1 Taateenaꞌo 3:7 - Kafa Linguistics Project

⁷ “Andoo ta Nuggishoo Doono Yeero, ne guuno ta, ta nihoo Daawitichi xaaꞌooch kereeree ta taatemmoyich tuniito neene. Tunebaani ta batt giisheche bushoo taane; gimo keyon ariyaano taane.

1 Taateenaꞌo 3:7 ပူးပေါင်းရင်းမြစ်များ

2 Saameeli 5:2

Besheti yemeenooch, Saaꞌooli no toommooch taateꞌi beehooba, Israꞌeeleenaꞌon ginee koyee xaaꞌoochaa yaabito neene. Doono Yeeriyoo neech ‘Ta asheenaꞌo tuneti Israꞌeeleenaꞌon qiddemmo neene; boonoshinoo qeejjemmo neene’ itone” iyeete.

1 Kiinoo 22:5

Daawiti ishichiye: “Ta bushoo Solomooni batt ariyaani giisheche bushoone; Doono Yeerich shuuneyemmi yaafee kexo oogiichi worganikkito, showee toommo bulliich bi woroo waayeeto tuno qaawiihe. Ebich bulli mooyon biich qanniyemmo taane” iye. Ebina Daawiti bi gettitoommon bi qitoyee shiichiꞌi wodde mooyon qanniihe.

1 Kiinoo 22:9

tunebaani diggee asho tunemmi bushoo neech shiijjemmone; bi guudoona beeti bi etto bulliichee biin kashiyemmo taane; bi taatee yemeeno bulliich Israꞌeeleenaꞌoyich diggoonaa tooqqii kashoonon immemmo ta tunetoyich, bi shigo Solomooni getteyemmone.

1 Kiinoo 29:1

Taatoo Daawiti iitoo bullich ishichiye: “Doono Yeeri kaacciti ta bushoo Solomooni batt ariyaani bushoone; ebi hakkeyemmi kexo ashi taatee kexo tuneyaanoon Nuggishoo Doono Yeerichi yaafee kexo bi tunetoyich, shuunoo maggoone.

Shoddo 121:8

Doono Yeeri ne keyonaa ne gimonon andee tiijjiree bulli yemeenooch beddaahaa quyemmone.

Shaahiyoo 18:12

Asho bi dihoyee shiichiꞌi bi mulloona geeciye; tunebaani qellee giishiyoo oogoyee shiichoone.

Dojjecho 10:16

Bushe taatechi, maaddoona gifiroon geddiibeeti iraashechi showoyich woowo!

Erimiyaasi 1:6

Tawoo “Ta Nuggishoo Doono Yeero, batt bushoo ta tunetoyich aabichi ta yibbaatemmo gaata ariyaano taane” iyo.

Erimiyaasi 1:7

Tunebaani Doono Yeeri taach ishichiye: “Ta wochemmo bulliich hammemmo ne tunetoyich, ta gettemmo bullin gettemmo ne tunetoyich, ‘Batt bushoo taane’ gettaahine.

Daaneeli 2:21

Yeeri yemeenoonaa gooroonon shaddiye; taatoon taatiihe; bi taatittinoonoo shoottiye. Asheenaꞌoyich shalligoonaa ariyoonon immiibeeto, Yeerine.

Daaneeli 4:25

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene; ne ashittino shimaayoochee kindiibeeti doshoona shuxxemmone. Aroochee Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone.

Daaneeli 4:32

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene. Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone” iye.

Daaneeli 5:18

“Taatoocho, Beshe Nuggishoo Yeeri ne nihoo Nabukadinatsorin taatiiꞌi, oogoon, giidoonaa oogee yiiroonon biich immitone.

Daaneeli 5:21

Ashi daggoochee kichaa yookkehe; bi mullo gijjee mullooch shaddeehe. Kubbi kureenaꞌona tookkii beehe; gattoochoommonoo mocoon maahe; bi ashittino shimaayoochee kindiibeeti doshoona shuxxiye. Beshe Nuggishoo Yeeri asheenaꞌochi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ciiroochaa ariihe.

Yowannisi 10:9

Kello taane. Taanna giyimmo koniyoona wodemmone; giyemmone, kechemmone, bi maayemmonoo danemmone.

Yibbaatoo 31:2

ishichiinoo iye: “And balli hiye nati asho tuneto taane. Illa ebiyee damba ittoshin yaabii qeejjoon hakkaachemmo taane. Doono Yeeriyoo taan ‘Yoordaanoosin kimaachemmo neene’ itone.

1 Saameeli 18:16

Israꞌeeleenaꞌonaa Yihudee asheenaꞌona bulloshi Daawitin shunniyeete. Ebiyoo ginoochaa boonoshiyee aaf tuneꞌi koyiibeeto, Daawiti bi tunetoyichiye.