi shalligoo biich beemon boonoshi beeggitoyich, taatoon shattiyeete.

1 Kiinoo 22:12

Israꞌeeleenaꞌo toommooch neen bi iraashiihooba, ne Nuggishoo Doono Yeerichi getoon ne ceechemmoyich Doono Yeeri ariyoonaa shalligoonon neech imbe.

1 Kiinoo 29:19

Ne geteenaꞌon, ne qociyoonaa ne doyoonon bi quyemmoyich, ta qanniiti qiiceenaꞌona yaafee kexon bi haggemmoyichoo ta bushoo Solomoonich ceeni mulloon imbe” iye.

2 Kiinoo 1:10

Hini asheenaꞌon qeejjoo ta hakkemmoyich shalligoonaa ariyoonon taach imbe. Ebi tuno qayigaata, ebi shaahe ne asheenaꞌon nallii qeejjoon hakkemmo konine?” iye.

Shoddo 119:144

Ne qociyoo bulli yemeenoon cadiqoone; kashoona ta beeyemmoyich shalligoon taach imbe.

Shoddo 119:34

Ne sheeroon ta quyemmoyich shalligoon taach imbe; ta ceeni mulloona ne sheeroyich yittemmo taane.

Shoddo 119:73

Taan hallii shuuneto, ne kishoone; ne geteenaꞌon ta doyemmoyich taan shalligecho tuniibe.

Shaahiyoo 14:8

Ariyechochi shalligoo, bi gommon bi muricaachemmoyich tuniihe; tunebaani tuushoon mullee mucco muriciihe.

Shaahiyoo 16:16

Aachoon danoyee shalligoon dano beshiye; birewoon danoyee goommii deꞌon dano gaawiye.

Shaahiyoo 20:12

Waayeebeeti waamonaa ciinniibeeti aafoonon boonoshi guttinona hallito, Doono Yeerine.

Dojjecho 7:11

Shalligoo gaawetone; iristoon woraashoommone; hini showee toommooch beeti ashich oogeti gaacechone.

Dojjecho 7:19

Shalligoo mullechi ashoon, katemoon qeejjiibeeti aashire iraasheenaꞌoyee beshe hakkechon tuniihe.

Erimiyaasi 1:6

Tawoo “Ta Nuggishoo Doono Yeero, batt bushoo ta tunetoyich aabichi ta yibbaatemmo gaata ariyaano taane” iyo.

Erimiyaasi 45:5

Ne qellich beshe mooyon qaawii beetine? Ebin qaawiyaahine; ebiyoo meeno taheto bulli toommooch gonde mooyon deebemmo ta tunetoyichiye, iye Doono Yeeri. Tunebaani ne hammemmi xaaꞌoo bulliichaa ne kashe muriccemmoyich tuniyemmo taane’ itone” iye.

Daaneeli 2:21

Yeeri yemeenoonaa gooroonon shaddiye; taatoon taatiihe; bi taatittinoonoo shoottiye. Asheenaꞌoyich shalligoonaa ariyoonon immiibeeto, Yeerine.

Maatiyoosi 3:11

“Tawoo axaaxee gommoochee Yeerichi gommooch ittoshi wottoon bekkiyoyich, ittoshin aacona afaalliibeeto taane; tunebaani bi caammoonolla shaagoyich ta bedaano ta hillooch waabeeto, tayee beshe kupphoone; aroo Yaafe Ayaanoonaa qaaqqoona ittoshin afaallemmone.

Maatiyoosi 3:14

Tunebaani Yowannisi “Neenna afaalleyoo taach qaawiihani, aabichaꞌa taanna afaalleya ta waan ne waanne?” iꞌi bajjiye.

Yowannisi 5:30

Yesuusi daakkiꞌi ishichiye: “Ta, ta qelloona ikke mooyonona tuniyoon hakkaano taane; Yeer waanee ta waayetoniye ta nallaabeeto. Taan deejjitochi daaggoonalli, ta daaggoon qaawaano ta tunetoyich, ta nalloo tatoone.

2 Qorontoosi 2:16

Aallooch hammii beetinaꞌoyich wuxiibeeti qitee cinno, wotta wodii beetinaꞌoyich wodiibeeti kashee cinno noone. Illa ebi shuunoyich beddito konine?

2 Qorontoosi 3:5

Ebi shuunoon shuuno no hakkemmoyich hakkoon no daneto Yeer waaneenalli, no qelloona no, amoonolla tuniyoyich “Hakkoo nooch beete” geton ciroona hakkaachone.

Efesooni 5:17

Ebich Doono Yesuusichi daaggoo amo gaata shalligibotalli, mullaalloon tuneyaahote.

Hibireena'o 5:14

tunebaani kupphe maayo qaawiibeeto, gaawetonaa gondoonon bariiꞌi doyiti, mullechi, ariiti asheenaꞌoyichiye.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.

Yaaqobi 3:17

Tunebaani damba Yeer waanee waabeeti shalligee shiichaꞌa xalleene; daakkaꞌa diggoon qaawii beetine; shiimechine; deꞌa ii beetine; maaroonaa deꞌe shuunoo bullina ceennetine; heppoonaa mulloon xalloo shaahiyoona bi waan aalloone.