1 Taateenaꞌo 3:3 - Kafa Linguistics Project

³ Solomooniyoo Doono Yeerin shunnii beetone. Bi nihoo Daawitichi qociyoona hammii beehe; tunebaani guudi toommeexi goyinnee xaaꞌeenaꞌoochaa deejjoon deejjii, ixaanoon shookkii beehe.

1 Taateenaꞌo 3:3 ပူးပေါင်းရင်းမြစ်များ

1 Taateenaꞌo 11:34

“ ‘Tunebaani taatittino bullin bi kishoochee tiijjaachemmo taane. Ta qociyoonaa ta getoonon quyeti, ta kaacceti Daawiticha getiree, kashoona bi beeti yemeeno bulliich biin wulloo tuniyemmo taane.

1 Taateenaꞌo 11:38

Ta guuno Daawitichoommon ta geto bullin ne waayegaata, ta gommona ne hamigaata, ta qociyoonaa ta getoonon quyoona ta aafooch kaame mooyon ne tuniigaata, neenna tookki tunemmo taane. Daawitichi taatittinoon ta manjiyoommon, ne taatittinoon manjiyemmo taane; Israꞌeeleenaꞌon neech immemmo taane.

1 Taateenaꞌo 11:4

Solomooni geenehooba, bi mecheenaꞌo bi mulloon, bare nuggisheenaꞌo waan wochiyeete. Solomooni, bi nihoo Daawitichoommon, bi mullo bi Nuggishoo Doono Yeerich gibeneeto tuneyaanoone.

1 Taateenaꞌo 11:6

Ebina Solomooni Doono Yeeri aafooch gonde mooyon tuniihe. Bi nihoo Daawitichoommon, Doono Yeerin ceeni bi mulloona dabbaanoone.

1 Taateenaꞌo 14:23

Boonoshiyoo guudi toommo bullinaa waajjechi michi baatoo bullinooch goyinnee xaaꞌeenaꞌon, goyinnee xaqqee giimbeenaꞌonaa Asheeri misileenaꞌonon shuuneheete.

1 Taateenaꞌo 14:8

Daawitichi yaroo waanee taatittinoon tiijjaꞌa neech immehoye. Tunebaani ne, ta aafooch kaame mooyon baach tuniyoona ta getoon waayeti, bi ceeni mulloona taan dabbiti, ta guuno Daawitiyoommo toono neene.

1 Taateenaꞌo 15:11

Aasi bi qaabbechi Daawitichoommon, Doono Yeeri aafooch kaame mooyon tuniihe.

1 Taateenaꞌo 15:14

Aasi guudi toommeexi goyinnee xaaꞌeenaꞌon ciroona aalliyoo bi qajjitaanona, kashoona bi beeti yemeeno bulliich ceeni bi mulloona Doono Yeerich gibeneetone.

1 Taateenaꞌo 15:3

Biyoo bi nihoo shuuneti axaaxoo bullin shuunehe. Bi qaabbechi Daawitichoommon, bi mullo bi Nuggishoo Doono Yeerich gibeneeto tuneyaanoone.

1 Taateenaꞌo 15:5

Ebin bi tuniito, Hitee asho tuneti Uuriyi toommooch bi tuniiti xuꞌoyee besh, Daawiti kashoona bi beeti yemeeno bulliich, Doono Yeeri aafooch kaamoo tuneti mooyon bi tuniitoyich, Doono Yeerichi getoocheenoo gubb shokaano bi tunetoyichiye.

1 Taateenaꞌo 22:43

Yoshafaaxi bulli mooyona bi nihoo Aasichi gommon dabbiye; aroochee okk hach getaanoone. Doono Yeeri aafooch kaame mooyon tuniihe. Tunebaani guudi toommeexi goyinnee xaaꞌeenaꞌon aalliyaanoone. Asheenaꞌo andoo guudinaꞌo toommooch beeti goyinnee xaaꞌeenaꞌooch deejjoon deejjii, ixaanoonoo shookkii beeheete.

1 Taateenaꞌo 22:44

Yoshafaaxiyoo Israꞌeelee taatoona tookkii shunoona beehe.

1 Taateenaꞌo 3:14

Ne nihoo Daawiti tuniitoommon, ta gommona ne hamigaata, ta qociyoonaa ta getoonon ne quyegaata, ne eenon genjiyemmo taane” iye.

