1 Taateenaꞌo 2:4 - Kafa Linguistics Project

⁴ Ebin ne tuniigaata, Doono Yeeri taach ‘Ne yareenaꞌo ta getoon boonoshi waayegaata, ta aafooch ceeni boonoshi mulloonaa ceeni boonoshi kashoona gibeneeto tuneꞌi boonoshi giyii keyigaata, Israꞌeelee taatee qeenooch kotemmi asho ne yaroochee mucceyaachemmone’ bi iti qaaro ceennemmone.

1 Taateenaꞌo 2:4 ပူးပေါင်းရင်းမြစ်များ

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

2 Saameeli 7:25

“Illa and Nuggishoo Doono Yeero, ne guuno taannaa ta shiijjeroonoyich ne gibenikkiti gibenoon bulli yemeenoon ceechibe; ne gettetoommonoo tuniibe.

1 Taateenaꞌo 1:48

‘Hanaach ta yaroochee ta taatee qeenooch kotemmon ta hajjee aafo beeggemmoyich tuniiti, Israꞌeelee Nuggishoo Doono Yeeri galleteebe’ itone” iye.

1 Taateenaꞌo 11:36

Ta shigo arooch bi beeyemmoyich, ta kaacceti katemoo Yerusaalem, ta guuno Daawitich ceechoo bulli aaboon ta aafooch bi beeyemmoyich, bi bushoyich ikke yoodoon immemmo taane.

1 Taateenaꞌo 3:14

Ne nihoo Daawiti tuniitoommon, ta gommona ne hamigaata, ta qociyoonaa ta getoonon ne quyegaata, ne eenon genjiyemmo taane” iye.

1 Taateenaꞌo 3:3

Solomooniyoo Doono Yeerin shunnii beetone. Bi nihoo Daawitichi qociyoona hammii beehe; tunebaani guudi toommeexi goyinnee xaaꞌeenaꞌoochaa deejjoon deejjii, ixaanoon shookkii beehe.

1 Taateenaꞌo 6:12

“Ta qociyoona ne hamigaata, ta doyoyich deꞌa ne getigaata, ta geto bullin ne quyegaata, ne tuniigaatoo, ebi ne shuunaabeeti kexichon ne nihoo Daawitich ta gibenikkiti gibenoon neenna ceechemmo taane.

1 Taateenaꞌo 8:23

ishichiye: “Israꞌeelee Nuggishoo Doono Yeero, damba shimaayooch tuneba desh showooch neenoommi Nuggishoo aalloone. Boonoshi ceeni mulloona neen dabbiibeeti ne guuninaꞌoyich ne giyeti wogoon ceechaabeeti, shoodechi Nuggishoo neene.

1 Taateenaꞌo 8:25

“Andoo Israꞌeelee Nuggishoo Doono Yeero, ne guuno tuneti, ta nihoo Daawitich ‘Ta getoon ne waayoommon, ne bushiisheenaꞌo baach ta getoon waayebeetani, ta aafooch, Israꞌeelee taatee qeenooch kotemmi asho ne shiijjeroochee mucceyaachemmone’ iyaꞌa ne gibenikkiti gibenoon ceechibe.

1 Taateenaꞌo 9:5

ne nihoo Daawitich ‘Israꞌeelee taatee qeenooch kotemmi asho ne yaroochee mucceyaachemmone’ iyaꞌa ta gettetoommon, ne taatee qeenon Israꞌeeleenaꞌo toommooch bulli yemeenoon manjiyemmo taane.

2 Taateenaꞌo 20:3

“Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

2 Taateenaꞌo 23:25

Muusichi Sheerooch kooreeton ceechoona Yosiyaasichoommon ceeni bi mulloona, ceeni bi kashoonaa ceeni bi hakkoona Doono Yeerich maddeti taatoo, biyee aafoo tuneba biyee gubb, aalloone.

2 Taateenaꞌo 23:3

Taatoo giimbee gaꞌooch neexeechii, ceeni bi mulloonaa ceeni bi kashoona Doono Yeerin dabboyich, bi getoon, bi qociyoonaa bi sheeroonon quyoyich, ebi macaafooch kooreeti wogoon ceechoyich, Doono Yeeri aafooch wogoon giyiye. Asheenaꞌo bulliyoo wogoon giyiyeete.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

2 Kiinoo 17:3

Bi qaabbechi Daawitichi batti batti gommon bi dabbitoyich, Baꞌaaloonoo dabbaano bi tunetoyich, Doono Yeeri biinna tookkii tunehe.

