1 Taateenaꞌo 18:7 - Kafa Linguistics Project

⁷ Abidiyi hammii bi beetaa, gommoochaa Eliyaasi biinna danehe. Abidiyiyoo biin ariihe; baroona guufeechii, “Ta doono Eliyaaso, iberoon ebi halla neene?” iye.

1 Taateenaꞌo 18:7 ပူးပေါင်းရင်းမြစ်များ

Halloo 18:12

Ebich Saari “Hini geenee baayeti ta, anaamona dano taan emirikkehe? Wotta ta doonoo oogeton geenetone” iyaa bi mulloona gabaꞌa miiccahan.

Halloo 18:2

Abrahamiyoo kaama ciinniꞌi, keejje asheenaꞌo bi ciinooch neexee beetinaꞌon beeggiye. Boonoshin beeggiꞌi, bi duukkaanoochee boonoshi beetooch wocona hammiye; showooch guufeꞌi boonoshin diggiihe.

Halloo 44:16

Yihudiyoo “No doonocho, amoonolla geton hakkaachone. Neech no wochemmi noonoo nooch aalloone. Amoonane no xallemmo? Yeeri ne guuninaꞌo no axaaxoon gaxxitone. Illa xoofoo bi mollexxoochee daneto ikkeeto baach tuneyaanoon, no bulli no doonochi guuno noone” iye.

Halloo 44:20

Nowoo, no doono neech ishichiyone: ‘Eeha geene nihoo nooch beetone. Geenoochaa bi shiyiti guuche manoo nooch beetone. Bi qaabbe manoo qititone. Bi indeechi bushiishoochee echeto, bi ikkeetone. Bi nihoo oogichii biin shunniye’ iyone.

Halloo 44:33

“Ebich and neen qollehoye: Ne guuno ta, ta doono ne waan guuno tuneree bushoo keroon echeechaa, bushoo bi maneenaꞌona tookki wottebe.

Halloo 50:18

Aroochee bi maneenaꞌo waa bi aafooch guufee goyinneꞌi, “No, ne guuno noone” iyeete.

2 Saameeli 19:18

Boonoshiyoo taatoochi kechi asheenaꞌon aacon kichiyoonaa bi shunnimmon shuunoonoyich aacon kimmiyeete. Taatoo aacon kimma bi tiyaahaa Geeri bushoo Shimeꞌi hammiꞌi bi aafooch dihiichii,

1 Taateenaꞌo 11:29

Ikke areddoon, Yeroboꞌami Yerusaalemee kechii bi hammii beetaa, Shiloohee asho tuneti, keemechi Akiyi gommoochaa biinna danehe. Areegaata, Akiyi andire qoreddoon taheꞌiniye bi beeto. Boonoshi guttoo baachiye gaddooch beeto.

1 Taateenaꞌo 18:6

Ebich boonoshi hammemmi showoon qoodeeheete; Akaabi bi qell ikke badd, wotta Abidiyi bare badd hammiyeete.

1 Taateenaꞌo 18:8

Biyoo wochiꞌi, “Eeha taane. Hiniich ta beemon hamiree, ne doonoyich gete” iye.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Haddoo 12:11

Biyoo Muusich “Ta doonocho, xumme mooyon tuniyoona axaaxoon shuuneto noone. Doogena ebich noon naxeyaahine.

Maatiyoosi 11:8

woyee amoon beegga hammiyote? Deꞌe tahoon taheti uroon beegga hammiyote? Deꞌe tahoon taheti asho taateenaꞌo kexoochiye bi beeto.

Maatiyoosi 3:4

Yowannisi gaalechi eexoochee shippeti tahoon tahee beehe; wotta gooqqoochee shuuneeti shachoon cuyee beehe; bi maayoo gechoonaa bobbiyee eeyonane.

1 Saameeli 20:41

Bushoo hammitoyee gubb, Daawiti bi aasheti xaqqee gutee gaꞌoochee kechiꞌi, Yonaataani aafooch guteneꞌi keejje wottoon baroona guufee goyinnehe. Aroochee boonoshi guttiyoo eefeebee shumeheete. Tunebaani beshoon eeppito Daawitine.