1 Taateenaꞌo 3:6

Solomooniyoo ishichiye: “Ne guuno ta nihoo Daawiti, ne aafooch gibeneeto, cadiqoonaa kaame mullechona bi tunetoyich, ooge ne shoodoon bekkiito neene. Ebi ooge ne shoodo bi kuxeyaachemmoyich tuniyaꞌa, bi taatee qeenooch kotemmi bushoon biich hanaach immeto neene.

1 Taateenaꞌo 8:25

“Andoo Israꞌeelee Nuggishoo Doono Yeero, ne guuno tuneti, ta nihoo Daawitich ‘Ta getoon ne waayoommon, ne bushiisheenaꞌo baach ta getoon waayebeetani, ta aafooch, Israꞌeelee taatee qeenooch kotemmi asho ne shiijjeroochee mucceyaachemmone’ iyaꞌa ne gibenikkiti gibenoon ceechibe.

1 Taateenaꞌo 8:61

Hanaachichoommon bi qociyoona ittoshi hammemmonaa bi getoon ittoshi quyemmonoyich, ceeni ittoshi mulloona no Nuggishoo Doono Yeerich gibeneeto tunebote” iye.

1 Taateenaꞌo 9:4

“Newoo, ne nihoo Daawitichoommon, ta getoon ne waayegaata, xalle mulloonaa kaamittinoona taach ne maddegaata, neech ta getteto bullin ceechaa ne tuniigaata, ta qociyoonaa ta doyoonon ne quyegaatoo,

2 Taateenaꞌo 12:3

Tunebaani guudi toommeexi goyinnee xaaꞌeenaꞌo aalleyaaneenaꞌone. Asheenaꞌo kuxaanoon ebi xaaꞌeenaꞌoochaa deejjoon giddii, ixaanoonoo shookkii beeheete.

2 Taateenaꞌo 12:4

Yoꞌaashi qeesheenaꞌoyich, “Doono Yeerichi yaafee kexooch waati, yaafeeti gijjoo bullin, kashee keroon waabeeti gijjoonaa boonoshi mullee daaggoona Doono Yeerichi kexooch boonoshi deebiibeeti gijjoo bullinon,

2 Taateenaꞌo 14:3

Amasiyaasi Doono Yeeri aafooch kaame mooyon tuniihe. Tunebaani bi tuniito, bi nihoo Yoꞌaashichoommonani, bi qaabbechi Daawitichoommon toonoone.

2 Taateenaꞌo 14:4

Guudi toommeexi goyinnee xaaꞌeenaꞌo happeyaaneenaꞌone. Asheenaꞌoo guudi toommeexi goyinnee xaaꞌeenaꞌoochaa deejjoon giddiyoonaa ixaanoon shoohonon neechaaneenaꞌone.

2 Taateenaꞌo 15:35

Tunebaani guudi toommeexi goyinnee xaaꞌeenaꞌo aalleyaaneenaꞌone. Asheenaꞌoo are xaaꞌeenaꞌoochaa andoo deejjoon giddii, ixaanoonoo shookkii beeheete. Biyoo Doono Yeerichi yaafee kechi xaqqee uxeree dambee kelloon shuunehe.

2 Taateenaꞌo 15:4

Tunebaani guudi toommeexi goyinnee xaaꞌeenaꞌo aalleyaaneenaꞌone. Asheenaꞌoo are xaaꞌeenaꞌoochaa andoo deejjoon giddii, ixaanoonoo shookkii beeheete.

2 Taateenaꞌo 18:22

Ittoshiyoo taach, “No Nuggishoo Doono Yeerin gibenemmo noone” ittoshi getaachemmoyich, Hiziqiyaasi Yihudee asheenaꞌonaa Yerusaalemi asheenaꞌonoyich, “Ittoshi goyinnemmo, Yerusaalem beeti deejjee gudee aafoochiye” getona, guudi toommeexi, Doono Yeerichi goyinnee xaaꞌeenaꞌonaa deejjee gudeenaꞌonon aalliitone.

2 Taateenaꞌo 18:4

Guudi toommeexi goyinnee xaaꞌeenaꞌon happii aalliihe; goyinnee xaqqee giimbeenaꞌonoo tiichiye; nuggishee Asheeri misiloon kuxxii duppiye. Arooba beddaahaa Israꞌeeleenaꞌo ixaanoon aroyich shookkii boonoshi beetoyich, Muusi gooshoochee shuuneti, Nehushitaani getteebeeti dingeree misiloonoo tiichiye.

2 Kiinoo 15:17

Aasi guudi toommeexi goyinnee xaaꞌeenaꞌon Israꞌeelee showoochee ciroona aalliyoo bi qajjitaanona, kashoona bi beeti yemeeno bulliich Doono Yeerich gibeneetone.