2 Kiinoo 6:16

“Andoo Israꞌeelee Nuggishoo Doono Yeero, ne guuno tuneti, ta nihoo Daawitich ‘Ta sheeroon ne quyoommon, ne bushiisheenaꞌo baach manjii quyebeetani, ta aafooch Israꞌeelee taatee qeenooch kotemmi asho ne shiijjeroochee mucceyaachemmone’ iyaꞌa ne gibenikkiti gibenoon ceechibe.

2 Kiinoo 7:18

ne nihoo Daawitich, ‘Israꞌeeleenaꞌon qeejjemmi asho ne yaroochee mucceyaachemmone’ iyaꞌa wogoon ta giyetoommon, ne taatee qeenon manjiyemmo taane.

Shoddo 119:9

Gurimaashoo xallittinoona beemon bi hakkemmo aabichireeshiye? Ne qaaroon quyoonane.

Shoddo 37:22

Doono Yeeri diiritinaꞌo showoon woraashemminaꞌone; tunebaani bi uppitinaꞌo aallemminaꞌone.

Shoddo 37:9

Gondeenaꞌo aallemminaꞌone; tunebaani Doono Yeerin gibenee beetinaꞌo, showoon woraashemminaꞌone.

Shoddo 39:1

Tawoo “Ta heciyoona axaaxoon ta shuuneyaachemmoyich, ta gommon quyemmo taane; gondeenaꞌo ta beetooch boonoshi beemmi aabo bulliich, ta kookkooch lugaamoon geddemmo taane” iyoye.

Erimiyaasi 33:17

Ebich Doono Yeeri ishichiye: “Daawiti yaroochee Israꞌeelee taatee qeenooch kotemmo mucceyaachemmone.

Leweenaꞌo 26:3

“ ‘Ta qociiti qociyoona ittoshi beegaata, ta geteenaꞌonoo manjii ittoshi quyegaata,

Zakaariyaasi 14:2

Doono Yeeri, Yerusaalemin boonoshi kochemmoyich, aageteenaꞌo bullin kicemmone. Katemoo yecheyemmone; kexinaꞌoo bosheyemminaꞌone; maacheenaꞌo giidoona yeshaa mecheyemminaꞌone. Katemee ashoochee qato kecaa hammemmone. Tunebaani aroochee echemmi asheenaꞌo katemoochee ciroona aalleyaachemminaꞌone.

Maatiyoosi 22:37

Yesuusiyoo wochiꞌi ishichiye: “ ‘Ne Nuggishoo Doono Yeerin ceeni ne mulloona, ceeni ne kashoona, ceeni ne shalligoona shune’ ii beetone.

Luqaasi 1:6

Gutteenaꞌoo Doonochi getoonaa qociyonoochee ikkoonolla shappayaanoon ceechii beetinaꞌone; Yeeri aafoochoo cadiqeenaꞌone.

Yibbaatoo 10:12

“Andoo Israꞌeelo, ne Nuggishoo Doono Yeeri ne waanee bi qaawiibeeto, amooniye? Ne Nuggishoo Doono Yeerin ne shattemmoyich, bi gommo bullina ne hammemmoyich, biin ne shunnemmoyich, ceeni ne mulloonaa ceeni ne kashoona biich ne goyinne maddemmoyich,

Yibbaatoo 11:13

“Hanaach ittoshich ta gettaabeeti geteenaꞌon ceechi quyebote. Ittoshi Nuggishoo Doono Yeerin shunote. Ceeni ittoshi mulloona, ceeni ittoshi kashoonoo biich goyinne maddebote.

Yibbaatoo 6:5

Newoo ne Nuggishoo Doono Yeerin ceeni ne mulloona, ceeni ne kashoona, ceeni ne giidoona shune.

Yibbaatoo 7:12

Muusiyoo daakkiꞌi ishichiye: “Ebi geteenaꞌon ellaa waayaꞌa ceechaa ne quyegaata, ne Nuggishoo Doono Yeeri ne qaabbechinaꞌoyich bi gibenikkitoommon, bi wogoon kuxaanoon neechoo tuniyemmone; kuxeyaani bi shunoonoo bekkiyemmone.

Yihudi 1:24

Giinnii dihoochee ittoshin quyebee, bachaallo tuniiree bi oogee yiiree aafooch oogeti emiroona ittoshin neechoon hakkiibeeti,