1 Taateenaꞌo 2:22 - Kafa Linguistics Project

²² Taatoo Solomooniyoo bi indeyich ishichiye: “Amoyich Shuneemee ashe Abishagin baach Adoniyaasich echenne? Ta qaabbe manoo bi tunetoyich, taatittinoonoo biich echebani am! Biich baach tuneyaanoon, qeeshoo Abiyataarinaa Tseruuyi bushoo Yoꞌaabinoyichoo ebiyoommon echebe!” iye.

1 Taateenaꞌo 2:22 ပူးပေါင်းရင်းမြစ်များ

2 Saameeli 12:8

Bi taatittinoon neech immehoye; bi mecheenaꞌonoo ne sheenooch ne tiqqemmon tuniihoye. Israꞌeeleenaꞌonaa Yihudee asheenaꞌonochi toommooch neen taatiihoye. Ebi giisheto gaata, ebiyee beshoon daakkiree immesho taane.

2 Saameeli 16:21

Akixofeeliyoo Abisoloomich ishichiye: “Taatee kexon boonoshi quyemmoyich echiichii bi hammiti, ne nihoochi naamacheenaꞌo waan giyiree boonoshin qebe. Ebina ne nihoona tookkaa ciroona kuxeto ne tunoon Israꞌeeleenaꞌo bulli waayemminaꞌone. Neenna tookkii beeti asheenaꞌochi mochoo kupphemmone” iye.

1 Taateenaꞌo 1:11

Aroochee Naataani Solomoonichi indee Baarshabich ishichiye: “No doono Daawiti ariyaanoon, Hagiiti bushoo Adoniyaasi taatoon waayeyaane neene?

1 Taateenaꞌo 2:15

Adoniyaasiyoo “Taatittino taacho bi tunoon, Israꞌeeleenaꞌo bulli taatoo ta tunemmoyich, boonoshi aafoon ta waan boonoshi wochoonoo ariyaabeeti neene. Tunebaani mooyo Doono Yeer waanaa bi maachetoyich, taatittino ta waanee besheꞌi ta manoyich tunetone.

1 Kiinoo 3:2

keejjinnoo Geshuuree taatoo Talimayi bushee Maꞌak waanee shiijjeti Abisoloomi; awuddinnoo Hagiit waanee shiijjeti Adoniyaasi;

1 Kiinoo 3:5

Yerusaalem beechii bi shiyiti bushiisheenaꞌo eboshine: Ameli bushee Baarshabi shiyeti awudde bushiisheenaꞌo: Shimeꞌi, Shobaabi, Naataaninaa Solomooninane.

Maatiyoosi 20:22

Tunetaa Yesuusi wochiꞌi, “Ittoshi qollemmon ariyaachote. Ta uchemmi xuuxee xoofoochee uyon hakkehote?” iye. Boonoshiyoo wochiꞌi, “Eeha hakkemmo noone” iyeete.

Maariqoosi 10:38

Tunebaani Yesuusi ishichiye: “Ittoshi qollee beeton ariyaachote. Ta uchemmi xuuxee xoofoochee uyon, ta afaalleyemmi afaalleyoon afaalleyoo hakkehote?” iꞌi echehe.

Yaaqobi 4:3

Ittoshi qaatiibeeti mooyon Yeeri ittoshich bi immemmoyich qollehote; tunebaani ittoshi qaatoon ceechoyicha iꞌi gonde gaboona ittoshi qollee beetoyich, bi waanee daneyaachote.