Shoddo 145:20

Doono Yeeri biin shunniibeeto bullin quyehe; tunebaani gondeenaꞌo bullin aalliihe.

Shoddo 31:23

Bi yaafeenaꞌote, ittoshi bulli Doono Yeerin shunote; Doono Yeeri gibeneetinaꞌon quyee beetone; tunebaani geecechinaꞌon bede sheeroon sheeremmone.

Leweenaꞌo 17:5

Ebi sheeroo bi icheto, Israꞌeeleenaꞌo xalle gaddoochaa boonoshi guuriibeeti deejjee gijjeenaꞌon danee duukkaanee kellooch, qeeshoo waan deebiree, ebi aroochaa ikkittinee deejjoon tuniiree Doono Yeerich boonoshi deejjemmoyichiye.

Maatiyoosi 22:37

Yesuusiyoo wochiꞌi ishichiye: “ ‘Ne Nuggishoo Doono Yeerin ceeni ne mulloona, ceeni ne kashoona, ceeni ne shalligoona shune’ ii beetone.

Yowannisi 14:15

“Taan shunniibeeto ittoshi tunegaata, ‘Tuniibote’ iyaꞌa ta getteton ceechemmo ittoshine.

Yowannisi 14:21

‘Tuniibe’ iyaꞌa ta getteton deꞌa iꞌi tuniibeeto, taan shunniibeeto aroone; taan shunnii beeton ta Nihoo shunnemmone; tawoo shunnemmo taane; biichoo bekkemmo taane” iye.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

1 Qorontoosi 8:3

tunebaani koniyoona Yeerin bi shunigaata, are uro Yeerina arichetone.

Yibbaatoo 10:12

“Andoo Israꞌeelo, ne Nuggishoo Doono Yeeri ne waanee bi qaawiibeeto, amooniye? Ne Nuggishoo Doono Yeerin ne shattemmoyich, bi gommo bullina ne hammemmoyich, biin ne shunnemmoyich, ceeni ne mulloonaa ceeni ne kashoona biich ne goyinne maddemmoyich,

Yibbaatoo 10:13

bi getoonaa bi qociyoonon ne quyemmoyichiye. Hanaach ebin neech ta gettaabeeto, mooyo neech bi kaamemmoyichiye.

Yibbaatoo 11:13

“Hanaach ittoshich ta gettaabeeti geteenaꞌon ceechi quyebote. Ittoshi Nuggishoo Doono Yeerin shunote. Ceeni ittoshi mulloona, ceeni ittoshi kashoonoo biich goyinne maddebote.

Yibbaatoo 30:16

Ne Nuggishoo Doono Yeerin shunona, bi gommona hamona, bi getoon, bi qociyoonaa bi doyoonon ceechoona, hanaach neech ta gettaabeeti ne Nuggishoo Doono Yeerichi getoon ne waayegaata, kashoona beeyemmo neene; meetishoo gettemmo neene. Giyiree woraashiya ne hammaabeeti showoochaa ne Nuggishoo Doono Yeeri neen diiremmone.

Yibbaatoo 30:20

Ne Nuggishoo Doono Yeerin shune. Bi qaaroon waayebe. Biinna tookkishoo ikkottebe. Ebina ne qaabbechi Abrahamich, Yisaaqinaa Yaaqobinoyich imma bi wogeti showooch neennaa ne shiijjeroona meeti yemeenoon kashoona beeyemmo ittoshine” iye.

Yibbaatoo 30:6

Doono Yeeri ne mulloonaa ne shiijjereenaꞌo mulloona biich deꞌa gettemmoyich tuniyemmone. Ebiyoo ne Nuggishoo Doono Yeerin ceeni ne mulloonaa ceeni ne kashoona ne shunnemmoyich, kashoonoo ne beeyemmoyichiye.

Yibbaatoo 6:5

Newoo ne Nuggishoo Doono Yeerin ceeni ne mulloona, ceeni ne kashoona, ceeni ne giidoona shune.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

1 Saameeli 9:12

Maache bushiisheenaꞌo boonoshich wochiꞌi ishichiyeete: “Eeha, beetone. Ittoshiyee aaf hammiibeeto bi tunetoyich, kaate afaafine hambote. Asheenaꞌo hanaach guudi toommeexi goyinnee xaaꞌoochaa deejjoon giddiyemminaꞌo boonoshi tunetoyich, no katemooch bi waato, batt hanaachiye.