1 Taateenaꞌo 2:32 - Kafa Linguistics Project

³² Biyee gaaweti gutte cadiqe asheenaꞌon, eboshiyoo Israꞌeelee ginee iraashoo Neeri bushoo Abeneerinaa Yihudee ginee iraashoo Yeteeri bushoo Amaasinon, ta nihoo Daawiti ariyaanoon, goraadoona bi wuxitoyich, Doono Yeeri bi shuuneti shuunoon bi toommooch wochemmone.

1 Taateenaꞌo 2:32 ပူးပေါင်းရင်းမြစ်များ

Halloo 4:11

Illa ebiyee bekk uppeto neene; ne ukkiti ne manoo damoon ucha bi kookkoon gaxxiti hini showee toommoochee yookketo neene.

Halloo 42:22

Roobeeli wochii boonoshich ishichiye: “Arooba ‘Ebi bushoo toommooch gondoon shuuneyaahote’ iyaa ittoshich getaano taane? Tunebaani ittoshi ta getteton waayeyaano ittoshine. And ebeegote, bi damoo no kishoochee qaawee beetone” iye.

Halloo 9:6

“Asho, Yeeri ta malletoona halleetone; ebich ashi damoon ukkimmochi damoon bare asho ukkemmone.

2 Saameeli 1:16

Uro batt qitaan beetaa, Daawiti biich ishichiye: “Doono Yeeri huuttiton wuxito ne tunoon ne hajjee noonoona miixeto neene. Ne damoo ne toommooch tunebe” iye.

2 Saameeli 17:25

Abisoloomi Yoꞌaabi qoodoon Amaasin ginee naayinaꞌo toommooch iraashiihe. Amaasiyoo Israꞌeelee asho tuneti Yeteeri bushoone. Bi indeyoo Nahaashi bushee, Yoꞌaabichi indee Tseruuyichi manee tuneti Abigeline.

2 Saameeli 3:29

Bi damoo Yoꞌaabi toommooch, bi nihoo kechi asheenaꞌo toommoochoo tunebe. Yoꞌaabi kechi asheenaꞌo daggooch bi achoochee awaawunoo ufeebeeto, woyee qeddee shaddee biiyecho, woyee baata yesho woyee goraadoona qitemmo, woyee bi maayemmon mucceto aallaaye” iye.

2 Saameeli 3:37

Ebina bi asheenaꞌo bullinaa Israꞌeeleenaꞌo bullina Abeneeri qitoyich taatoo kishoo aallo bi tunoon ariiheete.

2 Saameeli 3:39

Huutteti taatoo ta tunetaanoona, hanaach hakkoo guuteeto taane. Tunebaani ebi Tseruuyi bushiisheenaꞌo tayee beshii giidetinaꞌone. Doono Yeeri bi shuunetoommon gondoyich shuunebe” iye.

2 Saameeli 4:11

Bi hajjee kexooch, bi qeenooch qeyiꞌi beeti, xalle ashoon wuxiti gonde asheenaꞌo toommooch ebiyee beshe mooyo tunemmone. Bi damoon ittoshi kishoochee qaawemmo, ittoshinoo showee toommoochee aalliyemmo taane” iye.

1 Taateenaꞌo 2:44

Aroochee taatoo daakkiꞌi, Shimeꞌich ishichiye: “Ta nihoo Daawiti toommooch ne tuniiti gonde mooyo bullin ne mulloona ariyaabeeto neene. Ebich Doono Yeeri ne shuuneti gonde shuunoon ne toommooch wochemmone;

1 Taateenaꞌo 2:5

“Newoo Tseruuyi bushoo Yoꞌaabi ta toommooch bi tuniiton, Israꞌeelee ginee naayinaꞌochi iraasheenaꞌo tuneti Neeri bushoo Abeneerinaa Yeteeri bushoo Amaasinochi toommooch bi shuuneton ariyaabeeto neene; ginoochaa ufeti damoyich nichoon kichoona diggee aaboona boonoshi damoon ukkitone. Ebi damoona bi shimetooch bi cuyeti shachoonaa bi baatooch bi gedditi caammoonon wooriitone.

1 Taateenaꞌo 8:32

ebin shimaayoochaa waayeree nallibe; ne guuninaꞌo daggooch nallecho tunebe; bi shuunoon biich shuuneree xuqqito toommooch nallibe; xalloonoo wodiibe; bi xallittinoommonoo biich qoce.

2 Kiinoo 21:13

tunebaani Israꞌeelee taateenaꞌochi gommon dabbito neene; Akaabichi shiijjereenaꞌo Israꞌeeleenaꞌo Yeerich boonoshi gibeneyaachemmon boonoshi tuniyoommon Yihudee asheenaꞌonaa Yerusaalemi asheenaꞌona gibeneyaachemmon tuniihine; neyee beshe gaaweti, ne nihoochi kechi asho tuneti ne maneenaꞌon wuxihine;

2 Kiinoo 21:14

ebich Doono Yeeri ne asheenaꞌon, ne bushiisheenaꞌon, ne mecheenaꞌonaa ne hajjito bullinon oogeti naxoona yexxemmone.

Asteeri 1:19

“Ebi mooyo taatoon emirikkemmo bi tunegaata, gennee abeeti Ashixiini taatoo waan bi giyaachemmoyich, awaajjo keye; ebi awaajjoo bi shaddeyaachemmoyich, Faariisinaa Meedinochi showee sheerooch kooreebe. Taatoo gennee abeeti bi tunee oogee xaaꞌoonoo biyee beshiti bareyich imbe.

Shoddo 7:16

Bi maroo bi toommooch wottemmone; bi xuꞌo wochi bi shimbooch kindemmone.

Shoddo 7:17

Bi cadiqittinoyich Doono Yeerin galletehoye; Beshe Nuggishoo Doono Yeeri shigoyich, galletee shoddoon shoddehoye.

Hiziqeeli 17:19

“Ebich Nuggishoo Doono Yeeri ishichiye: ‘Beeyecho ta tunoona wogehoye: Bi qallayiti ta wogo, bi happiti ta wogo, biin yechemmoyich tuniyemmo taane.

Haddoo 32:23

“Tunebaani ebin tuniyoo ittoshi qayigaata, Doono Yeerin xuqqemmo ittoshine. Ebi ittoshi axaaxoo ittoshin gawukkaachemmo bi tunoon ariibote.

Woraaferasheenaꞌo 9:24

Ebi bi tuneto, Yerubaꞌalichi shabe bushiisheenaꞌo toommooch tuneti magge mooyonaa ufeti boonoshi damoona boonoshin wuxiti boonoshi manoo Abimeleeki toommooch, wotta bi maneenaꞌon bi wuxemmoyich bi mochoon kupphiiti Shekeemi asheenaꞌo toommooch bi shaggemmoyichiye.

Woraaferasheenaꞌo 9:57

Ebiyoommon wotta Shekeemi katemee asheenaꞌochi gonde shuunoon boonoshi toommooch wochiye. Yerubaꞌali bushoo Yotaami uppiti ufo boonoshi toommooch shaggiye.

1 Saameeli 15:28

Saameeliyoo ishichiye: “Doono Yeeri Israꞌeeleenaꞌochi taatittinoon hanaach ne waanee keexxiꞌi, neyee besho tuneti bare ashich immitone.